ព័ត៌មានជាតិ
អនុវត្តបម្រាមគោចរ នៅភ្នំពេញ មានយានយន្តល្មើស ចំនួន១ ៧៩៨គ្រឿង និងពិន័យជាប្រាក់ជាង ២០០លានរៀល
កម្លាំងសមត្ថកិច្ច នៃស្នងការដ្ឋាននគរបាលរាជធានីភ្នំពេញ ដែលមានលោកឧត្តមសេនីយ៍ឯក ស ថេត ជាស្នងការបានអនុវត្តយ៉ាងម៉ឺងម៉ាត់ និងជាប់ជាប្រចាំមិនថាយប់ ឬថ្ងៃឡើយ នូវសារាចរណែនាំ របស់រាជរដ្ឋាភិបាល ក៏ដូចជាសេចក្ដីសម្រេច របស់រដ្ឋបាលរាជធានីភ្នំពេញ ដែលបានដាក់ចេញ ដើម្បីទប់ស្កាត់ការរាតត្បាត នៃជំងឺកូវីដ-១៩ ជាពិសេសមេរោគបំប្លែងថ្មី Delta។
លោកវរសេនីយ៍ឯក សាន សុខសីហា ជំនួយការស្នងការ និងជាអ្នកនាំពាក្យ នៃស្នងការដ្ឋាននគរបាល រាជធានីភ្នំពេញ បានថ្លែងប្រាប់អ្នកសារព័ត៌មានកម្ពុជាថ្មី នៅព្រឹកថ្ងៃពុធនេះថា ចំពោះការអនុវត្តបម្រាមគោចរ ចាប់ពីថ្ងៃទី២៩ ខែកក្កដា រហូតដល់ថ្ងៃទី១០ ខែសីហា ឆ្នាំ២០២១ កម្លាំងសមត្ថកិច្ច នៃស្នងការដ្ឋាន នគរបាលរាជធានីភ្នំពេញ បានរកឃើញមានយានយន្តល្មើស ចំនួនសរុប១ ៧៩៨គ្រឿង។ ក្នុងនោះសមត្ថកិច្ច បានអប់រំណែនាំ និងអនុញ្ញាតឲ្យត្រឡប់ទៅផ្ទះវិញ ចំនួន១៨៣២នាក់។
ក្នុងរយៈពេលជិត២សប្ដាហ៍ នៃការអនុវត្តបម្រាមគោចរនេះ កម្លាំងសមត្ថកិច្ចបានផាកពិន័យ អ្នកល្មើសចំនួន១៧៧នាក់ ដែលសរុបជាទឹកប្រាក់ចំនួនជាង២០០លានរៀល។ ចំណែកយានយន្ដចំនួន៤១៤គ្រឿង ត្រូវបានឃាត់រក្សាទុក ហើយមនុស្សចំនួន២៦នាក់ ត្រូវបានបញ្ជូនទៅតុលាការ ចាត់ការបន្តតាមច្បាប់។ លោកវរសេនីយ៍ឯក សាន សុខសីហា បានថ្លែងបញ្ជាក់ថា ចំពោះការអនុវត្តបម្រាមគោចរ ប៉ុន្មានថ្ងៃមកនេះ គឺលោកកត់សម្គាល់ឃើញថា ប្រជាពលរដ្ឋ មានការចូលរួមច្រើន ដែលនាំឲ្យការអនុវត្តនេះ ទទួលបានជោគជ័យ រួមចំណែកកាត់បន្ថយ ការឆ្លងនៃជំងឺកូវីដ-១៩។
អ្នកនាំពាក្យ នៃស្នងការដ្ឋាន នគរបាលរាជធានីភ្នំពេញ បានថ្លែងយ៉ាងដូច្នេះថា «ជារួមយើងឃើញថា ទាក់ទងទៅនឹងបទល្មើស គឺមានការថយចុះជាប្រចាំ អញ្ចឹងមានន័យថា យើងឃើញថា ប្រជាពលរដ្ឋទូទៅ គឺគាត់មានការយល់ដឹង និងចូលរួមសហការ គោរព បានច្រើន ម្យ៉ាងវិញទៀត គឺនៅពេលឃើញ មានការចូលរួមគោរពចឹង កងកម្លាំង ក៏មានអារម្មណ៍ថា សប្បាយចិត្ត ហើយការអនុវត្តបានជោគជ័យ ដើម្បីចូលរួមសហការគ្នា ដើម្បីបង្ការទប់ស្កាត់ ការឆ្លងរាលដាលជំងឺកូវីដ-១៩ ជាពិសេសមេរោគបំប្លែងថ្មី Delta ហ្នឹង»។
សូមជម្រាបថា រដ្ឋបាលរាជធានីភ្នំពេញ បានចេញសេចក្ដីសម្រេច ស្ដីពី ការដាក់ចេញនូវវិធានការរដ្ឋបាល រយៈពេល១៤ថ្ងៃ ចាប់ពីម៉ោង១១ និង៥៩នាទីយប់ ថ្ងៃទី២៩ ខែកក្កដា ឆ្នាំ២០២១ រហូតដល់ថ្ងៃទី១២ ខែសីហា ឆ្នាំ២០២១ ដើម្បីប្រយុទ្ធ និងទប់ស្កាត់ការឆ្លងរាលដាល នៃជំងឺកូវីដ-១៩។ នៅក្នុងសេចក្ដីសម្រេចនេះ ក៏បានដាក់ចេញនូវបម្រាមគោចរ ដោយផ្អាកជាបណ្តោះអាសន្ន នូវរាល់ការធ្វើចរាចរណ៍ និងរាល់សកម្មភាពការងារ មុខរបរ ឬអាជីវកម្ម នៅចន្លោះម៉ោង៩យប់ ដល់ម៉ោង៣ទៀបភ្លឺ លើកលែងតែក្នុងករណីចាំបាច់មួយចំនួនប៉ុណ្ណោះ៕ (ដោយ)៖ ឃួន សុភ័ក្រ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៥ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)