ព័ត៌មានជាតិ

សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?

បានផុស

១ year មុន

នៅ

ថ្ងៃអាទិត្យ ១៧ មីនា ២០២៤

ដោយ

សម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ នាព្រឹកថ្ងៃទី១៧ ខែមីនា ឆ្នាំ២០២៤នេះនៅលើបណ្តាញសង្គមហ្វេសបុកបានសរសេរដោយសម្តែងការហួសចិត្តថា ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?

សម្តេចសង្ឃឹមថា ថ្នាក់ដឹកនាំនៃមន្ត្រីទាំងនេះនឹងរៀបចំឋានៈ និងកាំប្រាក់បៀវត្សឲ្យពួកគាត់ឡើងវិញព្រោះពួកគាត់មិនសមជាមន្ត្រី ដែលមានឋានៈនោះឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកប្រើប្រាស់បណ្តាញសង្គមហ្វេសបុកកាលពីម្សិលមិញបានផ្ទុះការរិះគន់មន្រ្តីមួយក្រុមដែលបានពាក់ស្បែកជើងចូលព្រះវិហារ ខណៈសកម្មភាពនេះដឹកនាំដោយលោក ស្រី សុភ័ក្រ្ត អភិបាលរងខេត្ដ តំណាងលោក អ៊ុន ចាន់ដា អភិបាលខេត្ដកំពង់ចាម ចុះពិនិត្យទីតាំង និងដឹកនាំកិច្ចប្រជុំត្រៀមរៀបចំពិធីបុណ្យកាន់អង្គ និងឆ្លងសម្ពាធសមិទ្ធផលនានានៅក្នុងវត្ដវេឡុវ័ន ហៅ(វត្ដទួលរកា) ក្រោមអធិបតីភាព លោកសន្តិបណ្ឌិត នេត សាវឿន ឧបនាយករដ្ឋមន្រ្តី និងជាប្រធានក្រុមការងាររាជរដ្ឋាភិបាលចុះជួយមូលដ្ឋានខេត្ដកំពង់ចាម នាពេលខាងមុខ នៅវត្ដវេឡុវ័ន (វត្ដទួលរកា) ឃុំពាមកោះស្នា ស្រុកស្ទឹងត្រង់ ខេត្ដកំពង់ចាម កាលពីថ្ងៃទី១៤ ខែ មីនា ឆ្នាំ២០២៤៕