រឿងផ្ទាល់ខ្លួន ៨យ៉ាងអំពី Bella Ranee តួឯកស្រីរឿង “បុព្វេសន្និវាស”

Bella Ranee ជាតារាសម្ដែងឆ្នើមប្រចាំប្រទេស ដែលបច្ចុប្បន្ននាងជាប់កុងត្រាជាមួយទូរទស្សន៍ប៉ុស្តិ៍លេខ ៣ ថៃ។ នាងល្បីល្បាញសុះសាយខ្លាំង ក្រោយសម្ដែងរឿង បុព្វេសន្និវាស ហើយក៏បានក្លាយជារាជនីថតស្ពត ថតកុន និងរឿងភាគដែលស៊ីថ្លៃមួយរូបផងដែរ។

តាមប្រភពពី Celebsagewiki បានទម្លាយថា តារាស្រីវ័យ ៣២ ឆ្នាំរូបនេះ មានទ្រព្យសម្បត្តិសុទ្ធប្រមាណពី ១-៥ លានដុល្លារអាមេរិក គិតត្រឹមឆ្នាំ​ ២០២១នេះ។ យ៉ាងណាមិញ ប្រាក់ចំណូលពុំមានប្រភពបង្ហើបឱ្យជាក់លាក់នោះទេ។

ក្រៅពីនោះ នេះជារឿងរ៉ាវ ៨ យ៉ាងផ្ទាល់ខ្លួនរបស់នាង ដែលអ្នកទំនងមិនទាន់ដឹងនៅឡើយ៖

១. Bella Ranee ឈ្មោះពេញ Bella Ranee Campen កើតនៅថ្ងៃទី ២៤ ខែធ្នូ ឆ្នាំ ១៩៨៩។ តារានិករ Capricorn។

២. នាងជាកូនកាត់ពីរសាសន៍គឺ ​ជនជាតិថៃ និងអង់គ្លេស។

៣. នាងជាកូនទោលក្នុងគ្រួសារ មានឪពុកឈ្មោះ Arnold Campen ជាជនជាតិអង់គ្លេស ចំណែកម្តាយឈ្មោះ Pranee Campen ជាជនជាតិថៃ។

៤. នាងបានបញ្ចប់បរិញ្ញាបត្រនិងអនុបណ្ឌិតផ្នែកសារព័ត៌មាននិងទំនាក់ទំនងនៃនាយកដ្ឋានវិទ្យុនិងទូរទស្សន៍ ពីសាកលវិទ្យាល័យ Thammasat ។

៥. ក្នុងឆ្នាំ ២០១១ នាងបានសម្ដែងដំបូងបំផុតជាតួចិត្តអាក្រក់ក្នុងភាពយន្តភាគទូរទស្សន៍រឿង Roy Marn ដែលមានតួឯកប្រុសគឺលោក Boy Pakorn និងតួឯកស្រីនាង Margie Rasri ។

៦. ក្នុងឆ្នាំ ២០១៣ Bella Ranee បានសម្ដែងជាតួសំខាន់លើកដំបូងនៅក្នុងរឿងភាគទូរទស្សន៍ចំណងជើង Pon Prom Onlaweng ជាមួយលោក Boy Pakorn ។

៧. កេរ្តិ៍ឈ្មោះរបស់នាងចាប់ផ្ដើមរីកសុះសាយ បន្ទាប់ពីសម្ដែងរឿងភាគទូរទស្សន៍ចំណងជើង Suparburoot Jutathep: Khun Chai Putipat ជាមួយលោក James Jirayu ហើយ Bella កាន់តែល្បីល្បាញទូទាំងប្រទេសថៃនិងអាស៊ី ក្រោយសម្ដែងរឿងភាគ Buppesunnivas (បុព្វេសន្និវាស) ដែលដើរតួជាមួយលោក Pope Thanawat ។

៨. បច្ចុប្បន្ន Bella Ranee មានទំនាក់ទំនងស្នេហាជាមួយតារាសម្ដែងលោក Weir Sukollawat ដែលគិតមកដល់ឆ្នាំនេះ ពួកគេស្រឡាញ់គ្នាអស់រយៈពេលជិត ៦ ឆ្នាំមកហើយ៕

ប្រែសម្រួល៖ សន្យា

ប្រភព៖ bookinginsider

ចុចអាន៖ ដំណើរ​លើ​វិថីសិល្បៈរបស់ Aum Patcharapa មុន​ក្លាយ​ជា​កំពូល​តារា​ល្បីប្រចាំប្រទេស

ចុចអាន៖ ៩ ​ចំណុច​ដែល​អ្នកគាំទ្រ​គួរ​ដឹង​ពី Baifern Pimchanok