ព័ត៌មានជាតិ
ពលរដ្ឋថៃមួយក្រុម ដើរដកផ្សិតតាមព្រៃ វង្វេងផ្លូវ ដល់ក្បែរព្រំដែនកម្ពុជា
ប្រជាពលរដ្ឋថៃ ចំនួន៩នាក់ ត្រូវបានកម្លាំងតម្រួតការពារព្រំដែនថៃ រួមនិងអាជ្ញាធរ ចូលក្នុងព្រៃតាមយកត្រឡប់ទៅស្រុកវិញ បន្ទាប់ពីពួកគេដើរ រកដកផ្សិតក្នុងព្រៃជ្រៅ ហើយវង្វេងផ្លូវដើរដល់ក្បែរព្រំដែនកម្ពុជា។
ករណីនេះ បានកើតឡើង នៅរសៀលថ្ងៃទី ១៦ ខែសីហា ឆ្នាំ២០២១ ក្នុងភូមិសាស្ត្រឃុំច្រាត់ ស្រុកបួរឆេត ខេត្តសុរិន្ទ ប្រទេសថៃ ខណ:ដែលមានប្រជាពលរដ្ឋថៃ មួយក្រុមមានគ្នា៩នាក់ បានបើករថយន្តមួយគ្រឿង មកសំចតក្បែផ្លូវចុះត្រង់ចំណុចខាងលើ ដោយនាំគ្នាស្ពាយកន្ត្រករៀងៗ ដើរចូលព្រៃដើម្បីដើររកដកផ្សិត។
បន្ទាប់ពីបានវង្វេងផ្លូវ រកកន្លែងដែលចតរថយន្ត មិនឃើញទើបប្រជាពលរដ្ឋថៃទាំងនោះ បានទូរស័ព្ទទៅប្រាប់បងប្អូនឲ្យរាយការណ៍ទៅសមត្ថកិច្ច និងអាជ្ញាធរក្នុងតំបន់នោះ ឲ្យជួយអន្តរាគមន៍។
នៅពេលនោះដែរ កម្លាំងតម្រួតការពារព្រំដែនថៃ លេខ២១៤ រួមនិងអាជ្ញាធរបានចុះស្រាវជ្រាវ និងឆែកតាមសេវាទូរស័ព្ទ ក៏បានប្រទះឃើញពួកគេស្ថិត នៅកៀកនិងខ្សែបន្ទាត់ព្រំដែនកម្ពុជាទៅហើយ ដែលមានចម្ងាយពីកន្លែងចតរថយន្តប្រមាណ២,៥០ km។
នៅពេលនោះដែរ សមត្ថកិច្ចបានធ្វើការណែនាំ ដល់ពលរដ្ឋទាំងនោះ ឲ្យបញ្ឈប់សកម្មភាពដើររុករកផ្សិត និងវត្ថុផ្សេងៗទៀត ព្រោះនៅក្បែខ្សែបន្ទាត់ព្រំដែន ដែលអតីតជាសមរភូមិ អាចប្រឈមនឹងការជាន់មីន និងការចាប់ខ្លួនជាដើម៕ (ដោយ)៖ សោ និយមរ័ត្ន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ