ខេត្តសៀមរាបបន្តវិធានការរដ្ឋបាលរយៈពេល១៤ថ្ងៃទៀត

រដ្ឋបាលខេត្តសៀមរាបបានចេញសេចក្តីសម្រេចស្តីពីការបន្តអនុវត្តវិធានការរដ្ឋបាលជាបណ្ដោះអាសន្ន ដើម្បីទប់ស្កាត់ការឆ្លងរាលដាល នៃជំងឺកូវីដ-១៩ ក្នុងភូមិសាស្ត្រខេត្តសៀមរាបរយៈពេល ១៤ថ្ងៃ បន្តទៀតគឺចាប់ពីថ្ងៃទី២៤មេសារហូតដល់ថ្ងៃទី០៧ ខែឧសភា ឆ្នាំ២០២១នៅចន្លោះពីម៉ោង ២០ ដល់ម៉ោង ៥ ជាកំហិត។

បើតាមសេចក្តីជូនដំណឹងរបស់រដ្ឋបាលខេត្តសៀមរាបនៅថ្ងៃទី២១មេសានេះបានឲ្យដឹងថាការដាក់បន្តវិធានការរយៈពេល​១៤ថ្ងៃទៀតនេះបវន្ទាប់ពីស្ថានភាពជំងឺកូវីដ១៩នៅពុំទាន់ធូរស្រាលនៅឡើយ។

រដ្ឋបាលខេត្តបានអនុវត្តវិធានការរដ្ឋបាលជាបណ្ដោះអាសន្នតាំងពីថ្ងៃទី១០ ខែមេសា ដល់ថ្ងៃទី២៣ ខែមេសា ឆ្នាំ២០២១​ម្តងរួចមកហើយ ប៉ុន្តែដោយស្ថានភាពនៅពុំទាន់ធូរស្រាលនៅឡើយ ដូចនេះរដ្ឋបាលខេត្តបន្តអនុវត្តវិធានការរដ្ឋបាលជាបណ្ដោះអាសន្នបន្តទៀត៕

អត្ថបទ៖សំអឿន