Zayn Malik បង្ហោះរូបថតពិធីខួបកំណើតកូនស្រី ៣ ឆ្នាំដ៏កម្រ ក្នុង Instagram

Zayn Malik បានបង្ហោះរូបខួបកំណើត ៣ ឆ្នាំកូនស្រីតែមួយរបស់ខ្លួនជាមួយ​ Gigi Hadid នៅក្នុង Instagram កាលពីថ្ងៃព្រហស្បតិ៍ ទី២១ ខែកញ្ញា ។

លោកភ្ជាប់ពាក្យសម្ដីជាមួយរូបថតថា “រីករាយខួបកំណើតកូនស្រី កូនជាមនុស្សអស្ចារ្យបំផុតដែលប៉ាធ្លាប់ជួប ។ ជារៀងរាល់ថ្ងៃដែលប៉ាបាននៅក្បែរកូន ពិតជាសប្បាយរីករាយមិនអាចបរិយាយបានឡើយ ។ កូនអាយុ ៣ ឆ្នាំហើយ! ពេលវេលាដើរលឿនណាស់ ។”

Zayn បន្តថា “កូនស្រីដ៏ស្រស់ស្អាតរបស់ខ្ញុំ ខ្ញុំមិនអាចររស់នៅដោយគ្មានអ្នកបានទេ ។ អរគុណសម្រាប់ការផ្ដល់ក្ដីស្រលាញ់មកក្នុងជីវិតខ្ញុំ ។”

នៅក្នុងរូបថតយើងឃើញមុខ Khai បន្តិចប៉ុណ្ណោះ ព្រោះ Gigi និង Zayn ចង់រក្សាភាពឯកជនរបស់នាង រហូតដល់ធំទើបអាចសម្រេចចិត្តថាចង់ធ្វើជាតារាឬយ៉ាងណាបន្ទាប់ ។

គួរបញ្ជាក់ថា Gigi និង Zayn មានស្នេហារយៈពេល ៥ ឆ្នាំ ពួកគេបែកគ្នានៅឆ្នាំ ២០២១ ដោយសារម្ដាយ Gigi គឺអ្នកស្រី Yolanda Hadid ចោទប្រកាន់ Zayn ថាបានវាយខ្លួនអំឡុងពេលឈ្លោះគ្នា ។

ដោយឡែក ខាង Zayn លោកបានចេញមកបដិសេធការចោទប្រកាន់នេះ ដោយបានឆ្លើយតបនៅលើគណនី Twitter របស់លោកថា ការចោទប្រកាន់របស់អ្នកស្រី Yolanda Hadid សុទ្ធតែជារឿងមិនពិត ៕

ប្រែសម្រួល៖ វារី

ប្រភព៖ pagesix

ចុចអាន៖ ពិតទេ? Zayn ប្រើអំពើហិង្សាលើម្តាយ Gigi ទើបធ្វើឲ្យអ្នកទាំងពីរចែកផ្លូវគ្នា