ម៉ោងជាង ១២​ អធ្រាត្រ កំពុង​បើក​រ៉ឺម៉ក​យឺតៗ​ដឹក​បន្លែលក់តាម​ផ្លូវ​ ចោរពីរ​នាក់ជិះ​ម៉ូតូ​ដេញ​ពីក្រោយ ​ឆក់ទូរសព្ទ​បាន​សម្រេច

ភ្នំពេញ​៖​ ប្តីប្រពន្ធមួយគូរបានបេីករ៉ឺម៉កដឹកបន្លែងរកកន្លែងដាក់លក់តាមចិញ្ចេីមផ្លូវខណះជិះយឺតៗ ស្រាប់តែមានជនសង្ស័យចំនួន២នាក់ ជិះម៉ូតូមួយគ្រឿងឌុបគ្នាមកពីក្រោយ ក៏ធ្វេីសកម្មភាពឆក់ទូរស័ព្ទដៃពីប្រពន្ធដែលអង្គុយខាងក្រោយបានសម្រេចរួចគេចខ្លួនបាត់ដោយសុវត្តិភាព។

ហេតុការណ៍​នេះបង្កការភ្ញាក់ផ្អេីលកាលពីវេលាម៉ោង១២និង១០នាទីរំលងអាធ្រាត្រ​ ឈានចូលថ្ងៃទី១៤​ ខែឧសភា​ ឆ្នាំ២០២១​ នៅខាងត្បូងស្តុបណូគារ​ តាមបណ្តោយផ្លូវលេខ២៧១​ ក្នុងសង្កាត់ទឹកល្អកទី៣​ ខណ្ឌទួលគោក​ រាជធានី​ភ្នំពេញ​។

តាមប្រភពព័ត៌មានពីជនរងគ្រោះសុំមិនបញ្ចេញឈ្មោះមានឲ្យដឹងថា​ មុនពេលកេីតហេតុរូបគាត់បានបេីកម៉ូតូសណ្តោងរ៉ឺម៉កដឹកបន្លែ យកមកលក់នៅលេីចិញ្ចេីមផ្លូវម្តុំកន្លែងកេីតហេតុ ដោយប្រពន្ធអង្គុយខាងក្រោយចុចទូរស័ព្ទ​ខណះកំពុងជិះយឺតៗរកកន្លែងឈប់ ភ្លាមនោះស្រាប់តែមានជនសង្ស័យ២នាក់ជិះម៉ូតូម៉ាកឃ្លីកមិនចាំស្លាក​លេខ​ធ្វេីដំណេីរ​មកខាងក្រោយក៏ធ្វេីសកម្មភាពឆក់ទូរស័ព្ទម៉ាកសាំសុងA20ពីដៃប្រពន្ធភ្លាមនោះរូបគាត់ស្ទុះទៅចាប់ជនសង្ស័យតែមិនជាប់ក៏ដួលរងរបួសថ្លោះដៃម្ខាងផងដែរ​ ចំណែកជនសង្ស័យក៏គេចខ្លួនបាត់តែម្តង។

ក្រោយកេីតហេតុ ជនរងគ្រោះដោយសារតែរវល់លក់បន្លែ ក៏មិនបានទៅដាក់ពាក្យបណ្តឹងនោះទេ រង់​ចាំទំនេរពីការលក់ដូរទេីបទៅដាក់ពាក់បណ្តឹង៕

អត្ថបទ៖ សុខា