ព័ត៌មានជាតិ
ក្រសួងផែនការស្នើឱ្យអភិបាលរាជធានីខេត្តជួយពន្លឿនការប្រមូលទិន្នន័យកម្មវិធី”ជំនួយសង្គមជាសាច់ប្រាក់ក្រោយពេលបិទខ្ទប់” ឱ្យបានត្រឹមថ្ងៃទី២៥ ខែឧសភា
លោកកិត្តិសេដ្ឋាបណ្ឌិត ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការស្នើឱ្យអភិបាលរាជធានីខេត្តទាំងអស់មេត្តាជួយសម្របសម្រួល និង ណែនាំបន្ថែមទៀត ដល់អាជ្ញាធរមូលដ្ឋាន ដើម្បីពន្លឿន ការកំណត់អត្តសញ្ញាណគ្រួសារគោលដៅ និង កំណត់អត្តសញ្ញាណគ្រួសារដែលឆ្លងជំងឺកូវីដ-១៩ ក្នុងព្រឹត្តិការណ៍២០កុម្ភៈ ឱ្យចប់សព្វគ្រប់តាមពេលវេលាកំណត់ ត្រឹមថ្ងៃទី២៥ ខែឧសភា ឆ្នាំ២០២១នេះ។
ថ្លែងក្នុងកិច្ចប្រជុំជាមួយ អភិបាលនៃគណៈអភិបាលរាជធានី-ខេត្តស្តីពីការប្រមូលទិន្នន័យ សម្រាប់អនុវត្តកម្មវិធី”ជំនួយសង្គមជាសាច់ប្រាក់ក្រោយពេលបិទខ្ទប់” កាលពីរសៀលថ្ងៃទី២១ឧសភា លោកទេសរដ្ឋមន្ត្រី ឆាយ ថន បានមានប្រសាសន៍ថា ការកំណត់ត្រឹមថ្ងៃទី២៥ ខែឧសភា ឆ្នាំ២០២១នេះគឺ ដើម្បីឱ្យក្រសួងសង្គមកិច្ច អតីតយុទ្ធជន និងយុវនីតិសម្បទា យកទិន្នន័យនេះសម្រាប់គណនាថវិកានិងបើកផ្តល់ថវិកាជូនគ្រួសារដែលបានសម្ភាសន៍ជាប់ នៅសប្តាហ៍ទី១ ខែមិថុនា ឆ្នាំ២០២១ ខាងមុខ។
លោក ទេសរដ្ឋមន្ត្រីបានបន្តថា ដើម្បីរួមចំណែកអនុវត្តសេចក្តីលេខ០២៣ សហវ ចុះថ្ងៃទី ១៣ ខែឧសភា ឆ្នាំ២០២១ ស្តីពីយន្តការ និងនីតិវិធីនៃការអនុវត្តកម្មវិធីជំនួយសង្គមជាសាច់ប្រាក់ក្រោយ ពេលបិទខ្ទប់សម្រាប់ប្រជាពលរដ្ឋ និង គ្រួសារប្រជាពលរដ្ឋមានការលំបាកផ្នែកជីវភាព, ប្រជាពលរដ្ឋ និងគ្រួសារប្រជាពលរដ្ឋ ដែលមានអ្នកឆ្លងជំងឺកូវីដ-១៩ និង មានការលំបាកផ្នែកជីវភាព ដោយសារជំងឺកូវីដ-១៩ ក្នុងព្រឹត្តិការណ៍ ២០កុម្ភៈ ២០២១ នេះ ក្រសួងផែនការបានរៀបចំនូវឯកសារមួយចំនួនសម្រាប់ដំណើរការ កំណត់អត្តសញ្ញាណគ្រួសារគោលដៅដូចជា នីតិវិធីកំណត់អត្តសញ្ញាណគ្រួសារគោលដៅ បញ្ជីសំណួរសម្រាប់សម្ភាសន៍គ្រួសារគោលដៅ រៀបចំ APP សម្រាប់ប្រមូលទិន្នន័យ និងឯកសារបណ្តុះបណ្តាល និងឯកសារផ្សេងៗសម្រាប់ដំណើរការងារ។ល។
លោក ទេសរដ្ឋមន្ត្រីបានបន្ថែមថា ក្រសួងបានសហការជិតស្និទ្ធជាមួយសាលារាជធានីភ្នំពេញ និងខេត្តទាំង២ ដោយបានរៀបចំរចនាសម្ព័ន្ធសម្រាប់អនុវត្ត និងដំណើរការកំណត់អត្តសញ្ញាណគ្រួសារគោលដៅ និង បានចាប់ផ្តើមអនុវត្តពីថ្ងៃទី១៥ ខែឧសភា ឆ្នាំ២០២១ដោយ យន្តការនៃការអនុវត្ត គឺ ប្រើប្រាស់យន្តការការកំណត់អត្តសញ្ញាណគ្រួសារក្រីក្រតាមការស្នើសុំ ដែលមានស្រាប់នៅតាមឃុំ សង្កាត់។
លោកទេសរដ្ឋមន្ត្រីបានបញ្ជាក់ទៀតថា ទន្ទឹមនឹងនេះដោយមានសហការពីលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា (ស.ស.យ.ក.) គឺយើងបានបន្ថែមកម្លាំង ស.ស.យ.ក. សម្រាប់ធ្វើការសម្ភាសន៍គ្រួសារគោលដៅ នៅតាមភូមិនានា ដោយការការសម្ភាសន៍ និងប្រមូលទិន្នន័យ តាមរយៈថេប្លេត ឬ ទូរសព្ទដៃ។ ការសម្ភាសន៍ ដោយប្រើប្រាស់ទូរសព្ទដៃ សម្រាប់តំបន់ដែលមានហានិភ័យខ្ពស់ ដូចជា តំបន់លឿងទុំ និងក្រហម។ លោក ទេសរដ្ឋមន្ត្រីបានឲ្យដឹងទៀតថាក្រៅពីតំបន់បិទខ្ទប់ទាំង៣ (រាជធានីភ្នំពេញ,ក្រុងតាខ្មៅនៃខេត្តកណ្តាល និងក្រុងព្រះសីហនុ នៃខេត្តព្រះសីហនុ)នៅតាមបណ្តាខេត្តចំនួន២២ រួមទាំងស្រុកមួយចំនួនរបស់ខេត្ត កណ្តាល និងខេត្តព្រះសីហនុ ក្នុងសេចក្តីសម្រេចខាងលើ ក៏បានកំណត់ឱ្យក្រសួងផែនការធ្វើការអត្តសញ្ញាណគ្រួសារដែលឆ្លងជំងឺកូវីត-១៩ ក្នុងព្រឹត្តិការណ៍ ២០ កុម្ភៈ។
គួរបញ្ជាក់ថារដ្ឋាភិបាលនឹងបើកផ្ដល់ប្រាក់ជូនពលរដ្ឋមានការលំបាកផ្នែកជីវភាពក្រោយពេលបិទខ្ទប់ទ្រង់ទ្រាយធំនៅដើមខែមិថុនាខាងមុខ។ ក្នុងនោះគ្រួសារសម្រាប់១នាក់ទទួលបានប្រាក់ថ្លៃស្បៀងអាហារចំនួន១០ម៉ឺនរៀលថ្លៃទឹកស្អាត២ខែចំនួន១៨០០០ថ្លៃអគ្គិសនី២ខែចំនួន៣៨០០០រៀលសរុប១៥៦០០០រៀល។ គ្រួសារមានមនុស្សពី២ទៅ៣នាក់ចំនួន១១៣៥០០រៀលថ្លៃទឹកស្អាត២ខែចំនួន៤៤៨០០ថ្លៃអគ្គិសនី២ខែ៨៥៤០០រៀលសរុប២៤៣៧០០រៀល។
សម្រាប់គ្រួសារចាប់ពីមនុស្ស៤នាក់ឡើងទៅទទួលបាន១២៧០០០ រៀលថ្លៃទឹកស្អាត២ខែ៦២០០០រៀលថ្លៃអគ្គិសនី២ខែ១២២០០០រៀលសរុប៣១១០០០។ ចំពោះប្រជាពលរដ្ឋនិងគ្រួសារប្រជាពលរដ្ឋ ដែលមានអ្នកឆ្លងកូវីដ១៩និងមានជីវភាពលំបាកផ្នែកជីវភាពក៏ទទួលបានប្រាក់ឧបត្ថម្ភដូចគ្នាផងដែរ។ រីឯការឧបត្ថម្ភប្រាក់សម្រាប់គ្រួសារពលរដ្ឋដ្ឋដែលមានអ្នកស្លាប់ដោយសារកូវីដ ១៩ក្នុងព្រឹត្តិការណ៍២០កុម្ភៈនឹងទទួលបានថវិកាដូចខាងក្រោម។
សម្រាប់គ្រួសារមនុស្ស ១នាក់ ទទួលបានថ្លៃស្បៀងអាហារចំនួន៣០ម៉ឺនរៀលថ្លៃទឹកស្អាត៥ខែចំនួន៤៥០០០រៀលថ្លៃអគ្គិសនី៥ខែចំនួន៩៥០០០សរុប៤៤ម៉ឺនរៀល។ គ្រួសារដែលមានមនុស្ស ពី ២ ទៅ ៣នាក់ នឹងទទូលបានថ្លៃស្បៀងអាហារចំនួន៣០ ម៉ឺនរៀលថ្លៃទឹកស្អាត៥ខែ១១២០០០រៀលថ្លៃអគ្គិសនី៥ ខែចំនួន២១៣៥០០រៀលសរុប៦២៥៥០០រៀលនិងគ្រួសារដែលមានមនុស្ស៤នាក់ឡើងទៅទទួលបាន៣០ម៉ឺនរៀលថ្លៃទឹកស្អាតខែចំនួន១៥៥០០០រៀលថ្លៃអគ្គិសនី៥ខែចំនួន៣០៥០០០រៀលសរុប៧៦ម៉ឺនរៀល។ ចំពោះគ្រួសារ ដែលមានប័ណ្ណសមធម៌ ដែលកំពុងទទួលការឧបត្ថម្ភជារៀងរាល់ខែពីកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងអំឡុងប្រយុទ្ធនឹងជំងឺកូវីដ១៩ មិនទទួលបានការឧបត្ថម្ភបន្ថែមទៀតទេ។
ចំណែកកម្មករនិយោជិតបម្រើការងារនៅតាមរោងចក្រសហគ្រាស ក្នុងវិស័យកាត់ដេរសំលៀកបំពាក់ស្បែកជើងនិងកាបូប នៅក្នុងតំបន់ក្រោមការអនុវត្តវិធានការបន្ទប់ជាលក្ខណៈទ្រង់ទ្រាយធំនៃរាជធានីភ្នំពេញ ក្រុងតាខ្មៅ ខេត្តកណ្ដាល និងក្រុងព្រះសីហនុ នៅខេត្តព្រះសីហនុ ត្រូវទទួលបានការឧបត្ថម្ភជាសាច់ប្រាក់ចំនួន១៦ម៉ឺនរៀល តែមួយលើកគត់។
គួរបញ្ជាក់ថា ការបើផ្តល់ការឧបត្ថម្ភសាច់ប្រាក់សម្រាប់ប្រជាពលរដ្ឋនិងគ្រួសារប្រជាពលរដ្ឋមានការលំបាកផ្នែកជីវភាព ដែលស្ថិតក្នុងតំបន់ក្រហមការអនុវត្តវិធានការបិទខ្ទប់ជាលក្ខណៈទ្រង់ទ្រាយធំ នៅរាជធានីភ្នំពេញ ក្រុងតាខ្មៅ នៃខេត្តកណ្ដាល និងក្រុងព្រះសីហនុនៅខេត្តព្រះសីហនុនេះ គឺបើកតែ១លើកគត់៕
អត្ថបទ៖ សំអឿន
ព្យុះព្រះអាទិត្យ ដ៏កាចសាហាវ វាយប្រហារភពផែនដី
មន្ត្រីជាន់ខ្ពស់ ចង់ប្រែក្លាយ ប.ស.ស ជាស្ថាប័នឈានមុខក្នុងការបម្រើសេវាជូនពលរដ្ឋនៅកម្ពុជា
អ៊ីស្រាអែល នៅតែផ្គើនអាមេរិក ចេញបញ្ជាឲ្យជនស៊ីវិល ឆាប់ជម្លៀសចេញពី Rafah ខណៈខ្លួន វាយសន្ធាប់
ឆែកឆេររថយន្តមួយគ្រឿងរកឃើញអាវុធមួយចំនួន ឈានដល់ឃាត់ខ្លួនជនសង្ស័យជនជាតិចិន
ភ្ញាក់ផ្អើល ពេលដឹងតួលេខមនុស្សស្លាប់ដោយសារជំងឺមហារីក នៅវៀតណាម មួយឆ្នាំៗ
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
អាជ្ញាធរជាតិអប្សរា ចុះស្រាវជ្រាវ ព្រែកស្រមោច ព្រែកជីកបុរាណ ប្រវែង ២៣ គីឡូម៉ែត្រ
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
ផ្ទុះខ្លាំង! មិនដល់២៤ម៉ោងផង វីដេអូ Surprise មង្គលការអតិថិជនរបស់ក្រុមហ៊ុន វឌ្ឍនៈ ប្រ៊ូវើរី ដោយកញ្ញារ៉ាប៊ីមានអ្នកទស្សនាជិត ៣លាននាក់ Videos Inside
-
សេដ្ឋកិច្ច៦ ថ្ងៃ agoធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ agoក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ agoគម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ៧ ថ្ងៃ agoសារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ agoវិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ agoស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ១ ថ្ងៃ agoរុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ agoព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)