ព័ត៌មានអន្ដរជាតិ
អតីតសេដ្ឋិនី វៀតណាម ដែលរងការកាត់ទោសប្រហារជីវិត អង្វរតុលាការសុំដកអគារមួយខ្នងទុកឲ្យកូនស្រី
ប្រធានក្រុមហ៊ុន Van Thinh Phat និងជាអតីតសេដ្ឋិនីវៀតណាមលោកស្រី Truong My Lan បានអង្វរករសុំឲ្យតុលាការដកហូតអគារមួយខ្នងនៅវិថី Nguyen Hue ក្នុងទីក្រុងហូជីមិញចេញពីបញ្ជីសំណង ដោយលើកអង្គហេតុថាជាទ្រព្យសម្បត្តិរបស់កូនស្រី ។ នេះបើយោងតាមការចេញផ្សាយដោយសារព័ត៌មាន VN Express កាលពីថ្ងៃទី២២ ខែមីនាកន្លងទៅ ។
អគារដែលលោកស្រី Truong My Lan ស្នើសុំឲ្យតុលាការដកចេញពីបញ្ចីសំណងនេះត្រូវបានជួលដោយធនាគារ Saigon Commercial Bank (SCB) ធ្វើជាទីស្នាក់ការកណ្តាលរបស់ខ្លួន ហើយអតីតសេដ្ឋិនីវ័យ ៦៨ ឆ្នាំរូបនេះក៏បានខ្នះខ្នែងដោះស្រាយបញ្ហាទាំងប៉ុន្មានទាំងខ្លួននៅក្នុងគុក ជាពិសេសគឺការចរចាជាមួយវិនិយោគិនបរទេសដើម្បីបញ្ចូលលុយ ១ ពាន់លានដុល្លារទៅក្នុងធនាគារ SCB ។
លោកស្រីបានស្នើសុំដកអគារមួយខ្នងដែលជួលដោយធនាគារ SCB នៅផ្លូវ Nguyen Hue នៃទីក្រុងហូជីមិញ ប្រគល់ជូនកូនស្រីរបស់លោកស្រីវិញ ដោយសារតែនេះគឺជាអំណោយសម្រាប់កូនស្រីសំណព្វចិត្តរបស់លោកស្រី ស្របពេលដែលជាង ១ ឆ្នាំមកនេះ ធនាគារមិនបានបង់ថ្លៃជួលនោះទេ ហើយអគារនោះក៏មិនទាន់រុះរើនៅឡើយដែរ ។ មិនតែប៉ុណ្ណោះ លោកស្រី Lan ក៏បានស្នើសុំឲ្យផ្ទះវីឡាចាស់មួយខ្នងនៅសង្កាត់លេខ ៣ ប្រគល់ទៅក្រុមគ្រួសារវិញផងដែរ ដើម្បីឲ្យពួកគេរក្សាទុកជាទ្រព្យសម្បត្តិបុរាណរបស់វៀតណាម ។
ទន្ទឹមនោះ លោកស្រី Lan ដែលរងការកាត់ទោសប្រហារជីវិតបានលើកឡើងទៀតថា ក្នុងចំណោមទ្រព្យសម្បត្តិដែលត្រូវបានរឹបអូសនោះ គឺមានសាច់ប្រាក់ចំនួន ៣០០ ពាន់លានដុង (១២.១១ លានដុល្លារ) ដែលម្តាយរបស់លោកស្រីបន្សល់ទុកឲ្យក្រុមគ្រួសារ ហើយលោកស្រី Lan ចង់ផ្ទេរលុយនេះទៅឲ្យកូនស្រី និងក្មួយស្រីម្នាក់ទៀតឈ្មោះ Truong Hue Van ដែលកំពុងស្ថិតក្នុងការកាត់ទោសដូចគ្នា ដើម្បីអាចឲ្យនាងអាចប៉ះប៉ូវប្រាក់ខាតបង់ទាំងនោះបាន ។
កាលពីថ្ងៃទី១៩ ខែមីនា រដ្ឋអាជ្ញាបានស្នើសុំការកាត់ទោសប្រហារជីវិតប្រធានក្រុមហ៊ុន Van Thinh Phat និងជាអតីតសេដ្ឋិនីវៀតណាមលោកស្រី Truong My Lan រួមជាមួយអ្នកសមគំនិតចំនួន ៨៥ នាក់ផ្សេងទៀតដែលពាក់ព័ន្ធនឹងករណីសូកប៉ាន់ និងពុករលួយជាប្រព័ន្ធធ្វើឲ្យបាត់បង់ប្រាក់ ២០ ពាន់លានដុល្លារពីធនាគារ SCB ។
បន្ទាប់ពីបានបញ្ជាក់ពីចំណុចនៃការចោទប្រកាន់រួច ស្ថាប័នអយ្យការបានស្នើឲ្យក្រុមប្រឹក្សាជំនុំជម្រះផ្តន្ទាទោសជនជាប់ចោទ Truong My Lan ទៅតាមស្ថានទោសដូចជា ឲ្យជាប់ពន្ធនាគារពី ១៩ ទៅ ២០ ឆ្នាំពីបទសូកប៉ាន់, ជាប់ពន្ធនាគារពី ១៩ ទៅ ២០ ឆ្នាំពីបទរំលោភលើបទប្បញ្ញត្តិស្តីពីប្រតិបត្តិការធនាគារ និងទោសប្រហារជីវិតពីបទក្លែងបន្លំទ្រព្យសម្បត្តិ ។
ទាក់ទងនឹងទំនួលខុសត្រូវរដ្ឋប្បវេណី រដ្ឋអាជ្ញាបានស្នើឲ្យគណៈវិនិច្ឆ័យបង្ខំចុងចោទ Truong My Lan សងសំណងដល់ធនាគារ SCB សម្រាប់ការខាតបង់សរុបចំនួន ៦៦៧,៧០០ ពាន់លានដុង (២៧ ពាន់លានដុល្លារ) និងការប្រាក់បន្ថែមពីលើតម្លៃតួលេខទឹកប្រាក់សរុប ។
គួរបញ្ជាក់ថា ចាប់ពីឆ្នាំ ២០១២ ដល់ឆ្នាំ ២០២២ ក្រុមរបស់លោកស្រី Truong My Lan មានប្រាក់កម្ចីច្រើនជាង ២,៥០០ នៅធនាគារ SCB ជាមួយនឹងទឹកប្រាក់សរុបជាង ៤៤ ពាន់លានដុល្លារដែលស្មើនឹង ៩៣ ភាគរយនៃឥណទានសរុបដែលធនាគារបានចេញ ៕
ដោយ ៖ សុខ ជីវ័ន្ត
ចុចអាន ៖ រុស្ស៊ី ថា អាមេរិក គួរតែប្រញាប់ប្រាប់ព័ត៌មានរឿងវាយប្រហារភេរវកម្មនៅ ក្រុងមូស្គូឲ្យហើយមក
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល