ព័ត៌មានជាតិ
លោក ប៉ុល ហំម យល់ព្រមធ្វើជាប្រធាន «គណបក្សកែទម្រង់កម្ពុជា»
លោក ប៉ុល ហំម អតីតអនុប្រធាន នៃអតីតគណបក្សសង្រ្គោះជាតិ បានយល់ព្រមឈរឈ្មោះ ជាបេក្ខជនប្រធាន «គណបក្សកែទម្រង់កម្ពុជា» ដែលគណបក្សនេះ នឹងដាក់ពាក្យស្នើសុំចុះបញ្ជីផ្លូវការ នៅក្រសួងមហាផ្ទៃនាចុងខែកក្កដា ឆ្នាំ២០២១នេះ។
លោក អ៊ូ ច័ន្ទរ័ត្ន អតីតតំណាងរាស្ត្រ នៃអតីតគណបក្សសង្គ្រោះជាតិ និងជាស្ថាបនិក «គណបក្សកែទម្រង់កម្ពុជា» បានថ្លែងប្រាប់អ្នកសារព័ត៌មានកម្ពុជាថ្មី នាព្រឹកថ្ងៃទី២១ ខែកក្កដានេះថា ក្នុងពេលប៉ុន្មានថ្ងៃខាងមុខនេះ ពោលគឺនៅចុងខែកក្កដានេះតែម្ដង រូបលោកនឹងដាក់ពាក្យស្នើសុំចុះបញ្ជី «គណបក្សកែទម្រង់កម្ពុជា» ផ្លូវការ ទៅក្រសួងមហាផ្ទៃ។ លោកថា មកដល់ពេលនេះ ក្រុមការងាររបស់លោក បានស្នាមមេដៃអ្នកគាំទ្រគ្រប់ចំនួនរួចហើយ។
លោក អ៊ូ ច័ន្ទរ័ត្ន បានថ្លែងយ៉ាងដូច្នេះថា «នៅតែប៉ុន្មានថ្ងៃទៀតនេះ ខ្ញុំនឹងឡើងទៅភ្នំពេញ ហើយយើងកំពុងរៀបចំស្នាមមេដៃ រៀបចំអត្តសញ្ញាណប័ណ្ឌកូបពីហ្នឹងឲ្យស្រួលបួល ហើយពិនិត្យមើលលក្ខន្តិកៈម្ដងទៀត ដើម្បីដាក់ជូនទៅក្រសួងមហាផ្ទៃ ហើយប្រហែលគិតថា ជាចុងខែហ្នឹង ក្នុងអាទិត្យហ្នឹង ចុងខែហ្នឹង យើងនឹងដាក់ហើយ ដើម្បីបំពេញសុពលភាព»។
ជាមួយគ្នានេះស្ថាបនិក «គណបក្សកែទម្រង់កម្ពុជា» លោក អ៊ូ ច័ន្ទរ័ត្ន បានឲ្យដឹងដែរថា នៅអំឡុងខែតុលា ឆ្នាំ២០២១ខាងមុខ «គណបក្សកែទម្រង់កម្ពុជា» ក៏នឹងរៀបចំសមាជដើម្បីជ្រើសរើសលោក ប៉ុល ហំម អតីតអនុប្រធាន នៃអតីតគណបក្សសង្រ្គោះជាតិ ជាប្រធានគណបក្សថ្មីមួយនេះផងដែរ។
លោក អ៊ូ ច័ន្ទរ័ត្ន បានថ្លែងយ៉ាងដូច្នេះថា «ខ្ញុំបានស្នើឯកឧត្ដម ប៉ុល ហំម ហើយៗ ហើយសមាជិកនៅក្នុងក្រុម ដែលជាស្ថាបនិកទូទៅ ទាំងក្រៅប្រទេស ក្នុងប្រទេស យើងឯកភាពថា អញ្ជើញឯកឧត្ដម ប៉ុល ហំម ជាប្រធាន…។ មកដល់ពេលនេះលោក (ប៉ុល ហំម) ទទួលសំណើហ្នឹងហើយ ទទួលសំណើជាប្រធានហ្នឹងណា»។
គួររំលឹកថា ក្រសួងមហាផ្ទៃ កាលពីថ្ងៃទី៣០ ខែមិថុនា ឆ្នាំ២០២១ បានចេញលិខិតមួយ ដោយបានក្រើនរំលឹកដល់លោក ទិន សៃ ជាស្ថាបនិក «គណបក្សកែទម្រង់កម្ពុជា» ថា គណបក្សនេះ ពុំទាន់បានចុះឈ្មោះក្នុងបញ្ជី គណបក្សនយោបាយ នៅក្រសួងមហាផ្ទៃផ្លូវការនៅឡើយទេ។
ក្នុងរយៈពេលកន្លងមកនេះ ក្រសួងមហាផ្ទៃពិនិត្យឃើញថា «គណបក្សកែទម្រង់កម្ពុជា» កំពុងធ្វើសកម្មភាពនយោបាយ នៅរាជធានីភ្នំពេញ និងនៅតាមបណ្ដាខេត្តមួយចំនួន ដែលសកម្មភាពទាំងនេះ គឺជាការអនុវត្តបំពានទៅនឹងបញ្ញត្តិមាត្រា៩ និងបញ្ញត្តិមាត្រា១៩ថ្មី នៃច្បាប់ស្ដីពី គណបក្សនយោបាយ។
ដូច្នេះ «គណបក្សកែទម្រង់កម្ពុជា» ត្រូវបញ្ឈប់នូវរាល់សកម្មភាព នយោបាយនៅតាមមូលដ្ឋាន រហូតដល់គណបក្សនេះ បានចុះឈ្មោះក្នុងបញ្ជីគណបក្សនយោបាយ នៅក្រសួងមហាផ្ទៃ ស្របតាមស្មារតី នៃលិខិតរបស់ក្រសួងមហាផ្ទៃ ដូចបានចុះក្នុងយោងខាងលើ៕ (ដោយ)៖ ឃួន សុភ័ក្រ
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»