ព័ត៌មានជាតិ

អគ្គិភ័យឆាបឆេះផ្ទះ១ខ្នងស្ទើរអស់ទាំងស្រុង ព្រមទាំងសម្ភារៈមួយចំនួនធំ

បានផុស

៤ years មុន

នៅ

ថ្ងៃចន្ទ ២៣ វិច្ឆិកា ២០២០

ដោយ

រតនគិរី ៖ ផ្ទះមួយខ្នងត្រូវអគ្គិភ័យឆាបឆេះអស់ទាំងស្រុង រួមទាំងសម្ភារៈមួយចំនួនធំ ប៉ុន្តែមិនមានមនុស្សគ្រោះថ្នាក់ទេ។

ហេតុការណ៍នេះ បានកើតឡើងកាលពីវេលាម៉ោង២និង១០នាទីរសៀល ថៃ្ងទី២៣ ខែវិច្ឆិកា ឆ្នាំ២០២០ ស្ថិតនៅភូមិកាទៀង ឃុំល្បាំង២ ស្រុកលំផាត់ ខេត្តរតនគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចនគរបាលបានឲ្យដឹងថា ឆេះផ្ទះ១ខ្នងនេះមានទំហំ ៤គុណ៥ ម៉ែត្រ ធ្វើអំពីឈើ ប្រក់សង្ក័សី បាំងជញ្ជាំងផ្ទាំប្ញស្សី ក្រាលក្តាឈើ បានរងការឆាប់ឆេះស្ទើអស់ទាំងស្រុង រួមទាំងសម្ភារៈមួយចំនួនធំ។

ជនរងគ្រោះឈ្មោះ ក្លង ណ ភេទប្រុស អាយុ៣១ឆ្នាំ ជនជាតិព្រៅ ប្រពន្ធឈ្មោះ ជួយ រឹម អាយុ២៩ឆ្នាំ ជនជាតិព្រៅ និងកូនប្រុសម្នាក់អាយុ១០ឆ្នាំ មិនមានគ្រោះថ្នាក់នោះទេ។

សមត្ថកិច្ចបន្តថា ឆេះផ្ទះមួយខ្នងនេះ គឺផ្តើមចេញពីចង្ក្រានដាំបាយ ហើយម្ចាស់បានចាកចេញទៅចំការបាត់ទៅ ក្រោយពីលឺដំណឹងថាភ្លើងឆេះផ្ទះអស់ ក៏មានការតក់ស្លុតនិងរន្ធត់តែម្ដង។

សម្ភារៈដែលបានបាត់បង់រួមមាន -ម៉ាស៊ីនកាត់ស្មៅចំនួន ១គ្រឿង -ម៉ាស៊ីនបាញ់ថ្នាំចំនួន ១គ្រឿង
-ម៉ាស៊ីនត្រង់ស៊ីន័រចំនួន ១គ្រឿង -លុយចំនួន២លានរៀល -ស្រូវចំនួន ៣ បេ -ខ្សែករមាសចំនួន១ខ្សែ តម្លៃ២លានរៀល និងឈើគ្រឿងផ្ទះខូចខាតមួយចំនួនទៀត។

ក្រោយកើតហេតុកម្លាំងប៉ុស្តិ៍រដ្ឋបាលឃុំល្បាំង២ និងប្រជាពលរដ្ឋបានចុះជួយអន្តរាគមន៍ពន្លត់ ប៉ុន្តែត្រូវបានអគ្គិភ័យឆាបឆេះស្ទើរអស់ទាំងស្រុងទៅហើយ៕
ដោយ ៖ អ៊ុច សាវុទ្ធ