ឧតុនិយមព្យាករ​ដើមខែ​មិថុនា មានភ្លៀងធ្លាក់​រាយប៉ាយ សូម​បង​ប្អូន​ជ្រាប​ជា​ព័ត៌មាន

យោងតាមសេចក្តីជូនដំណឹង​របស់​ក្រសួង​ធនធានទឹក​ និងឧតុនិយម ចាប់ពីថ្ងៃទី២ – ៨ ខែមិថុនា ឆ្នាំ២០២១ កម្ពុជានឹង​ទទួលរងឥទ្ធិពលនៃខ្យល់មូសុងនិរតី ដែលនាំ​ឲ្យ​មាន​ភ្លៀងធ្លាក់រាយប៉ាយតាម​តំបន់​ដូចជា​

១-បណ្តាខេត្តនៅតំបន់វាលទំនាបកណ្ដាល ៖

-នៅថ្ងៃទី២-៥ ខែមិថុនា នឹងអាចមានភ្លៀងធ្លាក់មិនសូវរាយប៉ាយក្នុងកម្រិតខ្សោយ
-នៅថ្ងៃ៦-៨ ខែមិថុនា នឹងអាចមានភ្លៀងធ្លាក់រាយប៉ាយក្នុងកម្រិតមធ្យមទៅបង្គួរ

២-បណ្តាខេត្តជាប់ជួរភ្នំដងរែក និងខ្ពង់រាបឦសាន ៖

-នៅថ្ងៃទី២-៤ ខែមិថុនា នឹងអាចមានភ្លៀងធ្លាក់មិនសូវរាយប៉ាយក្នុងកម្រិតខ្សោយ
-នៅថ្ងៃទី៥- ៨ ខែមិថុនា នឹងអាចមានភ្លៀងធ្លាក់រាយប៉ាយក្នុងកម្រិតមធ្យមទៅបង្គួរ

៣-តំបន់មាត់សមុទ្រ ៖

-នៅថ្ងៃទី៦- ៨ ខែមិថុនា នឹងមានភ្លៀងធ្លាក់ក្នុងកម្រិតពីបង្គួរទៅច្រើន នឹងនៅលើផ្ទៃសមុទនឹងអាចមានភ្លៀងខ្យល់បក់ខ្លាំងនិងរលកសំមុទ្រខ្ពស់ៗ ។

អាស្រ័យស្ថានភាពធាតុអាកាសដូចបានជម្រាបជូនខាងលើ សូមសាធារណជនជ្រាបជាព័ត៍មាន ពិសេសប្រជានេសាទនិងអ្នកដំណើរសមុទ្រ ដោយបង្កើនការប្រុងប្រយ័ត្នចំពោះបាតុភូតផ្គរ រន្ទះ ខ្យល់ខ្លាំង ខ្យល់ កន្ត្រាក់ និងរលកសមុទ្រខ្ពស់ ៕