KPT+

រៀនអបអរសាទរចំពោះខ្លួនឯង សូម្បីតែជាមួយនឹងជោគជ័យបន្តិចបន្តួច

បានផុស

៥ years មុន

នៅ

ថ្ងៃសុក្រ ៤ ធ្នូ ២០២០

ដោយ

ជីវិតមនុស្សតែងតែ ឡើងចុះ ដូច្នេះហើយការដេករង់ចាំជ័យជម្នះធំជារឿងល្ងង់ខ្លៅមួយ ព្រោះថា តាមផ្លូវយើងបានមើលរំលងជ័យជម្នះតូចៗជាច្រើន។

រៀនចំណាយពេលអបអរការឈ្នះតូចៗក្នុងជីវិតនាំមកនូវសុភមង្គលនិងសុទិដ្ឋិនិយម តាមរយៈការបង្អង់បន្តិចមកពិនិត្យមើលអ្វីៗ ក្នុងបញ្ជីការងារប្រចាំខែ ប្រចាំឆ្នាំ ដែលយើងធ្វើបាន ដូចជា៖

១ សំអាត

សំអាតចោលអ៊ីម៉េលចាស់ៗ តុ កៅអី ទូសៀវភៅបន្ទប់គេង បន្ទប់ធ្វើការ សំអាតឯកសារ សម្រេចថាអូខេឬមិនអូខេលើការស្នើសុំនានា ការងារដែលទុកចោលពន្យា ត្រូវបានធ្វើសំអាត នោះហើយ ជោគជ័យ!

២ ធ្វើឲ្យបច្ចុប្បន្នភាពគ្មានមន្ទិល

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្មាននរណាម្នាក់ក្លាយជាសហគ្រិនពេញលេញទេប្រសិនគេនៅមានភាពរារែក ឬមានមន្ទិល ឬជាប់បំណុលនៃការសម្រេចចិត្តជាច្រើនប្រតោងជាប់ក ព្យួរជាប់ខួរក្បាល និងទាញពន្យឺតដំណើរឆ្ពោះទៅមុខរបស់ជីវិត។ សម្រេចចិត្តឲ្យហើយ សកម្មភាពណាខ្លះត្រូវបិទចោល ណាខ្លះត្រូវចាប់ផ្ដើម ។ ក្រុមហ៊ុនណាខ្លះត្រូវបិទទ្វារ ណាខ្លះចាប់ផ្ដើមថ្មី នេះជាជោគជ័យ ប្រសិនគ្រាន់តែសម្រេចចិត្ត បានដាច់ស្រេច។

៣ ធ្វើឲ្យថ្ងៃនីមួយៗមានតែការពេញចិត្ត

ត្រូវកំណត់គោលដៅដែលត្រូវសំអាតឲ្យចប់ថ្ងៃនេះ ហើយមានអារម្មណ៍ថានឹងពេញចិត្តចំពោះការដែលយើងអាចធ្វើបាន ។ ការរស់នៅប្រចាំថ្ងៃដែលមានតែការពេញចិត្ត នាំ មកនូវជីវិត ដ៏ល្អមួយ។

៤ ដើរលេងឬ ធ្វើការងារថ្មី មានតម្លៃកម្សាន្តស្មើគ្នា

តាមពិតទៅ កាលដែលគិតថា ការងារហត់នឿយ គឺមកតែពីរការងារនោះមិនរលូន។ មនុស្សដែលសកម្មក្នុងជីវិតដើរលេងមិនសប្បាយដូចការងារទេ។ ប្រសិនអ្នកស្ត្រេសអ្នកអាចដកឃ្លាតែជីវិតអ្នកមិនមែនសម្រាប់ដើរលេងគ្មានលទ្ធផលឡើយ។ បង្កើតបេសកកម្មថ្មី ថ្ងៃនីមួយៗនឹងកាន់តែមានតម្លៃទ្វេ។ ជោគជ័យទាំងនោះហើយ តិចតួចយ៉ាងណាក្តីវាបង្ហាញថា អ្នកកំពុងរស់នៅយ៉ាងមានតម្លៃ។

៥ យល់សិនថា ហេតុអ្វីបានជាការឈ្នះតូចៗក្នុងជីវិតគឺជារឿងដ៏សំខាន់

អ្នកចិត្តសាស្រ្តនិងអ្នកជំនាញគ្រប់គ្រងយល់ស្របថា ការបំបែកគោលដៅធំ ៗ មកជាព្រឹត្តិការណ៍តូចៗ កាត់បន្ថយការភ័យខ្លាច បំភ្លឺទិសដៅល្អិតល្អន់ និងបង្កើនលទ្ធភាពនៃជោគជ័យជំហានៗ។

ការសិក្សាក៏បង្ហាញផងដែរថាការឈ្នះតូចៗ ផ្ដល់នូវភាពរីករាយយូរអង្វែងក្នុងជីវិតមនុស្ស ជាជាង ការតឹងតែងយូរយារ។

៦ ចែករំលែកផែនការយុទ្ធសាស្ត្រ

កុំរំពឹងថាមិត្តរួមក្រុមនឹងជំរុញក្រុមហ៊ុនឲ្យទទួលបានជោគជ័យប្រសិនបើពួកគេមិនដឹងថាយើងកំពុងចង់ទៅណា។ បង្ហាញពីផែនការមេ ឲ្យពួកគេជាម្ចាស់ ដូច្នេះពួកគេដឹងពីអ្វីដែលកំពុងធ្វើឆ្ពោះទៅរកនិងអាចស្គាល់ចំណុចសំខាន់ៗនៅតាមផ្លូវ។ អបអរសាទរជោគជ័យតូចៗរបស់កូនក្រុម ព្រោះនោះនាំទៅរកជោគជ័យធំជាមួយគ្នា៕

អត្ថបទ៖ ចម្រើនតារា

ចុចអាន៖មកដឹងប្រវត្តិតារាសម្ដែងក្បាច់គុនឆ្នើម លី ស៊ាឡុង ( Bruce Lee)

ចុចអាន៖មហាសេដ្ឋី១០ នាក់រួមគ្នាបង្កើតមូលនិធិលើកកម្ពស់សុខុមាលភាពឆ្នាំ២០២០ មានអ្នកណាខ្លះ?

Related Topics:ការលើកទឹកចិត្ត