ដោយសារគ្មានអ្នកនៅថ្ងៃនោះ ទើបខ្ញុំមានខ្លួនឯងនៅថ្ងៃនេះ
Connect with us
Helistar Cambodia - Helicopter Charter Services

KPT+

ដោយសារគ្មានអ្នកនៅថ្ងៃនោះ ទើបខ្ញុំមានខ្លួនឯងនៅថ្ងៃនេះ

Published

on

កំហុសដ៏ធំបំផុតក្នុងជីវិតរបស់ខ្ញុំ គឺស្រឡាញ់អ្នកច្រើនជាងស្រឡាញ់ខ្លួនឯង។ បេះដូងតែមួយរបស់ខ្ញុំបានប្រគល់ឲ្យអ្នក ទាំងដែលអ្នកមិនចង់ថែសោះ។ ខ្ញុំល្ងង់ដែលមើលមិនដឹងថា អ្នកមិនបានស្រឡាញ់ខ្ញុំដោយស្មោះ។ ខ្ញុំល្ងង់ដែលចែករំលែករឿងសម្ងាត់ជាមួយអ្នក ទាំងដែលអ្នកគ្មានចិត្តនឹងចង់ស្ដាប់ ចង់ឮ ឬចង់ចែករំលែកវាជាមួយខ្ញុំវិញឡើយ។ ខ្ញុំល្ងង់ដែលរង់ចាំអ្នក ទាំងដឹងថាអ្នកបានទៅឆ្ងាយទៅហើយ។ ខ្ញុំល្ងង់ដែលទុកចិត្តអ្នក ទាំងដែលអ្នកមិនធ្លាប់គិតថាស្មោះនឹងខ្ញុំ។

ប៉ុន្តែថ្ងៃនេះ

អរគុណអ្នកដែលបានកុហកខ្ញុំ

នឹកឡើងវិញ ក៏សែនហួសចិត្ត! រឿងរបស់ពួកយើងប្រៀបបាននឹងភាពយន្តដ្រាម៉ាដែលអ្នកជាអ្នកដឹកនាំរឿង ហើយក៏ជាតួសម្ដែងដ៏សក្តិសម។ អ្នកជាអ្នកនិពន្ធសាច់រឿងពីដើមដល់ចប់ ហើយខ្ញុំក៏ក្លាយជាជនរងគ្រោះម្នាក់ក្រោយភាពយន្តចប់ទៅ។ តែយ៉ាងណាក៏អរគុណចំពោះការសម្ដែងមួយនេះ វាធ្វើឲ្យខ្ញុំស្គាល់ភាពក្លែងក្លាយរបស់អ្នក។  ដោយសារការកុហកមួយនេះ ខ្ញុំបានស្គាល់សណ្ដានមនុស្សពិសពុលច្បាស់ដូចថ្ងៃ។

អរគុណដែលមិនអើពើនឹងខ្ញុំ

អរគុណខ្លាំងក្រៃចំពោះភាពព្រងើយកន្តើយនៅពេលដែលខ្ញុំត្រូវការអ្នកបំផុត។ ដោយសារអ្នកមិនខ្វល់នឹងខ្ញុំ ហើយដោយសារតែអ្នកបានទុកខ្ញុំចោល ពេលនេះខ្ញុំក្លាយជាមនុស្សរឹងមាំ មិនងាយចុះចាញ់ជីវិតនោះទេ។  

អរគុណដែលមិនឱ្យតម្លៃខ្ញុំ

អរគុណចំពោះការផ្តល់សេចក្តីស្រឡាញ់ដែលមានជាតិពុលដល់ខ្ញុំ តែម៉ោងនេះ ខ្ញុំចេះបែកចែកអ្វីដែលហៅថាក្លែងក្លាយ និងការពិតច្បាស់ហើយ។ ការដែលអ្នកមិនឲ្យតម្លៃទៅលើអ្វីដែលខ្ញុំបានធ្វើចំពោះអ្នក ថ្ងៃនេះខ្ញុំចេះផ្ដល់តម្លៃឲ្យខ្លួនឯងច្រើនបំផុត។

អរគុណណាស់ ដែលធ្វើឲ្យខ្ញុំចាត់ទុកខ្លួនឯងដូចសំរាមនៅពេលមានអ្នក។ ដោយសារទង្វើបែបនេះ វាធ្វើឲ្យខ្ញុំអាចរកឃើញតម្លៃពិតនៃខ្លួនឯង និងទទួលបានរបស់ល្អៗជាច្រើននៅពេលពួកយើងចប់គ្នា។

អរគុណដែលបានបង្ហាញខ្ញុំថា ស្នេហាគឺជាអ្វី! និងអរគុណសម្រាប់មេរៀនដែលអ្នកផ្ដល់ឲ្យ ប្រហែលខ្ញុំនៅតែជាសំរាមក្នុងជីវិតអ្នកនៅឡើយ តែមិនអីទេ ព្រោះពេលនេះខ្ញុំជាពេជ្រក្នុងជីវិតមនុស្សដែលស្រឡាញ់ខ្ញុំពិត៕

ប្រែសម្រួល៖ សន្យា

ចុចអាន៖ កុំឲ្យជីវិតដុនដាប ទាំង​នេះ​ជាហេុតផល​ដែល​អ្នកចាំបាច់​​ត្រូវ​​មាន​​គោលការណ៍​ផ្ទាល់​ខ្លួន

ចុចអាន៖ ទុកស្រ្តេសនៅយូររ៉ាំរ៉ៃបង្កគ្រោះថ្នាក់ទាំងផ្លូវចិត្តនិងរាងកាយ

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ53 mins ago

យុវជន​ម្នាក់​ទៅ​ស៊ី​ឈ្នួល​កាប់​ដើម​កៅស៊ូ​ ដែល​ប៉ះ​និង​ខ្សែកាប​ភ្លើង​ឆក់​ស្លាប់​មួយ​រំពេច

ព័ត៌មានជាតិ1 hour ago

ឧ​ត្ត​ម​មន្ត្រី​គាំទ្រ ឲ្យ​កម្ពុជា​លើក​ពេល​កិច្ចប្រជុំ​កំពូល​អាស៊ី​-​អឺរ៉ុប លើក​ទី​១៣ ទៅ​ចុង​ឆ្នាំនេះ​វិញ​

ព័ត៌មានជាតិ1 hour ago

ក្រសួង​ប្រកាសថា បុរស​ជនជាតិចិនម្នាក់ ស្លាប់​ដោយ​សារ​ថ្នាំញៀន មិន​​ស្លាប់​ដោយសារ​ជំងឺកូវីដ១៩ ទេ

ជីវិតកម្សាន្ដ1 hour ago

អាការៈ​លោកស្រី ច័ន្ទ​ធី បាន​ធូរ​ស្រាល​ក្រោយ​ធ្លាក់ ខ្លួន​ឈឺ​ដោយសារ​ជំងឺ​សម្ពាធ​ឈាម​

ព័ត៌មានជាតិ1 hour ago

បិទហាងហ្វឺជាបណ្តោះអាសន្នមួយកន្លែងនៅកណ្តាលក្រុងសៀមរាប បន្ទាប់ពីអ្នករត់ចេញ​ពី​កន្លែងចក្តាឡីស័ក ហើយចូលទៅញ៉ាំអាហារនៅទីនោះ

Sokha Hotels

ព័ត៌មានពេញនិយម

Helistar Cambodia - Helicopter Charter Services