លោក Luis Enrique បង្ហើបពីអនាគតយុវជន Xavi Simons ជាមួយក្លិប PSG

កីឡាករវ័យក្មេង Xavi Simons ត្រូវបានក្រុម Paris Saint-Germain បញ្ចូលឲ្យទៅលេងនៅលីគកំពូលអាឡឺម៉ងជាមួយក្រុម RB Leipzig ក្នុងលក្ខខណ្ឌខ្ចីជើងរដូវកាលនេះ បន្ទាប់ពីមិនស្ថិតក្នុងជម្រើសប្រើប្រាស់របស់ក្លិប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការបង្ហាញខ្លួនជាមួយក្រុម RB Leipzig កីឡាករវ័យ២០ឆ្នាំ រូបនេះបានបង្ហាញទម្រង់គួរឲ្យចាប់អារម្មណ៍ បន្ទាប់ពីស៊ុតបញ្ចូលទី៧គ្រាប់ ក្នុងការបង្ហាញខ្លួន២៥លើក។ សម្រាប់ឱកាស​ក្នុងការបង្ហាញខ្លួនជាមួយ PSG របស់កីឡករ Xavi Simons មានភាគរយតិចតួចណាស់។ នៅថ្ងៃទី២៨ ខែមិថុនា ឆ្នាំ២០២២ រូប​គេ​បានចុះហត្ថលេខាជាមួយក្លិប PSV លើកិច្ចសន្យារយៈពេល៥ឆ្នាំ ប៉ុន្តែអ្វីៗបានប្រែប្រួល នៅពេលក្រុម PSV លែងចង់បាន ហើយពេលនោះក្រុម PSG បានចរចារលើលក្ខខណ្ឌនាំយកកីឡាករ Simons មក​វិញក្នុងទឹកប្រាក់៦លានអឺរ៉ូ។

គ្រូបង្វឹកសញ្ជាតិអេស្ប៉ាញវ័យ៥៣ឆ្នាំរបស់ក្រុម Paris Saint-Germain លោក Luis Enrique យល់ឃើញថាកីឡាករ Xavi Simons កំពុងធ្វើបានយ៉ាងល្អនៅក្នុងការប្រកួតក្របខណ្ឌ Bundesliga។ រូបគេសក្តិសមទទួលបានឱកាស​ក្នុងការលេងឲ្យក្រុម PSG ប៉ុន្តែ​អនាគតរបស់​គេ​ត្រូវកំណត់ដោយក្លិប PSG ថា ចង់បន្តឲ្យ Simons បន្តស្នាក់​ឬ​យ៉ាងណា។

លោក Luis Enrique បាននិយាយថា ៖«គាត់​ជា​គ្រាប់ពេជ្រ​មួយ​គ្រាប់ ដែល​ធ្វើ​រឿង​អស្ចារ្យ​ក្នុងលក្ខខណ្ឌ​​ខ្ចី​ជើង។ គាត់​ជា​អ្នក​មាន​ទេពកោសល្យ។ Xavi មានជំនាញល្អឥតខ្ចោះលេងដោយភាពឆ្លាតវៃនិងការបត់បែន ដូច្នេះអាចជាជម្រើសដ៏ល្អសម្រាប់ក្លិប PSG។ អនាគតរបស់គេនឹងអាស្រ័យលើការសម្រេចចិត្តរបស់ក្លិប»៕

ប្រែសម្រួល៖ ផា រតនា
ប្រភព៖ Fabrizio