ពេលនេះតួឯកប្រុសរឿង “កប៉ាល់ Titanic” និងតារាម៉ូដែល Gigi ត្រូវគេប្រទះឃើញស្និតស្នាលគ្នាខ្លាំង

បន្ទាប់ពីលេចឮពាក្យចចាមអារ៉ាមមានទំនាក់ទំនងស្នេហាជាមួយគ្នារវាងតារាម៉ូដែល Gigi Hadid និងតួឯកប្រុសរឿង “កប៉ាល់ Titanic” លោក Leonardo DiCaprio ស្រាប់តែពេលនេះពួកគេទាំងពីរត្រូវគេប្រទះឃើញកាន់តែស្និតស្នាលគ្នាខ្លាំងនៅក្នុងពិធីជប់លៀង New York Fashion Week ។

នៅក្នុងព្រឹត្តិការណ៍នោះ តារាម៉ូដែលស្រីរូបនេះបានអង្គុយយ៉ាងកៀកកិតជាមួយលោក Leonardo DiCaprio ហើយតារាប្រុសរូបនេះថែមទាំងនិយាយខ្សឹបដាក់ត្រចៀក ដាក់ដៃលើស្មាររបស់ Gigi Hadid ផងដែរ ដែលមើលទៅហាក់ដូចជាមានភាពស្និទ្ធស្នាលខ្លាំង ។

បន្ទាប់ពីការបែកធ្លាយរូបភាពថ្មីនេះ ប្រភពស្និទ្ធនឹងគូស្នេហ៍មួយនេះបាននិយាយថា ខណៈពេលនេះពួកគេកំពុងទាក់ទងគ្នា ប៉ុន្តែពួកគេចេញមិនដែលចេញក្រៅតែ ២ នាក់នោះទេ ពោលពួកគេតែងតែដើរលេងជាក្រុម ។

យ៉ាងណាមិញមានប្រភពមួយទៀតបញ្ជាក់ថា អ្នកទាំងពីរត្រូវគេប្រទះឃើញលេងជាមួយគ្នានៅក្លឹបមួយកន្លែង បន្ទាប់ពី DiCaprio បែកបាក់ជាមួយតារាម៉ូដែល Camila Morrone ៕

ប្រែសម្រួល៖នាងតូច

ចុចអាន៖អ្នកគាំទ្រស្រឡាំងកាំង ក្រោយឃើញ Harry Styles ថើបមាត់គ្នាជាមួយ Nick Kroll

ចុចអាន៖ល្បីថា តួឯកប្រុសក្នុងរឿង “កប៉ាល់ Titanic” លួចទាក់ទងស្នេហាជាមួយតារាបង្ហាញម៉ូដ Gigi Hadid