Connect with us

KPT+

ព្រះអង្គម្ចាស់ Philip ជាស្នេហាដំបូង តែមួយគត់ និងចុងក្រោយបង្អស់របស់មហាក្សត្រិយានី Elizabeth ទី២

បានផុស

នៅ

ព្រះមហាក្សត្រីយានី Elizabeth​ ទី២ ធ្លាប់​មាន​ព្រះ​បន្ទូល​ថា ព្រះអង្គម្ចាស់ Philip ជា​ស្នេហា​ដំបូង ស្នេហា​តែ​មួយ​គត់ និង​ជា​ស្នេហា​ចុងក្រោយ​របស់​ទ្រង់​ទៅ​រហូត។

នៅថ្ងៃទី២០ ខែវិច្ឆិកាឆ្នាំ ១៩៩៧ យប់នៃខួបអាពាហ៍ពិពាហ៍លើកទី ៥០ របស់ម្ចាស់ក្សត្រី Elizabeth និង​ព្រះអង្គ​ម្ចាស់ Philip ទ្រង់​បានថ្លែង​​សុន្ទរកថាលាយឡំនឹង​មនោសញ្ចេតនា​យ៉ាង​ជ្រាលជ្រៅ​ទៅ​កាន់​ព្រះអង្គម្ចាស់ Philip នៅចំពោះ​មុខលោក Tony Blair ដែល​ពេល​នោះជា​នាយករដ្ឋមន្ត្រី រួមទាំង​​ឥស្សរជន​រាប់សិប​នាក់​ផ្សេង​ទៀតថា “ទ្រង់​ជា​មនុស្ស​ម្នាក់​ដែល​កម្រ​ទទួល​ពាក្យ​សរសើរ​ដោយ​ងាយ។ ប៉ុន្តែ​ទ្រង់​ជា​កម្លាំង​របស់​ខ្ញុំម្ចាស់​ច្រើន​ឆ្នាំ​មក​ហើយ ខ្លួន​ខ្ញុំ​ម្ចាស់​ផ្ទាល់ គ្រួសារ​របស់​យើង ហើយ​ប្រទេស​ទាំង​មូល​ ជំពាក់​បុរស​ម្នាក់​នេះ​រាប់មិនអស់។ លើស​ពី​អ្វីដែលខ្ញុំម្ចាស់ ​អាចពណ៌នា​បាន​ពេញលេញ។”

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ​ ដើម្បី​កាន់​តែ​ជ្រួតជ្រាប​ពី​មនោសញ្ចេតនារបស់ទ្រង់​​ ​​ថ្ងៃនេះ​កម្ពុជា​ថ្មី​​បាន​ពាំនាំ​នូវ​រឿងរ៉ាវ​ចាក់ស្រេះ​នៃ​​ដំណើរ​ស្នេហា​របស់​ព្រះ​មហាក្សត្រី​យានី Elizabeth និង​ព្រះអង្គ​ម្ចាស់ Philip រហូត​ដល់​ថ្ងៃ​ទ្រង់​ទាំង​ពីរ​កាយ​សោយទិវង្គត។

ត្រលប់​ទៅ​សម័យកាល​អំឡុង​ពេល​ព្រះរាជ​កុមារ​ភាព​របស់​ទ្រង់ ព្រះ​នាង​តូច​ដែល​មាន​ព្រះនាម​ថា “Elizabeth” ត្រូវ​បាន​មនុស្ស​ក្នុង​រាជវាំង​ហៅ​ទ្រង់​ថា “Lilibeth” ដែល​បាន​ក្លាយ​ជា​ឈ្មោះ​ហៅ​ក្រៅ ​ដែល​គ្រួសារ​ព្រះ​នាង​​​ប្រើ​តាំង​ពី​ពេល​នោះ​មក។ ដោយ​ប្រសូត​ក្នុង​គ្រួសារ​ត្រកូល​នៃ​ខ្សែ​រាជវង្ស ប៉ុន្តែ​​​នៅ​ឆ្ងាយ​ពី​លំដាប់​នៃ​ការ​ធ្វើ​ជា​ស្ដេច។ ប្រការ​នេះ​ បាន​ធ្វើ​ឲ្យ​ព្រះនាង Lilibeth តែង​តែ​រស់​នៅ​ដូច​មនុស្ស​ស្រី​ធម្មតា​ ហើយ​ក៏​មិន​ជា​បញ្ហា​ធំ​សម្រាប់​ទ្រង់​ក្នុង​ការ​យាង​ទៅ​ក្រៅ​រាជវាំង​ឡើយ។ រហូត​ដល់​ព្រះជន្ម​ ១០ វស្សា ស្ដេច Edward VIII បាន​សម្រេច​ព្រះ​ទ័យ​ដាក់រាជ្យ​ ដើម្បី​អភិសេក​ជាមួយ​ស្ត្រី​មេម៉ាយ​ជនជាតិ​អាមេរិក។ នេះ​បាន​បង្ខំឲ្យ​ព្រះបិតា​របស់​ព្រះនាង Lilibeth ឡើង​សោយរាជ្យ​តាមលំដាប់​នៃ​គ្រួសារ​រាជវង្ស​​បន្ត ហើយ​បាន​ក្លាយ​ជា​ស្ដេច George ទី៦ ហើយព្រះ​នាង​បាន​ក្លាយ​ជាគោលដៅនៃ​អ្នក​ស្នង តំណែង​ទី១។

ក្រោយមក​មិនយូរប៉ុន្មាន នៅឆ្នាំ ១៩៣៩ ព្រះនាង​យាង​ទៅ​កាន់​មហាវិទ្យាល័យ Britannia Royal Naval College ជាមួយ​គ្រួសារ​របស់ទ្រង់ នៅពេលនោះព្រះនាង​ទើបតែ​មានអាយុ ១៣ វស្សា ​ហើយបាន​ជួប​ស្នេហា​ដំបូង​និង​តែមួយគត់​របស់​ទ្រង់​គឺ​ព្រះអង្គម្ចាស់ Philip ដែល​ជា​ព្រះអង្គ​ម្ចាស់​នៃ​ប្រទេស​ក្រិក និង​ដាណឺម៉ាក ។ នៅពេលនោះព្រះអង្គម្ចាស់​មានព្រះជន្ម ១៨ វស្សា​ជាមួយនឹងរូបរាងសង្ហា រួមជាមួយ​នឹង​អាកប្បកិរិយាល្អ ជាពិសេស​គឺ​ជា​តួនាទីយោធា​ក៏បាន​បង្កើត​ចំណាប់អារម្មណ៍ដំបូងផងដែរ។ ដោយ​ទួល​ភារកិច្ចជាអ្នកដឹកនាំព្រះនាង Elizabeth និងព្រះនាង Margaret ទត​ជុំវិញ​បរិវេណ​សាលា នេះ​បាន​ធ្វើឲ្យ ព្រះនាង Elizabeth លង់ស្នេហ៍ជាមួយព្រះអង្គម្ចាស់​​តាំង​ពី​ពេល​នោះ​មក។

ក្រោយ​មក​អ្នក​ទ្រង់​ទាំង​ពីរ​អង្គ​ តែង​តែ​សរសេរ​សំបុត្រ​ស្នេហា​ផ្ដោះផ្ដង​វាចា​ស្រលាញ់​គ្នា​ទៅ​វិញ​ទៅ​មក។ នៅ​ឆ្នាំ ១៩៤៦ ព្រះអង្គម្ចាស់ Philip បានស្នើសុំកា​រអនុញ្ញាត​ពីព្រះមហាក្សត្រ George ទី៦ ដែល​ជា​បិតា​របស់ព្រះនាង Elizabeth រៀបអភិសេក​។ ប៉ុន្តែ​ស្ដេច George ទី៦ បាន​បដិសេធ​ ដូច្នេះ​ទ្រង់​បាន​ដោះដូរ​អ្វីៗ​ទាំង​អស់ រួម​ទាំង​ការ​លះបង់​សញ្ជាតិ​ក្រិក តួនាទី​យោធា​​ប្ដូរ​នាម​ត្រកូល​និង​ឋានៈ​រាជវង្ស ដើម្បី​ក្លាយ​ជា​ប្រជាជន​​នៃ​ចក្រភព​អង់គ្លេស​ពេញលេញ។​ នេះ​គឺ​ជាថ្នូរនឹងសេចក្តីស្រឡាញ់របស់​ទ្រង់​ ចំពោះ​ស្ត្រី​ជាទីស្រឡាញ់ នោះប្រហែលជាច្រើនបំផុត​ដែល​ទ្រង់​អាច​ធ្វើបាន ហើយនៅថ្ងៃទី២០ ខែ​វិច្ឆិកា ឆ្នាំ១៩៤៧ នៅពេល​ព្រះនាង​ព្រះជន្ម ២១ វស្សា ហើយ​ព្រះអង្គ​ម្ចាស់ Philip ព្រះជន្ម ២៦ វស្សា ទ្រង់ទាំងពីរ​ក៏សម្រេចព្រះទ័យ​រៀបអភិសេកនៅ​វិហារ Westminster (៥ ឆ្នាំ​មុន​ការ​ឡើង​គ្រងរាជ្យ​របស់​ម្ចាស់ក្សត្រី Elizabeth ទី២) ប៉ុន្តែ​នៅ​ពេល​នោះ​គឺ​ជា​ពេល​ដែល​ប្រទេស​អង់គ្លេស​ នៅ​តែ​ស្ថិត​ក្នុង​បរិយាកាស​នៃ​សង្គ្រាម​លោក​លើក​ទី ២ និង​ជា​អរិភាព​ជាមួយ​នឹង​ប្រទេស​អាល្លឺម៉ង់ បណ្ដាល​ឲ្យ​ព្រឹទ្ធាចារ្យបីនាក់របស់ព្រះអង្គម្ចាស់ Philip ដែលមានទំនាក់ទំនង​ជាមួយប្រទេស​អាល្លឺម៉ង់​ មិន​ត្រូវ​បាន​អញ្ជើញ​ឲ្យ​ចូល​រួម​ក្នុង​ពិធី​អភិសេក។ ចំណែកព្រះអង្គម្ចាស់ Philip ត្រូវបានប្រទានងារថ្មី Prince Philip, Duke of Edinburgh។

យ៉ាងណាមិញ ​ទ្រង់ទាំងពីរ​​ទើបតែប្រារព្ធខួប​អាពាហ៍ពិពាហ៍​លើកទី ៧៣ ​នៅក្នុងខែវិច្ឆិកា ២០២០ ហើយក៏ជាគូស្នេហ៍​រាជវង្សដែលកាន់តំណែងយូរបំផុត​ក្នុងប្រវត្តិសាស្ត្រអង់គ្លេស​ផងដែរ។ ពេញ៧៣ ឆ្នាំរបស់ព្រះមហាក្សត្រីយានី Elizabeth ​ព្រះអង្គ​ម្ចាស់ Philip​ តែងតែ​គាំទ្រ​បល្ល័ង្ក​អង់គ្លេសរបស់ក្សត្រី ដូចជាស្លាបដែលបាំងខ្សល់និងព្យុះភ្លៀង និង​ជា​កម្លាំង​របស់​ប្រមុខនៃ​ប្រទេសអង់គ្លេស។ ព្រះអង្គម្ចាស់ Philip បានធ្វើតាមម្ចាស់ក្សត្រី Elizabeth ដោយ​បានយាងមកដល់១៤៣​ប្រទេសជុំវិញពិភពលោក។ រហូត​ម្ចាស់ក្សត្រី Elizabeth បាន​បំពេញមុខងាររាជវង្ស​ដល់ទៅ៣០០ ដងក្នុងមួយឆ្នាំ និងជាអ្នកឧបត្ថម្ភនៃអង្គការសប្បុរសធម៌ជាង ៨០០ឯណោះ។

បន្ទាប់ពីត្រូវបាន​ប្រសិទ្ធនាម​ថាជាព្រះមហាក្សត្រដែលសោយរាជ្យយូរជាងគេជាង៧០ ឆ្នាំ និង​ប្រារព្ធ​ខួប​អាពាហ៍ពិពាហ៍ ៧៣ ឆ្នាំ​ជាមួយ​គ្នា តើ​អ្នកណា​នឹង​គិត​ថា ​នោះ​ជា​ពេល​វេលា​ចុងក្រោយ​ទៅ? ដោយសារ​តែ​មិន​យូរ​ប៉ុន្មាន នៅឆ្នាំ២០២១ ព្រះអង្គម្ចាស់ Philip បាន​សោយទិវង្គត។ ​ទោះបី​ជា​ការ​ចាកចេញ​ដែល​មិន​អាច​ចៀស​បាន ​ហើយ​ធ្វើឲ្យ​ម្ចាស់ក្សត្រី​ខូច​ព្រះទ័យ​ក៏ដោយ។ ប៉ុន្តែ​ទ្រង់​បាន​បន្ត​បំពេញ​ភារកិច្ច​ជា​ស្ដេច​​យ៉ាង​ពេញ​លេញ មិន​ថា​ជា​ពិធី​ដ៏​សំខាន់ ឬ​ការ​តែងតាំង​នាយករដ្ឋមន្ត្រី​នា​ពេល​កន្លង​មក​ ​រហូត​ដល់​ថ្ងៃ​ដែល​ម្ចាស់ក្សត្រី Elizabeth ​​សោយទិវង្គត​ នៅ​ថ្ងៃ​ទី ០៨ ខែ​កញ្ញា ឆ្នាំ២០២២។ កា​សោយទិវង្គត​របស់​ព្រះ​មហា​ក្សត្រី​យានី Elizabeth គឺ​ជា​រឿង​មួយ​ដែល​ប្រទេស​អង់គ្លេស ​និង​មនុស្ស​ទូទាំង​ពិភពលោក​មានការ​សោកស្ដាយ​យ៉ាង​ខ្លាំង ​ជា​ពិសេស​​​ប្រជាជន​ដែល​បាន​តាមដាន​ព័ត៌មាន​នៃ​រឿងរ៉ាវ​របស់​ទ្រង់។ ដូច្នេះ​ហើយ​ មនុស្ស​គ្រប់គ្នា​​​ជឿជាក់​ថា ស្នេហា​របស់​ទ្រង់​ទាំងពីរ​ ក្លាយ​ជា​ស្នេហា​មួយ​ដែល​ស្មោះស្ម័គ្រ ស្រលាញ់​មិន​ប្រែ​ និង​ជា​ស្នេហា​មួយ​ជា​រៀង​រហូត​ដល់​ថ្ងៃ​សោយទិវង្គត​រៀងៗខ្លួន៕

ប្រែសម្រួល៖ សាង ស្រីល័ក្ខ

ចុចអាន៖ប្រវត្តិស្នេហ៍ជ្រាលជ្រៅ រវាងព្រះម្ចាស់ក្សត្រី Elizabeth ទី២ និងព្រះអង្គម្ចាស់ Philip

ចុចអាន៖រឿង ៤ យ៉ាង នឹងផ្លាស់ប្ដូរ អង់គ្លេស ក្រោមរជ្ជកាលរបស់ស្ដេច Charles ទី ៣

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ វិនាទី មុន

តុលាការថៃ ប្រកាសកាលបរិច្ឆេទ កំណត់ជោគវាសនា លោក ប្រាយុទ្ធ

សន្តិសុខសង្គម១១ នាទី មុន

ចូលលួចលុយ និងគ្រឿងអលង្ការអ្នកជិតខាងអស់ខ្ទង់ម៉ឺនដុល្លារ ដល់ក្នុងបន្ទប់ដេក ម្ចាស់តាមទាន់ចាក់សោខាងក្រៅហៅប៉ូលិសចាប់ខ្លួន

ព័ត៌មានជាតិ១៤ នាទី មុន

តំណាងលោកជំទាវ ម៉ែន សំអន ឧទ្ទិសកុសល្យផលបុណ្យដល់វិញ្ញាណក្ខន្ធយុទ្ធជន ដែលបានលះបង់ជីវិត ដើម្បីបុព្វហេតុជាតិមាតុភូមិ

KPT+១៧ នាទី មុន

ព្រះអង្គម្ចាស់ Philip ជាស្នេហាដំបូង តែមួយគត់ និងចុងក្រោយបង្អស់របស់មហាក្សត្រិយានី Elizabeth ទី២

ជីវិតកម្សាន្ដ១៧ នាទី មុន

ផលិតករភាពយន្ត “ខោល” ឆ្លើយតបដោយត្រជាក់មុត ទៅមហាជនលើកថា ចម្លងតាមថៃ

Sokha Hotels

ព័ត៌មានពេញនិយម