ព័ត៌មានជាតិ

នាយឧត្ដមសេនីយ៍ ឃឹម ប៊ុនសុង ចុះជួបសំណេះសំណាល និងនាំយកអំណោយជូនក្រុមគ្រូពេទ្យនៅមណ្ឌលចាក់វ៉ាក់សាំង ក្រុងសៀមរាប

បានផុស

៥ years មុន

នៅ

ថ្ងៃសុក្រ ១៦ កក្កដា ២០២១

ដោយ

នាយឧត្តមសេនីយ៍ ឃឹម ប៊ុនសុង រដ្ឋលេខាធិការក្រសួងការពារជាតិ និងជាអនុប្រធានក្រុមការងាររាជរដ្ឋាភិបាលចុះមូលដ្ឋានខេត្តសៀមរាប បានចុះជួបសាកសួរសុខទុក្ខ និងនាំយកអំណោយជូនក្រុមគ្រូពេទ្យ ក្នុងយុទ្ធនាការចាក់វ៉ាក់សាំងកូវីដ-១៩ លើកទី១ នៅមណ្ឌលចាក់វ៉ាក់សាំងចំនួន២មណ្ឌល មណ្ឌលសាលាបឋមសិក្សាខ្នារ សង្កាត់ជ្រាវ ទទួលបានទឹកបរិសុទ្ធចំនួន៣០០យួរ មីចំនួន ២៥កេស អាកុលចំនួន ១កាន ម៉ាស ១កេសធំ និងថវិកាចំនួន ២លានរៀល រីឯមណ្ឌលចាក់វ៉ាក់សាំងវត្តពោធិ៍លង្កា សង្កាត់ស្លរក្រាម ក្រុងសៀមរាប ទទួលបានទឹកបរិសុទ្ធចំនួន ៣០០យួរ មីចំនួន ២៥កេស អាកុលចំនួន ១កាន ម៉ាសចំនួន ១កេសធំ និងថវិកាចំនួន ២លានរៀលផងដែរ នៅថ្ងៃទី១៦ ខែកក្កដា ឆ្នាំ២០២១ នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយឧត្តមសេនីយ៍ ឃឹម ប៊ុនសុង បានថ្លែងអំណរគុណដល់ សម្តេចតេជោ ហ៊ុន សែន និងសម្ដេចពិជ័យសេនា ទៀ បាញ់ ប្រធានក្រុមការងាររាជរដ្ឋាភិបាលចុះមូលដ្ឋានខេត្តសៀមរាប ដែលបានយកចិត្តទុកដាក់យ៉ាងខ្លាំង ក្នុងការនាំយកវ៉ាក់សាំងមកចាក់ជូនប្រជាពលរដ្ឋក្នុងក្រុងសៀមរាប ឱ្យបានគ្រប់ៗគ្នា និងតាមបណ្ដាស្រុកជាបន្តបន្ទាប់។

នៅក្នុងឱកាសនោះដែរ នាយឧត្តមសេនីយ៍ រដ្ឋលេខាធិការ បានសាកសួរសុខទុក្ខដោយផ្ទាល់ជាមួយបងប្អូនប្រជាពលរដ្ឋដែលកំពុងមានវត្តមាននៅក្នុងកន្លែងចាក់វ៉ាក់សាំង និងបានណែនាំដល់បងប្អូនប្រជាពលរដ្ឋ ពេលចាក់វ៉ាក់សាំងរួចរាល់ហើយសូមឲ្យបងប្អូនប្រជាពលរដ្ឋបន្តអនុវត្ត ៣កុំ ៣ការពារ តាមការណែនាំរបស់រាជរដ្ឋាភិបាលកម្ពុជា ក៏ដូចជាក្រសួងសុខាភិបាល និងកុំធ្វេសប្រហែស។

នាយឧត្តមសេនីយ៍ ក៏បានផ្តាំផ្ញើឲ្យប្រធានមណ្ឌលចាក់វ៉ាក់សាំងទាំងពីរធ្វើយ៉ាងណាសម្រួលការចាក់វ៉ាក់សាំងជូនដល់មនុស្សចាស់ ចាស់ជរា ព្រះសង្ឃ និងអ្នកមានក្មេងតូចៗទៅជាមួយ ឲ្យបានមុនគេ ជៀសវៀងឲ្យពួកគាត់ធ្វើការរងចាំយូរ៕

អត្ថបទ ៖ គឿនវេត