ព័ត៌មានជាតិ
ខេត្តកំពង់ស្ពឺមានអ្នកស្លាប់ដោយសារជំងឺកូវីដ១៩ ច្រើនជាងគេលំដាប់ទី២ បន្ទាប់ពីភ្នំពេញ
ភ្នំពេញ ៖ គិតត្រឹមព្រឹកថ្ងៃទី២៩ ខែមិថុនា ឆ្នាំ២០២១នេះ ខេត្តកំពង់ស្ពឺមានអ្នកស្លាប់បាត់បង់ជីវិតដោយសារជំងឺកូវីដ១៩ កើនឡើងដល់៣៣នាក់ដែលជាតួលេខមួយខ្ពស់លំដាប់ទី២ បន្ទាប់ពីរាជធានីភ្នំពេញដែលមានអត្រាស្លាប់ច្រើនជាងគេនៅទូទាំងប្រទេស។
បើតាមលោក វេជ្ជបណ្ឌិត អោ វណ្ណថេន ប្រធានមន្ទីរសុខាភិបាលខេត្តកំពង់ស្ពឺ បានមានប្រសាសន៍ នៅថ្ងៃទី២៩មិថុនាថា ក្នុងចំណោមអ្នកស្លាប់ចំនួន៣៣នាក់នោះមានប្រមាណ៦០ភាគរយស្លាប់នៅតាមផ្ទះពេលក្រុមគ្រូពេទ្យទៅយកសំណាកសពទើបដឹងថា មានឆ្លងជំងឺកូវីដ ១៩។
លោក វេជ្ជបណ្ឌិតបានបន្តថា គិតត្រឹមព្រឹកថ្ងៃទី២៩ខែមិថុនា ឆ្នាំ២០២១នេះ ខេត្តកំពង់ស្ពឺមានអ្នកឆ្លងជំងឺកូវីដ១៩ ប្រមាណជាង២ពាន់នាក់ ក្នុងនោះជាសះស្បើយជាង១៦០០នាក់ កំពុងសម្រាកព្យាបាលនៅមន្ទីរពេទ្យជាង៥០០នាក់។
លោកវេជ្ជបណ្ឌិតបណ្ឌិត បានបន្ថែមទៀតថា ចំណែកអ្នកកំពុងធ្វើចត្តាឡីស័កវិញមានជាង២ពាន់នាក់ក្នុងនោះកំពុងស្នាក់នៅក្នុងមណ្ឌលចត្តាឡីស័កមានចំនួនប្រមាណ៨០០នាក់និងកំពុងធ្វើនៅតាមផ្ទះមានជាង១ពាន់នាក់។
បើតាមលោក ប្រធានមន្ទីរសុខាភិបាលបានបញ្ជាក់ថា អ្នកឆ្លងជំងឺកូវីដ១៩ នៅខេត្តកំពង់ស្ពឺភាគច្រើនឆ្លងទៅលើកម្មករកម្មការិនីរោងចក្រ ប្រជាពលរដ្ឋទូទៅនិងពលករខ្មែរដែលវិលត្រឡប់មកពីប្រទេសថៃ។
គួរបញ្ជាក់ថា គិតត្រឹមព្រឹក ថ្ងៃទី២៩ ខែមិថុនា ឆ្នាំ២០២១ កម្ពុជាមានអ្នកឆ្លងជំងឺកូវីដ១៩សរុបចំនួន៤៩២៥៥នាក់ អ្នកជាសះស្បើយចំនួន៤៣៤៧៣នាក់និង អ្នកស្លាប់ចំនួន៥៧៥នាក់៕
ដោយ ៖ សំអឿន
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១៩ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៦ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
ព័ត៌មានជាតិ១ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម១ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល