កីឡា

ជប៉ុន ស្មើ ហូឡង់ ២-២ យប់មិញ រក្សាកំណត់ត្រាមិនចាញ់ក្រុមមកពីតំបន់អឺរ៉ុប ១០ ប្រកួតក្នុង ៩០ នាទី

បានផុស

៣ ម៉ោង មុន

នៅ

ថ្ងៃចន្ទ ១៥ មិថុនា ២០២៦

ដោយ

ក្រុមបាល់ទាត់ជម្រើសជាតិជប៉ុន បានវាយបកតាមស្មើក្រុមខ្លាំងមកពីអឺរ៉ុបគឺ ហូឡង់ ដោយលទ្ធផល ២-២ សម្រាប់ការប្រកួតលើកទី ១ របស់ខ្លួន វគ្គសន្សំពិន្ទុពូល F ក្នុងព្រឹត្តិការណ៍បាល់ទាត់ពិភពលោក World Cup ឆ្នាំ ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតចាប់ផ្តើមវេលាម៉ោង ២ យប់រំលងអាធ្រាត្រ ថ្ងៃទី១៤ ឈានចូលថ្ងៃទី១៥ ខែមិថុនា ឆ្នាំ ២០២៦ ក្រុមជម្រើសជាតិ ហូឡង់ បានបើកការនាំមុខ ១-០ នៅនាទី ៥១ ដោយខ្សែការពារ Virgil van Dijk ប៉ុន្តែ ត្រូវបាន ជប៉ុន តាមស្មើនៅនាទី ១-១ នៅនាទី ៥៧ ដោយកីឡាករ Keito Nakamura។

ជាថ្មីម្តងទៀត ហូឡង់ បានបើកការនាំមុខ ២-១ នៅនាទី ៦៤ ដោយកីឡាករ Crysencio Summerville ដែលរក្សារហូតចុងម៉ោងស្ទើរតែបញ្ចប់ការប្រកួតទៅហើយ ប៉ុន្តែជប៉ុនបានព្យាយាមរហូតតាមស្មើ ២-២ នៅនាទី៨៨ ដោយកីឡាករ Daichi Kamada ដែលបានធ្វើឲ្យជប៉ុនរំភើបរីករាយយ៉ាងខ្លាំង។

គិតត្រឹមព្រឹកថ្ងៃទី១៥ ខែមិថុនា ឆ្នាំ ២០២៦ នេះ ក្រុមអាស៊ី ចំនួន ៤ មកហើយដែលបានប្រកូតក្នុងព្រឹត្តិការណ៍បាល់ទាត់ពិភពលោក ហើយមិនទាន់មានក្រុមជម្រើសជាតិណាចាញ់ឡើយពោលគឺសុទ្ធតែអាចរកបានពិន្ទុដ៏មានសារសំខាន់។

សម្រាប់ក្រុមមកពីតំបន់អាស៊ីគឺ ជប៉ុន បានស្មើ ហូឡង់ ដោយលទ្ធផល ២-២។ អូស្ត្រាលី បានឈ្នះ តួកគី ដោយលទ្ធផល ២-០។ កាតា បានស្មើជាមួយ ស្វីស ដោយលទ្ធផល ១-១ និងក្រុមប្រកួតមុនគេគឺ កូរ៉េខាងត្បូង បានយកឈ្នះ ក្រុមសាធារណរដ្ឋឆេក ដោយលទ្ធផល ២-១។

ការទទួលបានពិន្ទុនេះសុទ្ធតែជារឿងសំខាន់ដើម្បីឱកាសឡើងទៅវគ្គ ៣២ ក្រុមចុងក្រោយចុងក្រោយ ពីព្រោះក្រៅពីក្រុមលេខ ១ និងលេខ ២ ក្នុងពូល ក៏នៅមានក្រុមលេខ ៣ ល្អបំផុតក្នុងចំនួន ៨ ក្រុមដែលត្រូវឡើងទៅវគ្គ ៣២ ក្រុមចុងក្រោយ។