ត្រឹមមួយព្រឹក ប្រជាពលរដ្ឋចាក់វ៉ាក់សាំងក្នុងខណ្ឌច្បារអំពៅមានចំនួនជាង៤ពាន់នាក់

ក្នុងរយៈពេលមួយព្រឹក នាថ្ងៃទី២៥ ខែឧសភា ឆ្នាំ២០២១នេះ ប្រជាពលរដ្ឋរស់នៅក្នុងខណ្ឌច្បារអំពៅ រាជធានីភ្នំពេញ បានអញ្ជើញទៅចាក់វ៉ាក់សាំងការពារជំងឺកូវីដ១៩ បានចំនួន៤២០៨នាក់។

យោងតាមរបាយការណ៍របស់លោកអ៊ុ សំផៃ ប្រធានការិយាល័យ រដ្ឋបាលសាលាខណ្ឌច្បារអំពៅបានឲ្យដឹងថា ទីតាំងដែលត្រូវចាក់ថ្នាំវ៉ាក់សាំងគឺមាន១០ទីតាំងក្នុងសង្កាត់ទាំង៨ហើយជាលទ្ធផលក្នុងរយះពេលពេញមួយព្រឹកថ្ងៃទី២៥ខែឧសភានេះគឺបងប្អូនប្រជាពលរដ្ឋដែលមានអាយុចាប់ពី១៨ឆ្នាំឡើងទៅដល់៥៩ឆ្នាំបានចាក់ចំនួន៤២០៨នាក់ក្នុងនោះគឺស្ថិតក្នុងសង្កាត់ច្បារអំពៅទី១ទីតាំងក្នុងសាលាបថមសិក្សាច្បារអំពៅបានចំនួន៣៣០នាក់។

សង្កាត់ច្បារអំពៅទី២មាន១ទីតាំងស្ថិតក្នុងវត្តពោធិព្រះបាត ជាលទ្ធផលចាក់បាន៣៩០នាក់។ សង្កាត់និរោធមាន៣ទីតាំងគឺទី១ ក្នុងសាលាបថមសិក្សាឬស្សីស្រស់ចាក់បាន៣២៩នាក់.ទី២សាលាបថមសិក្សាប្រជុំវង្សចាក់បាន២០៨នាក់និងទី៣ក្នុងបុរីប៉េង ហួត បឹងស្នោ ចាក់៦០០នាក់។

សង្កាត់ព្រែកប្រាមាន១ទីតាំងស្ថិតក្នុងវិទ្យាល័យ ហ៊ុន សែន ព្រែកប្រាចាក់បាន៥៥៩នាក់។ សង្កាត់វាលស្បូវមាន១ទីតាំងគឺក្នុងសាលាបថមសិក្សាវាលស្បូវចាក់៣៣៦នាក់។ សង្កាត់ព្រែកឯងមាន១ទីតាំងគឺស្ថិតក្នុងវិទ្យាល័យព្រែកឯងចាក់បាន៤០២នាក់។ សង្កាត់ក្បាលកោះមាន១ទីតាំងគឺសាលាបថមសិក្សាយកបាត្រចាក់បាន៥២៧និងសង្កាត់ព្រែកថ្មីគឺស្ថិតក្នុងសាលាបថមសិក្សាព្រែកថ្មីចាក់បាន៥២៧នាក់។ ដូច្នេះទាំង១០ទីតាំងរយះពេលមួយព្រឹកចាក់បានមនុស្ស៤២០៨នាក់៕

អត្ថបទ៖ នរា