អ្នកផាត់មុខឲ្យតារាម៉ូដែលលំដាប់ពិភពលោក Gigi Hadid ទម្លាយក្លិនទឹកអប់ប្រចាំខ្លួនរបស់នាង

មនុស្សពីរនាក់អាចប្រើទឹកអប់ក្លិនដូចគ្នា ប៉ុន្តែដើម្បីបង្កើតក្លិនប្រចាំរាងកាយពួកគេរមែងបាញ់ទឹកអប់ចាប់ពីពីរក្លិនឡើងទៅក្នុងពេលតែមួយ ។ ជាមួយគ្នានេះដែរ Erin Parsons អ្នកផាត់មុខឲ្យ Gigi Hadid សម្រាប់កម្មវិធី Met gala ពីរឆ្នាំចុងក្រោយបានចែករំលែកក្លិនដែល Gigi ប្រើនៅលើបណ្ដាញសង្គម Tik-Tok ជាសាធារណៈ ។

កញ្ញា Erin បាននិយាយថា “ខ្ញុំធ្វើការជាមួយ Gigi Hadid ជាញឹកញាប់ នាងពិតជាមានក្លិនក្រអូបមែន នាងប្រាប់ខ្ញុំថាខ្លួនប្រើទឹកអប់ My Burberry ពណ៌ខ្មៅ រួចបាញ់ Lily Aldridege Haven បញ្ចប់” លើសពីនេះ Erin ពណ៌នាទៀតថាក្លិននោះស្រដៀងក្លិនស្បែក ហើយប្រៀបបីដូចដើរកាត់សួនផ្កាកុលាប និងផ្លែក្រូចតែម្ដង ។

បើនិយាយពីក្លិនច្បាស់លាស់វិញ ក្នុង My Burberry ពណ៌ខ្មៅមានក្លិនផ្កាម្លិះ ផ្កាកុលាប amber patchouli បូករួមនឹងទឹកអប់ Haven ដែលមានក្លិន mandarin ផ្កា peony និងឈើ musk ។

យ៉ាងណាមិញ Lily Aldridge អ្នកបង្កើតទឹកអប់ Haven បានផ្អាកការផលិតទៅហើយដោយសារកង្វះសារធាតុផ្សំមួយចំនួន ហេតុនេះ Erin សង្ឃឹមថាការចែករំលែករបស់នាងអាចជំរុញទឹកចិត្តឲ្យ Lily ចាប់ផ្ដើមផលិតទឹកអប់ម្ដងទៀត ៕

ប្រែសម្រួល ៖ វារី

ចុចអាន ៖ កំពូលទឹកអប់ ១០ ក្លិន ជាប្រេនរបស់តារាល្បីៗ ដែលលក់ដាច់បំផុត