Connect with us

សន្តិសុខសង្គម

ប្រទះឃើញសពបុរសម្នាក់ក្នុងវ៉ាលី សមត្ថកិច្ចសន្និដ្ឋានថា ជាករណីឃាតកម្ម

បានផុស

នៅ

ក្រុមកម្មករស្ថាបនាផ្លូវជាតិលេខ៤៨ បានប្រទះឃើញមានវ៉ាលីមួយដាក់សាកសព ក្បែរចិញ្ចើមផ្លូវ ស្ថិតភូមិជីមាល ឃុំអណ្តូងទឹក ស្រុកបូទូមសាគរ ដោយសមត្ថកិច្ចសន្និដ្ឋានជារឿងឃាតកម្ម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កំលាំងនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តកោះកុង សហការជាមួយកំលាំង ការិយាល័យបច្ចេកទេស កំលាំងអធិការដ្ឋាននគរបាលស្រុកបុទុមសាគរ រួមនឹងមន្ត្រីនៃមន្ទីរពេទ្យបង្អែកខេត្តផងដែរ បានចុះពិនិត្យសាកសពខាងលើនេះ ក្រោយមានការរាយការណ៍ផ្តល់ព័ត៌មានពីក្រុមកម្មករធ្វើផ្លូវជាតិលេខ៤៨។

លោកវរសេនីយ៍ឯក ឡាយ ទីរ៉ូ នាយការិយាល័យព្រហ្មទណ្ឌកម្រិតធ្ងន់ បានបញ្ជាក់នៅថ្ងៃទី២០ ខែមីនា ឆ្នាំ២០២៤​នះថា សាកសព ត្រូវបានជនល្មើសវាយបែកក្បាលផ្នែកខាងមុខហើយញាត់ចូលវ៉ាលីជ័រពណ៌ទឹកក្រូច ហើយយកមក​បោះប្លុងចោលប្រហែលជា៣ថ្ងៃមកហើយ ។

នគរបាលជំនាញបន្ថែមថា លទ្ឋផលខណៈពេលកម្លាំងចម្រុះចុះពិនិត្យសាកសពនោះ មិនស្គាល់អត្តសញ្ញាណ អ្វីទាំងអស់ ប៉ុន្តែគ្រាន់តែដឹងថា មានភេទប្រុស ជនជាតិខ្មែរ ដោយនៅលើដើមដៃឆ្វេងរបស់សាកសពមានចាក់សាក់ជាអក្សរខ្មែរថា (ចងចាំ)ដោយសរសេរលេខខ្មែរនៅខាងក្រោម០៥.០៩.២១ ហើយសាកសព មានសភាពហើមធំក្លិនអសោច និងមានដង្កូវចុះទៅហើយ ករណីនេះកម្លាំងជំនាញបានធ្វើសន្និដ្ឋានថា ជាករណីឃាតកម្ម ។

បន្ទាប់ពីបានពិនិត្យកោសល្យវិច័យសាកសពចប់សព្វគ្រប់ សមត្ថកិច្ចប្រគល់សាកសពជូនអធិការដ្ឋាននគរបាលស្រុកបូទុមសាគ រដើម្បីចាត់ចែងបញ្ចុះសាកសពនៅក្នុងមូលដ្ឋានរបស់តែម្តង និងបន្តស្រាវជ្រាវរកសាច់ញាត្តិមកទទួល ព្រមទាំងបើកការស៊ើបអង្កេតរកជនសង្ស័យដើម្បីចាត់ការតាមនីតិវិធីផងដែរ៕

អត្តបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ២ ម៉ោង មុន

ក្រសួងការងារ សហការជាមួយស្ថានទូតធ្វើ “សង្រ្កាន្តខ្មែរនៅថៃ” ដើម្បីឲ្យពលរដ្ឋខ្មែរ មិនបានមកស្រុកកំណើតលេងកម្សាន្ត

ព័ត៌មានអន្ដរជាតិ២ ម៉ោង មុន

មេដឹកនាំ G7 នឹងជួបគ្នារឿងការវាយប្រហាររបស់អ៉ីរ៉ង់លើអ៉ីស្រាអែល

ព័ត៌មានអន្ដរជាតិ២ ម៉ោង មុន

នាយករដ្ឋមន្ត្រីអ៉ីស្រាអែល Netanyahu ប្តេជ្ញាពីជ័យជម្នះ ក្រោយអ៉ីរ៉ង់វាយប្រហារ​

ព័ត៌មានអន្ដរជាតិ៣ ម៉ោង មុន

ពលរដ្ឋអ៉ីរ៉ង់​រាប់​ពាន់​នាក់ចេញ​តាមផ្លូវបង្ហាញ​ការគាំទ្រ ការវាយប្រហារលើអ៉ីស្រាអែល

ព័ត៌មានអន្ដរជាតិ៣ ម៉ោង មុន

កូនភ្លោះជាប់គ្នាចាស់ជាងគេលើពិភពលោក Lori និង George Schappell បានស្លាប់នៅអាយុ ៦២ ឆ្នាំ

Sokha Hotels

ព័ត៌មានពេញនិយម