ព័ត៌មានជាតិ
លោក គឹម សន្តិភាព៖ ប្រើវិធានការអប់រំ ទន្ទឹមអនុវត្តច្បាប់ទប់ស្កាត់កូវីដ ត្រឹម១៤ថ្ងៃអប់រំពលរដ្ឋជាង ១៨,០០០នាក់
លោក គឹម សន្ដិភាព មានប្រសាសន៍ថា ក្នុងការទប់ស្កាត់កូវីដ-១៩ ត្រូវប្រើវិធានការអប់រំតាមកម្រិតកំហុសនៃបុគ្គល ទន្ទឹមគ្នានឹងការអនុវត្តច្បាប់ ដោយមិនអាចអនុវត្តដោយត្រូវតែផ្ដន្ទាទោសតាមផ្លូវច្បាប់ទាំងអស់នោះទេ។ ជាមួយគ្នានេះ ក្នុងរយៈពេល១៤ថ្ងៃ អាជ្ញាធរបានឃាត់ និងធ្វើការអប់រំ ប្រជាពលរដ្ឋ ១៨,០០០/១៩,០០០នាក់ដែលបានល្មើសបម្រាម។
លោកថ្លែងបែបនេះ នៅក្នុងពិធីបើកយុទ្ធនាការថ្នាក់ជាតិ ក្រោមប្រធានបទ “រួមគ្នាទទួលខុសត្រូវទប់កាត់ការចម្លងវីរុស កូវីដ-១៩” ដែលប្រព្រឹត្ដទៅនៅទីស្ដីការក្រសួងសុខាភិបាល នៅព្រឹកថ្ងៃទី១៦ ខែសីហា ឆ្នាំ២០២១នេះ។
លោក គឹម សន្ដិភាព រដ្ឋលេខាធិការក្រសួងយុត្ដិធម៌ បានលើកឡើងថា រដ្ឋាភិបាលមានវិធានការប្រយុទ្ធ និងទប់ស្កាត់ជំងឺកូវីដ-១៩ ដោយហ្មត់ចត់ និងយកចិត្តទុកដាក់។ ជាក់ស្ដែង សម្រាប់យុទ្ធសាស្ត្រទប់ស្កាត់ការរីករាលដាលនៃជំងឺកូវីដ-១៩នៅកម្ពុជា រដ្ឋាភិបាលប្រកាន់យកនូវវិធានការ៤ មានវិធានការសុខាភិបាល វិធានការច្បាប់ វិធានការអប់រំ និងវិធានការរដ្ឋបាល។
លោក គឹម សន្តិភាព មានប្រសាសន៍ថា៖ “ចំពោះការអនុវត្តវិធានការច្បាប់ យើងឃើញក្រោយពីយើងមានច្បាប់ហើយ គឺយើងត្រូវតែអនុវត្តហើយ មិនមែនមានន័យថា វិធានការច្បាប់អនុវត្តតែក្នុងពេលយុទ្ធនាការទេ គឺរយៈពេលណាក៏ដោយ ក្រោយពីច្បាប់ចូលជាធរមាន គឺវិធានការច្បាប់ត្រូវតែអនុវត្តចំពោះជនគ្រប់រូបដែលល្មើសនឹងវិធានការសុខាភិបាល ល្មើសនឹងវិធានការរដ្ឋបាល”។
លោក មានប្រសាន៍បន្តថា៖ “ប៉ុន្តែទន្ទឹមនឹងនេះ រដ្ឋាភិបាលនៅប្រកាន់យកវិធានការអប់រំដើរទន្ទឹមគ្នានឹងវិធានការច្បាប់។ សូម្បីតែក្នុងលទ្ធផលនៃការអនុវត្តយុទ្ធនាការរយៈពេល១៤ថ្ងៃកន្លងមកនេះ គិតត្រឹមថ្ងៃទី១២ ខែសីហា យើងឃើញថា បើទោះបីជាមានការឃាត់ខ្លួនបុគ្គលប្រមាណ ១៩,០០០នាក់នេះ គឺអាជ្ញាធរនៅតែប្រកាន់យកកវិធានការអប់រំ ព្រោះវិធានការអប់រំ ជាវិធានការមួយដែលមានកំណត់ក្នុងលិខិតបទដ្ឋានគតិយុទ្ធដែរ”។
រដ្ឋលេខាធិការក្រសួងយុត្ដិធម៌ខាងលើនេះ មានប្រសាសន៍ទៀតថា អំពើដែលបំពានវិធានការទាំងឡាយពាក់ព័ន្ធនឹងការទប់ស្កាត់ការរីករាលដាលជំងឺកូវីដ-១៩ មាន៣កម្រិតនៃការផ្ដន្ទាទោស គឺមានកម្រិតនៃការអប់រំផង កម្រិតនៃការពិន័យជាប្រាក់ផង និងកម្រិតនៃការផ្ដន្ទាទោសដាក់ពន្ធនាគារផង។
លោក គឹម សន្តិភាព មានប្រសាន៍ថា៖ “ដូចនេះវិធានការច្បាប់គឺយើងអនុវត្តជារៀងរហូត មិនមែនអនុវត្តតែក្នុងយុទ្ធការណាមួយទេ ពិសេសគឺអនុវត្តជាមួយក្រុបប្រហែស និងក្រុមព្រហើនហ្នឹងហើយ”។
លោក គឹម សន្តិភាព បានបញ្ជាក់ឱ្យដឹងថា ក្នុងចំណោមនុស្ស ១៩,០០០នាក់ជាង ដែលល្មើសបម្រាមនៃវិធានការទប់ស្កាត់ការឆ្លងរីករាលដាលជំងឺកូវីដ១៩ចូលសហគមន៍ គឺមានមនុស្ស ១៨,០០០នាក់ជាង ដែលអាជ្ញាធរបានប្រកាន់យកវិធានការអប់រំដើម្បីផ្ដល់ឱកាសកែប្រែខ្លួនក្នុងការចូលរួមជាមួយសង្គមជាតិក្នុងការការពារការរីករាលដាលនៃជំងឺកូវីដ-១៩៕
អត្ថបទ៖ ច័ន្ទ វីរៈ
-
ព័ត៌មានជាតិ១ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៩ ម៉ោង ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ