Connect with us

សន្តិសុខសង្គម

អាជីវករផ្សារស្ទឹង សាទរចំពោះអាជ្ញាធរដែលបានរៀបចំសណ្តាប់ធ្នាប់បានល្អ

បានផុស

នៅ

អាជ្ញាធរស្រុកពញាក្រែក បានបង្កើតគណៈកម្មការមួយដើម្បីចុះរៀបចំសណ្តាប់ធ្នាប់ផ្សារស្ទឹង ស្ថិតក្នុងភូមិស្ទឹង ឃុំកោងកាង ស្រុកពញាក្រែក ខេត្តត្បូងឃ្មុំ ឲ្យមានរបៀបរៀបរយឡើងវិញ ហើយបង្កើតនូវបរិស្ថាន អនាម័យល្អ ព្រមទាំងបានផ្តល់នូវចំណេះដឹងការវេចខ្ចប់កាកសំណល់ឲ្យបានត្រឹមត្រូវដល់អាជីវករ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជីវករផ្សារស្ទឹងមានចិត្តសប្បាយរីករាយ ដោយអាជ្ញាធរ និងប្រធានផ្សារបានចុះរៀបចំសណ្តាប់ធ្នាប់បូមស្តារយកទឹកកខ្វក់មានក្លិនស្អុយចេញពីលូរដែលកកស្ទះជាយូរខែមកហើយនោះ។ ពួកគាត់លក់ដូរប្រកបដោយផាសុខភាព ហើយពួកគាត់រួមសហការតាមការណែនាំរបស់អាជ្ញាធរ និងប្រធានផ្សារ ដើម្បីជាប្រយោជន៍ក្នុងការប្រកបរបរចិញ្ចឹមជីវិត។

លោក កែ សារ៉េត ប្រធានផ្សារស្ទឹង បានបញ្ជាក់ថា ការកកស្ទះពិតជាមានមែន ឥលូវយើងបានដោះស្រាយរួចរាល់ហើយ ដោយអនុវត្តន៍ទៅតាមស្មារតីប្រជុំនៅសាលាស្រុកពញាក្រែក មាន៣ចំណុច.ទី១ មានការបូមស្តារលូរ.ទី២ រៀបចំអនាម័យ និងទី៣.រៀបចំកន្លែងផ្ញើកង់ ម៉ូតូ ឲ្យបានល្អ។ លោកប្រធានផ្សារក៏បានណែនាំដល់អាជីវករត្រូវសហការគ្នា និងកុំបោះកាកសំណល់ចូលលូរ ដើម្បីចៀសវាងការកកស្ទះ ហើយបងប្អូនត្រូវចេះវេចខ្ចប់កាកសំណល់ នោះទីផ្សារយើងលែងមានបញ្ហាហើយ ។

លោក លី ភីលីន អភិបាលស្រុកក៏បានបញ្ជាក់ដែរថា ស្រុកបានរៀបចំគណៈកម្មការមួយ មានស្រុក ឃុំ ចុះរៀបចំសណ្តាប់ធ្នាប់ផ្សារឲ្យបានល្អ ពិសេសខាងមុខផ្សារ និងចាត់វិធានការបូមរំដោះទឹកស្អុយចេញពីលូរ រួចរាល់ហើយ ។ ស្រុកធានាថា ទីផ្សារស្ទឹង នឹងស្អាតបែបនេះរហូត ៕

អត្ថបទ៖ សាន វិឡែម

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម