Connect with us

KPT+

ការពិត ១១យ៉ាង ពី Gigi Hadid តារាបង្ហាញម៉ូដលំដាប់ទី១ នៅលើពិភពលោក

បានផុស

នៅ

Gigi Hadid ជាតារាម៉ូឌែលជនជាតិអាមេរិក ឈរនៅលំដាប់ទី១ លើពិភពលោក បន្ទាប់ពីផ្ដួលតារាម៉ូឌែល Kendal Jenner ដែលជាម្ចាស់តំណែងប៉ុន្មានឆ្នាំជាប់ៗគ្នា។ នាងទទួលបានប្រជាប្រិយភាពខ្លាំងក្លា ចាប់តាំងពីឆ្នាំ ២០១៤ ក្រោយបង្ហាញខ្លួនជាលើកដំបូងក្នុងការវិភាគរបស់គេហទំព័រ Models.com។ តារាបង្ហាញម៉ូដរូបនេះ លេចមុខក្នុងវិស័យម៉ូដតែ ៤ឆ្នាំប៉ុណ្ណោះ ក៏អាចដណ្ដើមឈ្មោះជាតារាម៉ូឌែលឆ្នើម និងមានវត្តមានលើក្របទស្សនាល្បីល្បាញរបស់អាមេរិក Vogue ​រហូតដល់ ៣៥ដង ក្លាយជាតារាម៉ូឌែលដ៏មានឥទ្ធិពល។

Gigi Hadid Spoke About Pregnancy Anxiety And Questioning If She Was "Good  Enough To Be A Mom"
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីនោះ ខាងក្រោមជារឿងពិត ១១យ៉ាងផ្សេងទៀត អំពីតារាស្រីវ័យ​ ២៦ឆ្នាំរូបនេះ៖

១. ឈ្មោះពិតរបស់នាងមិនមែន Gigi ទេ។ ឈ្មោះពិតរបស់ Gigi គឺ Jelena Noura Hadid ។ យោងតាមទស្សនាវដ្តី Vogue Paris ម្តាយរបស់ Gigi បានប្ដូរឈ្មោះឱ្យនាង អស់ជាច្រើនឆ្នាំមកហើយ មូលហេតុឈ្មោះដើមគ្មានរាសី។

២. ម្តាយរបស់ Gigi ក៏ជាតារាម៉ូឌែលដ៏ល្បីល្បាញមួយរូបផងដែរ។ ចំណែកបងប្អូនបង្កើតរបស់នាងគឺ Bella និង Anwar ក៏ជាតារាម៉ូឌែលដ៏ជោគជ័យ ខណៈម្តាយរបស់ពួកគេគឺអ្នកស្រី Yolanda Hadid ជាអ្នកជំរុញពួកគេឱ្យប្រឡូកក្នុងវិស័យម៉ូដនេះ។

Gigi Hadid Says Her Mom's Battle With Lyme Disease Made Her 'Very  Independent' at a Young Age | Entertainment Tonight

អ្នកស្រី Yolanda Hadid ជាតារាម៉ូឌែលជនជាតិហូឡង់-អាមេរិកដ៏មានប្រជាប្រិយភាព និងជាអតីតតារាសម្ដែងក្នុងខ្សែភាពយន្តរឿង “The Real Housewives of Beverly Hills” ។

៣. នាងចាប់ផ្ដើមអាជីពជាតារាបង្ហាញម៉ូដ តាំងពីនៅតូចមកម្ល៉េះ។ Gigi បានប្រាប់ទស្សនាវដ្ដី Vanity Fair កាលពីឆ្នាំ ២០១៤ ថា នាងក្លាយជាតារាម៉ូឌែលដំបូងបំផុតក្នុងយុទ្ធនាការ Baby Guess កាលពីអាយុ ២ខួប។

៤. នាងចង់ចាប់អាជីពមួយទៀត គឺ ផ្នែកនីតិចិត្តវិទ្យា។ Gigi ធ្លាប់និយាយនៅក្នុងកម្មវិធីទូរទស្សន៍មួយ កាលពីឆ្នាំ ២០១៨ ថា ប្រសិនបើខ្លួនមិនជាប់រវល់ខ្លាំងជាមួយអាជីពជាម៉ូឌែលទេ នាងនឹងបន្តការសិក្សានៅមហាវិទ្យាល័យលើជំនាញ នីតិចិត្តវិទ្យា។

Gigi Hadid: this tender shot of her daughter Khai for Bella Hadid's  birthday - Paris Beacon-News

៥. Gigi ចូលចិត្តធ្វើម្ហូប។ តារា​បង្ហាញម៉ូដ​រូប​នេះ ​ជាមនុស្សម្នាក់ដែលចូល​ចិត្ត​ធ្វើ​ម្ហូប ហើយ​តែងបង្ហោះរូប​ម្ហូបម្ហាដែលនាងចម្អិននៅ​លើ​បណ្ដាញ​សង្គមជាញឹកញាប់។

៦. នាងជាអ្នកជំនាញជិះសេះ និងលេងបាល់ទះ។ យោងតាមបទសម្ភាសន៍ជាមួយទស្សនាវដ្ដី Vogue ឆ្នាំ ២០១៥ Gigi គឺជាអត្តពលិកជិះសេះ តាំងរៀននៅវិទ្យាល័យម្ល៉េះ។ មិនតែប៉ុណ្ណោះ នាងក៏ចេះលេងបាល់ទះ តំណាងក្លិប កាលនៅរៀនផងដែរ។ ប៉ុន្តែបច្ចុប្បន្ន នាងមិនសូវបានលេងកីឡាទាំងនេះទេ។

Gigi Hadid Wants Her Met Gala Appearance to Inspire Her Daughter

៧. Gigi មាន​បងប្អូន​បង្កើត​បី​នាក់​។ បងប្អូនបង្កើតរបស់នាងគឺ Bella និង Anwar Hadid។ ប៉ុន្តែនាងក៏មានបងស្រីពីរនាក់ទៀតដែលមានឪពុកផ្សេងគ្នា គឺអ្នករចនាម៉ូដម្នាក់ឈ្មោះ Alana Hadid និងម្ចាស់ហាងវ៉ែនតា Hadid Eyewear គឺ Marielle Hadid ។

Best Gigi Bella Anwar Hadid Throwback Instagrams: 35 Times Gigi, Bella, and  Anwar Hadid Were Total Sibling Goals | Teen Vogue

៨. Gigi ជាតារាប្រចាំក្របមុខរបស់ទស្សនាវដ្តី Vogue ជាង ២០ក្រុមហ៊ុន រួមមានទស្សនា British Vogue, Vogue Paris និង Vogue Australia។ល។

៩. នាងជឿលើ Alien។ Gigi ធ្លាប់អះអាងថា នាងនិងអតីតមិត្តប្រុស Zayn Malik ជឿលើមនុស្សក្រៅភព ពិតជាមានប្រាកដមែន។

Everything to Know About Gigi Hadid and Zayn Malik's Relationship

១០. នាងក៏ជាជាងថតរូបម្នាក់ដែរ។ តារាម៉ូដែលវ័យក្មេងរូបនេះ ជាមនុស្សស្រីម្នាក់ដែលតែងតែថតរូបស្អាតៗឱ្យ Malik ដែលជាអតីតសង្សារ រាល់ពេលដែលពួកគេចេញក្រៅជាមួយគ្នា ហើយនាងក៏ជាម្ចាស់រូបថតរបស់កំពូលតារាម៉ូឌែល Adwoa Aboah សម្រាប់កម្មវិធីបង្ហាញម៉ូដ Versus Versace ទៀតផង។

១១. Gigi មានកូនហើយ។ នាងនិងអតីតមិត្តប្រុសគឺតារាចម្រៀង Zayn Malik ផ្ដើមទាក់ទងគ្នាកាលពីឆ្នាំ ២០១៨ ហើយពួកគេបង្កើតបានកូនស្រីម្នាក់ឈ្មោះ Khai កាលពីឆ្នាំ ២០២០។ ប៉ុន្តែកាលពីខែតុលា ឆ្នាំ២០២១ កន្លងទៅ អ្នកទាំងពីរបានចែកផ្លូវគ្នា ខណៈកូនស្រីមិនទាន់មានដំណឹងថាខាងណាជាអ្នកចិញ្ចឹមនៅឡើយ៕

ប្រែសម្រួល៖ សន្យា

ចុចអាន៖ ពិតទេ? Zayn ប្រើអំពើហិង្សាលើម្តាយ Gigi ទើបធ្វើឲ្យអ្នកទាំងពីរចែកផ្លូវគ្នា

ចុចអាន៖ ទម្លាយអាថ៌កំបាំងសេដ្ឋីនីវ័យក្មេង Kylie Jenner មនុស្សភាគច្រើនមិនធ្លាប់ដឹង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១១ នាទី មុន

មហាសេដ្ឋីអូស្ត្រាលីម្នាក់ ប្រកាសគម្រោង ធ្វើឱ្យកប៉ាល់ទីតានិករស់ឡើងវិញ

ព័ត៌មានអន្ដរជាតិ២២ នាទី មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៣ ម៉ោង មុន

តំបន់​អា​រ៉ែ​ង ផ្តើម​មាន​ទំនប់​បង្ហៀរ​ឆ្លង​ដងស្ទឹង​ប្រវែង​ជិត​១០០​ម៉ែត្រ

ព័ត៌មានជាតិ៤ ម៉ោង មុន

ក្រសួងការងារ និងGIZ ចុះអនុស្សរណៈលើការអនុវត្តគម្រោងបណ្តុះបណ្តាលបច្ចេកទេស និងវិជ្ជាជីវៈ អាស៊ាន ស្វីស

សេចក្ដីជូនដំណឹង៥ ម៉ោង មុន

គុណភាព​ល្អឥតខ្ចោះ​! ខុន​ដូ​ប្រណិត​រំដួល​ស៊ី​ធី​លំដាប់​ខ្ពស់​ដំបូង​នៅ​ភ្នំពេញ​ត្រូវបាន​ប្រគល់ជូន​ជា​ផ្លូវការ​

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម