កសិករ​ឃុំ​ទន្លេ​បិទ ខេត្ត​ត្បូងឃ្មុំ​ នឹកឃើញដាំ​ពូជដំណាំ​ខុស​ពី​គេ ​ឥឡូវកំពុងត្រូវប៉ាន់ទីផ្សារខ្លាំង

កសិករ​ ប៊ូ​ ម៉ាន​ កំពុងពង្រីកផ្ទៃដីដាំដុះ​ ប្រមាណជិត​១០​ហិចតា​ ក្នុងភូមិទន្សោង​ ឃុំទន្លេបិទ​ ស្រុកត្បូងឃ្មុំ​ ខេត្តត្បូងឃ្មុំ​ បានចាប់អារម្មណ៍មកបង្កបង្កេីនផលប្រភេទពូជដំណាំ ដែលមានលក្ខណៈខុសប្លែកពីគេ​ ដូចជាពួូកផ្លែឳឡឹកលឿង​ ត្រសក់ផ្អែម​ ពោតពណ៍ស្វាយ​ និងម្នាស់ទឹកឃ្មុំ​ក្នុងឃុំ​ទន្លេ​បិទ។ បច្ចុប្បន្នផលដំណាំរបស់លោក ពុំមានអ្នកដាំច្រើនទេ និងកំពុងត្រូវប៉ាន់លើផ្សារខ្លាំងណាស់។ នេះបើតាមការបញ្ជាក់របស់ លោក ប៊ូ​ ម៉ាន​ ។

លោក ប៊ូ​ ម៉ាន​ បានឱ្យដឹងថា​ បច្ចុប្បន្ន​នេះតម្រូវការលេីទីផ្សារទាំងអ្នកមកទទួលបោះដុំ​ និងមកទិញដល់ចម្ការជាលក្ខណៈគ្រួសារមានការកេីនឡេីងខ្ពស់​ ព្រោះអតិថិជនចូលចិត្ត​ និងគាំទ្រនូវផលិតផល​ ដូចជា​ ឳឡឹក​ពណ៍លឿង​ ព្រោះរសជាតិផ្អែមឆ្ងាញ់និងបែបធម្មជាតិពិតពេលមកដល់ចម្ការ។ បេីទោះកម្ពុជារងគ្រោះវិបត្តិកូវីដ១៩យ៉ាងណាក៍ដោយ​ តែប្រជាពលរដ្ឋនៅតែទទួលទាន​ និងតម្រូវការបន្លែ​ ម្ហូបអាហារ​ ត្រី​សាច់ខ្ពស់៕

អត្ថបទ​៖​ លោក​ ហុង​ ម៉េងហៀ​