ព័ត៌មានជាតិ
ជិតមួយខែ នៅបន្តរកឃើញអ្នកឆ្លងកូវីដ ពាក់ព័ន្ធអាជីវករផ្សារអូរឫស្សី
នៅថ្ងៃទី២០ ខែមេសា ឆ្នាំ២០២១ នៅរាជធានីភ្នំពេញ បានប្រកាសមានអ្នកឆ្លងកូវីដ-១៩ ចំនួន ២៥១ នាក់ទៀត ដែលជាករណីឆ្លងក្នុងសហគមន៍។ អ្នកវិជ្ជមានទាំង ២៥១ នាក់នៅរាជធានីភ្នំពេញ មានអ្នកជំងឺ ២ នាក់ពាក់ព័ន្ធអាជីវករផ្សារអូរឫស្សី។
ជនរងគ្រោះទីមួយឈ្មោះ ភឿន សោភា ភេទស្រីអាយុ ៣២ ឆ្នាំ មានទីលំនៅនៅសង្កាត់ព្រែកលាភ ខណ្ឌជ្រោយចង្វា និងជនរងគ្រោះទីពីរមានឈ្មោះ អ៊ុន សាមេត ភេទប្រុសអាយុ ៦៣ ឆ្នាំ មានលំនៅនៅភូមិ ១៧ សង្កាត់ទន្លេបាសាក់ ខណ្ឌចំការមន។
នៅយប់ថ្ងៃទី០៣ ខែមេសា ឆ្នាំ២០២១នេះ អាជ្ញាធរបានប្រកាសជាបន្ទាន់ផ្អាកការចេញចូលផ្សារអូរឫស្សីជាបណ្តោះអាសន្ន បន្ទាប់ពីរកឃើញអាជីវករ អនុប្រធានផ្សារ និងសន្តិសុខសរុប ៦នាក់ ឆ្លងកូវីដ ១៩។
ការចាត់វិធានការជាប្រញាប់នេះ ដើម្បីទប់ស្កាត់ការឆ្លងរាលដាលមេរោគកូវីដ១៩ ទៅដល់អាជីវករ អតិថិជន ក៏ដូចជាប្រជាពលរដ្ឋចេញចូលផ្សារ។
គិតថ្ងៃទី ១៩ មេសា ឆ្នាំ២០២១ មានអាជីវករផ្សារអូរឫស្សីសរុបចំនួន ៤១៩ នាក់ តេស្តមានមេរោគកូវីដ-១៩។
ក្រោយការផ្ទុះនៅផ្សារអូរឫស្សី អាជ្ញាធររាជធានីភ្នំពេញបានសម្រេចបិទផ្សារ ១៣ កន្លែងទៀតជាបន្តបន្ទាប់។ ក្នុងនោះមានផ្សារអូរឫស្សី ផ្សារចាស់ ផ្សារដើមគ ផ្សារអូឡាំពិក ផ្សារកណ្តាល ផ្សារនាគមាស ផ្សារបឹងត្របែកផ្លាហ្សា ផ្សារធំទួលសង្កែ (ផ្សារសាំហាន់) ផ្សារពោធិចិនតុង ផ្សារត្រពាំងថ្លឹង ផ្សារឯករាជ្យ ១ ផ្សារទួលពង្រ និងផ្សារសេនជូរីផ្លាហ្សា។
លោក ឃួង ស្រេង អភិបាលរាជធានីភ្នំពេញបានថ្លែងថា ការរីករាលដាលជំងឺកូវីដ១៩ ពាក់ព័ន្ធអាជីវករ និងកម្លាំងសន្តិសុខផ្សារ ទើបអាជ្ញាធរសម្រេចបិទបណ្តោះអាសន្នផ្សារមួយចំនួននៅរាជធានីភ្នំពេញ។
គិតត្រឹមថ្ងៃទី ១៩ មេសា នៅផ្សារអូរឫស្សីមានអ្នកឆ្លងចំនួន ៤១៩ នាក់ ផ្សារដើមគរចំនួន ២១៣ នាក់ ផ្សារនាគមាសចំនួន ៩០ នាក់ ផ្សារបឹងត្របែកផ្លាហ្សាចំនួន ១៤ នាក់ និងផ្សារកណ្តាលចំនួន ៤៨ នាក់ ដែលភាគច្រើនជាអាជីវករលក់ដូរក្នុងផ្សារទាំងនោះតែម្តង៕
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៤ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៧ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
សន្តិសុខសង្គម១៨ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ជីវិតកម្សាន្ដ៧ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ