សិស្សសាលា ៤នាក់បានស្លាប់ និងពីរនាក់​បានសង្រ្គោះ ករណីលង់​ទឹកនៅទំនប់​សេកសក

សិស្សសាលាស្រីប្រុសចំនួន ៦ នាក់ បានលង់ទឹកនៅក្នុងអាងទឹកពហុបំណង ដោយក្នុងនោះបាត់បង់ជីវិត៤នាក់ និងពីរនាក់ទៀតកំពុងសង្គ្រោះបន្ទាន់នៅមន្ទីរពេទ្យ។

 យោងតាមរបាយការណ៍បឋមបានបញ្ជាក់ថា មានសិស្សសាលាចំនួន ៦ នាក់ក្នុងនោះប្រុសមួយស្រី៥ ដែលពួកគេជាសិស្សសាលានៃវិទ្យាល័យស្ដៅសន្តិភាព បាននាំគ្នាមកលេងទឹកស្ទឹងនៅវេលាម៉ោង ១១ និង៣០ នាទីថ្ងៃត្រង់ នាថ្ងៃទី ១៥ ខែធ្នូ ឆ្នាំ ២០២៣ ចំណុចខាងក្រោមអាងស្តុកពហុបំណងសេកសក ស្ថិតក្នុងស្រុក​រតនៈមណ្ឌលខេត្តបាត់ដំបង។

 របាយការណ៍បានបន្តថា នៅពេលនោះគឺសិស្សសាលាទាំងអស់បានលង់ទឹកស្រែកដង្ហើយហៅរកអ្នកជួយ។ ទាំងប្រជាពលរដ្ឋ និងកម្លាំងសមត្ថកិច្ចបានចុះជួយអន្តរាគមន៍ ប៉ុន្តែជាអកុសលស្រង់ទាន់ពេលវេលាបានសិស្សស្រីមួយ​ប្រុសមួយបញ្ជូនទៅសង្គ្រោះភ្លាមៗនៅឯមន្ទីរពេទ្យដោយឡែកសិស្សស្រីចំនួនបីនាក់និងសិស្សប្រុសចំនួន ១ នាក់ គឺបានស្លាប់បាត់បង់ជីវិតទៅហើយ។ សិស្សដែលស្លាប់ទាំងនោះមានឈ្មោះ ១.ភាព ចិន្ដា ភេទ ប្រុស រៀននៅថ្នាក់ទី ១០ ឃ ២. សេង ឃោលីណា ភេទស្រីរៀនថ្នាក់ទី៨ ខ ៣. សេង អ៊ិនជីលី ភេទស្រីរៀនថ្នាក់ទី ៧ ក និង៤.អូ ហាន់ណានូរី ភេទស្រីរៀនថ្នាក់ទី ៧ គ ។

បច្ចុប្បន្នសមត្ថកិច្ចបានប្រគល់សពទៅឲ្យក្រុមគ្រួសារ ដើម្បីរៀបចំធ្វើបុណ្យតាមប្រពៃណីហើយ៕

អត្ថបទ : សោ និយមរ័ត្ន