ឪពុករវល់ដាក់បង្កៃត្រី កូនចុះលេងទឹកលង់ស្លាប់ម្នាក់ និងម្នាក់ទៀត ​សង្គ្រោះទាន់
Connect with us
Helistar Cambodia - Helicopter Charter Services

ព័ត៌មានជាតិ

ឪពុករវល់ដាក់បង្កៃត្រី កូនចុះលេងទឹកលង់ស្លាប់ម្នាក់ និងម្នាក់ទៀត ​សង្គ្រោះទាន់

បានផុស

នៅ

នេះជារឿងមួយដ៏គួរឲ្យសង្វេគណាស់ ខណៈឪពុកទៅដាក់បង្កៃត្រី នាំកូនស្រី២នាក់ ទៅជាមួយ តែដោយសាររវល់ជាប់ដាក់បង្កែត្រី បែរជាកូនទាំង២នាក់ ចុះលេងទឹកបណ្តាលឲ្យលង់ស្លាប់ម្នាក់ និងម្នាក់ទៀត កំពុងសង្គ្រោះនៅមន្ទីរពេទ្យ។
ករណីនេះ បានកើតឡើងនៅវេលាម៉ោង៤ ល្ងាច ថ្ងៃទី១៩ ខែវិច្ឆិកា ឆ្នាំ២០២០ នៅចំណុចខាងកើតភូមិអូរដង្កោ ត្រង់ចំណុចអូរស្ងួត ខាងកើតភូមិអូរដង្កោ ចម្ងាចប្រហែល១គីឡូ ស្ថិតក្នុងឃុំរហាត់ទឹក ស្រុកមង្គលបូរី ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នគរបាលស្រុកមង្គលបូរី បានប្រាប់ថា ក្មេងរងគ្រោះទាំង២នាក់ ជាបងប្អូននឹងគ្នា ទី១ឈ្មោះ ខន សុខលាង អាយុ៧ឆ្នាំ ស្លាប់ និងទី២ឈ្មោះ ខន សុខលីន អាយុ ២ឆ្នាំ ត្រូវបានក្រុមគ្រួសារ យកទៅសង្គ្រោះបន្ទាន់នៅមន្ទីរពេទ្យធំ ស្រុកមង្គលបូរី ។

នគរបាលស្រុកមង្គលបូរី បានប្រាប់ឲ្យដឹងបន្តទៀតថា មុនពេលកើតហេតុ គឺឪពុកក្មេងរងគ្រោះបានទៅដាក់បង្កៃ នៅចំណុចខាងលើ ហើយបានយកកូនស្រីទាំង២នាក់ ទៅជាមួយផង ស្រាប់តែពេលនោះ ឪពុកបានឆ្លងប្រឡាយទៅដាក់បង្កៃ ដោយទុកកូននៅម្ខាងប្រឡាយ លុះដាក់បានប្រហែល៣០បង្កៃ ក៏ក្រឡេកឃើញកូនលង់ទឹក ក៏ស្ទុះរត់ទៅជួយស្រង់យកមកផ្ទះ រួចបញ្ជូនទៅពេទ្យមិត្តភាព កម្ពុជា ជប៉ុនស្រុកមង្គលបូរី។

ក្រោយពេលក្រុមគ្រូពេទ្យជួយសង្គ្រោះយ៉ាងយកចិត្តទុកដាក់រួចមក កុមាររីឈ្មោះ ខន សុខលីន ត្រូបានសង្គ្រោះរួចផុតពីសេចក្តីស្លាប់ ចំណែកឈ្មោះ ខន សុខលាង អាយុ៧ឆ្នាំ បានស្លាប់។

សពក្មេងស្រី ខន សុខលាង អាយុ៧ឆ្នាំ ដែលបាត់បង់ជីវិត ត្រូវបានក្រុមគ្រួសារយកមកធ្វើបុណ្យតាមប្រពៃណី ៕

អត្ថបទ ៖ វ៉ាន់ ណាង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានខ្លីៗ៣១ នាទី មុន

ក្ដៅៗ! ព្រះមហាក្សត្រ ត្រាស់បង្គាប់តែងតាំង ឯកឧត្តម ស៊ុន សុវណ្ណារិទ្ធិ ជាអភិបាលខេត្តកំពង់ឆ្នាំង

ព័ត៌មានខ្លីៗ៣២ នាទី មុន

បើកដៃមិនទាន់បានប៉ុន្មានផង អ៊ីស្រាអែល តម្រូវឲ្យប្រជាជនពាក់ម៉ាស់វិញដាច់ខាត

ព័ត៌មានខ្លីៗ៣៤ នាទី មុន

កម្ពុជាត្រូវការឈាម ២០០សាក់ក្នុងមួយថ្ងៃ ខណៈអ្នកបរិច្ចាគ ឈាមធ្លាក់ចុះ ៦០ភាគរយ

ព័ត៌មានជាតិ៣៨ នាទី មុន

លោក ប្រាជ្ញ ចន្ទ ចូលស្បថឡើងកាន់ដំណែង នៅរសៀលនេះ និងឡើងកាន់ដំណែងដើមខែក្រោយ

ព័ត៌មានអន្ដរជាតិ៣៩ នាទី មុន

មិនត្រឹមតែកូវីដទេ ក្រុម អូឡាំពិក ជម្រើសជាតិ អ៊ូហ្គង់ដា ម្នាក់ទៀត តេស្តឃើញវីរុសបំប្លែងខ្លួនឥណ្ឌា

Sokha Hotels

ព័ត៌មានពេញនិយម

Helistar Cambodia - Helicopter Charter Services