ព័ត៌មានជាតិ

បង្ក្រាបករណីជួញដូរដោយខុសច្បាប់នូវសារធាតុញៀនឃាត់ជនសង្ស័យ៣នាក់

បានផុស

៥ years មុន

នៅ

ថ្ងៃសុក្រ ១១ មិថុនា ២០២១

ដោយ

នគរបាលស្រុកមុខកំពូល បង្ក្រាបករណីជួញដូរដោយខុសច្បាប់នូវសារធាតុញៀនឃាត់ជនសង្ស័យ ៣នាក់ ក្រោយពីទទួលបានសេចក្តីរាយការណ៍ពីប្រជាពលរដ្ឋ ។

ករណីនេះកើតឡើងកាលពីថ្ងៃទី១០ ខែមិថុនា ឆ្នាំ២០២១ វេលាម៉ោង១៣និង០០នាទី នៅចំណុចទំនប់រាហ៊ូ ភូមិព្រែកយាយហ៊ិនទី១ ឃុំឬស្សីជ្រោយ ស្រុកមុខកំពូល ខេត្តកណ្ដាល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនសង្ស័យទាំង៣នាក់ ១,ឈ្មោះ ឆន ស៊ីដែត ភេទប្រុស អាយុ២២ឆ្នាំ នៅភូមិព្រែកយាយហ៊ិនទី១ ឃុំឬស្សីជ្រោយ ស្រុកមុខកំពូល ខេត្តកណ្ដាល មុខរបរ មិនពិតប្រាកដ ។ ២,ឈ្មោះ ស៊ុំ ភក្ដី ភេទប្រុស អាយុ១៦ឆ្នាំ នៅភូមិព្រែកយាយហ៊ិនទី១ ឃុំឬស្សីជ្រោយ ស្រុកមុខកំពូល ខេត្តកណ្ដាល មុខរបរ មិនពិតប្រាកដ។ ៣, ឈ្មោះ វ៉ែន សុវណ្ណរ៉ា (ហៅ) ទ្រី វត្ថុតាងដកហូតម្សៅក្រាមពណ៌សថ្លា សង្ស័យសារធាតុញៀនចំនួន១៥កញ្ចប់តូច ទូរស័ព្ទចំនួន០២គ្រឿង។

សមត្ថកិច្ចប្រាប់ឲ្យដឹងថា ការឃាត់ខ្លួនជនសង្ស័យ៣នាក់ ករណីជួញដូរដោយខុសច្បាប់នូវសារធាតុញៀននេះ គឺដោយសារមានសេចក្តីរាយការណ៍ពីប្រជាពលរដ្ឋ ទើបកម្លាំងជំនាញ, កម្លាំងប៉ុស្តិ៍ និងប្រជាការពារ ចុះដល់កន្លែងកើតហេតុភ្លាមៗ ។

ចំពោះជនសង្ស័យ និងវត្ថុតាងត្រូវបានបញ្ជូនទៅអធិការដ្ផាននគរបាលស្រុកមុខកំពូល ដើម្បីបន្តនីតិវិធី ៕

អត្ថបទ ៖ រ៉ាវុទ្ធ