ធនាគារ ABA សាខាច្បារអំពៅ បើកដំណើរការវិញហើយ ក្រោយផ្អាកមួយរយៈ ដោយសារបុគ្គលិក​ឆ្លងកូវីដ

ធនាគារ ABA សាខាច្បារអំពៅ ដែលមានទីតាំងតាមបណ្តោយ ផ្លូវជាតិលេខ១ ក្នុងសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ បានបើកដំណើការបម្រើសេវា ជូនអតិថិជនឡើងវិញហើយ បន្ទាប់ពីបិទទ្វារមួយរយៈពេលខ្លី។

បើតាមប្រភពពីមន្ត្រីមូលដ្ឋាន បានឲ្យដឹងថា មូលហេតុដែលធនាគារ ABA សាខាច្បារអំពៅ បានបិទទ្វារមួយរយៈពេលខ្លីកន្លងមក គឺដោយសារតែមានបុគ្គលិកបម្រើការនៅទីនោះ មានឆ្លងកូវីដ-១៩។

មន្ត្រីដដែលបានបញ្ជាក់ថា ជាក់ស្តែងនៅថ្ងៃទី១២ខែកក្កដានេះ ធនាគារខាងលើបានបើកទ្វារបម្រើសេវា ជូនអតិថិជនយ៉ាងច្រើនកុះករ។ ប៉ុន្តែក្នុងនោះកងសន្តិសុខ បានធ្វើការត្រួតពិនិត្យកំដៅ នៅមាត់ច្រកចូលយ៉ាងហ្មត់ចត់បំផុត។

គួរបញ្ជាក់ថា កាលពីថ្ងៃទី៣០ខែមិថុនាកន្លងទៅ មានបុគ្គលិកបម្រើការ ក្នុងធនាគារ ABA នេះ បានឆ្លងជំងឺកូវីដ-១៩ដែលតម្រូតឲ្យផ្អាកការទទួល បម្រើសេវាជូនអតិថិជនមួយរយៈពេលខ្លី។ ប៉ុន្តែទូរបើកប្រាក់ (ATM) នៅដំណើរការធម្មតាដដែល។

នេះជាព័ត៌មានមួយ ជម្រាបទៅដល់អតិថិជន ដែលទៅទទួលសេវានៅធនាគារខាងលើ សូមអញ្ជើញទៅទំនាក់ទំនងការងារជាបន្ត ដោយសារធនាគារ បានបើកបម្រើសេវាជូនវិញហើយ៕ (ដោយ)៖ នរា