ជីវិតកម្សាន្ដ
ធ្លាយចចាមអារ៉ាមថា មេ MU ថៃ ត្រូវតុលាការចេញដីកាចាប់ខ្លួនពីបទឆបោក
អ្នកនាង Ann Chakrabongse ដែលត្រូវគេស្គាល់យ៉ាងច្បាស់ថាជា Miss Universeថៃ (MU) និងជានាយកប្រតិបត្តិ និងគ្រប់គ្រងក្រុមហ៊ុន JKN Global Group Public Company Limited បានចេញសេចក្ដីថ្លែងការមួយដោយត្រៀមធ្វើសន្និសីទសារព័ត៌មានបន្ទាន់នៅរសៀលនេះ ក្រោយមានពាក្យចចាមអារ៉ាមថា ធ្លាក់ដីកាចាប់ខ្លួនពីបទឆបោក។
យោងតាមសារព័ត៌មាន Sanook បានបង្ហោះនៅខ្លឹមសារទាំងស្រុងរបស់មេ MU រូបនេះ ថា ពេលនេះនាងកំពុងតែត្រៀមចេញសេចក្តីថ្លែងការណ៍បន្ទាន់មួយនៅរសៀលថ្ងៃទី២៣ ខែមីនា ឆ្នាំ២០២៤ បន្ទាប់ពីមានពាក្យចចាមអារ៉ាមថាតុលាការបានចេញដីកាចាប់ខ្លួននាង ហើយលោកស្រីក៏បញ្ជាក់បន្ថែមទៀតថា នឹងប្តឹងពីបទបរិហារកេរ្តិ៍មកលើរូបគាត់ផងដែរ។
យ៉ាងណាក៏ដោយ ពាក្យចចាមអារ៉ាមមួយនេះកំពុងរីករាលដាលពេញប្រទេសថៃ បន្ទាប់ពីស្នងការដ្ឋាននគរបាល Kabinburi ខេត្ត Prachinburi កំពុងរៀបចំចេញដីកាចាប់ខ្លួនលោកស្រី Chakkraphong Chakrajutathip ឬ Ann Chakkraphong នាយកប្រតិបត្តិ និងជានាយកគ្រប់គ្រងក្រុមហ៊ុន JKN Global Group Public Limited រួមនឹងនាយកក្រុមហ៊ុនចំនួនបួននាក់ផ្សេងទៀត ពីបទសមគំនិតក្នុងសំណុំរឿងឆបោក។
ហេតុការណ៍នេះផ្តើមចេញពីការរុះរើទ្រព្យសម្បត្តិចេញពីរោងចក្រផលិតរបស់ក្រុមហ៊ុន MN Beverage Co., Ltd. ដោយមិនបានជូនដំណឹងដល់ក្រុមហ៊ុន TCG Social Media Co., Ltd. ដែលជាដៃគូសហការគ្នា ដើម្បីឲ្យដឹងអំពីការផ្លាស់ប្តូរទ្រព្យសម្បត្តិ ទាំងមុន និងក្រោយ។
ទោះជាយ៉ាងណាក៏ដោយ កាលពីយប់មិញថ្ងៃទី ២២ ខែមីនា ឆ្នាំ ២០២៤ Ann Chakrabongse បានចេញមុខបកស្រាយជុំវិញករណីនេះ តាមរយៈទំព័រហ្វេសប៊ុក JKN Hi Shopping ដោយក្នុងនោះ លោកស្រីថែមទាំងរៀបចំចេញសេចក្តីប្រកាសជាបន្ទាន់នៅថ្ងៃទី ២៣ខែ មីនា ឆ្នាំ ២០២៤ វេលាម៉ោងប្រហែល ២:១០ រសៀល ដើម្បីបញ្ជាក់ថា លោកស្រីនឹងប្ដឹងក្រុមហ៊ុន TCG Social Media Co., Ltd. ពីបទបណ្តឹងមិនពិត រាយការណ៍មិនពិត និងបរិហារកេរ្តិ៍។
យ៉ាងណាមិញ រឿងរ៉ាវរបស់អ្នកនាង Ann Chakrabongse ឬស្រ្តីកែភេទថៃរូបនេះមិនមែនជារឿងទីមួយឡើយសសម្រាប់រូបគាត់។ ជាក់ស្ដែងកន្លងមក លោកស្រីធ្លាប់បានប្រកាសក្ស័យធនកាលពីឆ្នាំ២០២៣ ក្នុងពេលដែលបំណុលកាន់តែកើនឡើងខ្លាំងហួសប្រមាណ។ អ្វីដែលកាន់តែចាប់អារម្មណ៍ខ្លាំងបំផុតនោះគឺ រឿងរ៉ាវក្ស័យធនរបស់មេ MU បានធ្វើឲ្យមហាជនជាច្រើនមានការព្រួយបារម្ភនិងកំពុងតាមដានថា តើនឹងមានអ្វីកើតឡើងចំពោះកម្មវិធីប្រកួតបវរកញ្ញាចក្រវាឡ ហើយថាតើនឹងទទួលរងផលប៉ះពាល់ពីរឿងនេះ ឬយ៉ាងណា ដោយសារ JKN គឺជាម្ចាស់ស្ថាប័ន Miss Universe ដែលជាអ្នករៀបចំកម្មវិធីប្រកួតបវរកញ្ញាចក្រវាលទាំងមូលផងដែរ៕
អត្ថបទ៖ សាង ស្រីល័ក្ខ
ចុចអាន៖មុនលាចាកលោក តួប្រុសរឿង នាងណាត ថៃ បន្សល់ស្នាដៃធំ ៥ សុទ្ធតែល្បីរន្ទឺប្រចាំប្រទេស
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល