ព័ត៌មានជាតិ
ពលរដ្ឋខ្មែរ២នាក់ ត្រូវកម្លាំងសមត្ថកិច្ចថៃចាប់ខ្លួន ពីបទចូលកាប់ឈើខុសច្បាប់ក្នុងឧទ្យានហ្លួង
ពលរដ្ឋខ្មែរទាំង២នាក់ ត្រូវកម្លាំងសមត្ថកិច្ចថៃចាប់ខ្លួននៅព្រំដែន ពីបទចូលកាប់ឈើខុសច្បាប់ក្នុងឧទ្យានហ្លួង កាលពីថ្ងៃទី១៦ ខែសីហា ឆ្នាំ២០២១ ដោយមានការរាយការណ៍ពីក្រុមគ្រួសារថា បាត់សមាជិក។
នេះបើយោងតាមកងកម្លាំងការពារព្រំដែនកម្ពុជា នៅស្រុកថ្មពួកបានឲ្យដឹងថា ពលរដ្ឋខ្មែរទាំង២នាក់ ចូលលួចកាប់ឈើនៅក្នុងតំបន់ កិច្ចឧទ្យានុរក្សថៃ នៅស្រុកឡាក់ហានសាយ ខេត្តបូរីរម្យ ត្រូវបានសមត្ថកិច្ចចាប់កសាងសំណុំរឿងបញ្ជូនទៅតុលាការហើយ។ នគរបាលការពារព្រំដែនវរសេនាតូចលេខ៨០៧ថ្មពួក បានប្រាប់ឲ្យដឹងថា នៅថ្ងៃទី១៦ ខែសីហា ឆ្នាំ២០២១ វេលាម៉ោង១២ អធ្រាត្រមានប្រជាពលរដ្ឋខ្មែរ ចំនួន២នាក់ ត្រូវបានមេព្រៃថៃឧទ្យានុរ័ក្សថៃចាប់ខ្លួនបាន នៅត្រង់ចំណុចខាងជើងបង្គោលសីមា ២៨ ប្រហែល៥០០ម៉ែត្រ។
នគរបាលការពារព្រំដែនវរសេនាតូចលេខ៨០៧ថ្មពួក បានប្រាប់បន្តឲ្យដឹងទៀតថា ពលរដ្ឋ២នាក់នោះ ទី១. ឈ្មោះ លឿន សែន ភេទប្រុស អាយុ៣៣ឆ្នាំ រស់នៅភូមិដងរ៉ែក ឃុំបន្ទាយឆ្មារ ស្រុកថ្មពួក ខេត្តបន្ទាយមានជ័យ ទី២. ឈ្មោះ ពា ពាន់ ភេទប្រុស អាយុ៤១ឆ្នាំ រស់នៅភូមិថ្មីកណ្ដាល ឃុំភូមិថ្មី ស្រុកថ្មពួក ខេត្តបន្ទាយមានជ័យ។ នគរបាលការពារព្រំដែនវរសេនាតូចលេខ៨០៧ ថ្មពួកបានប្រាប់បន្តឲ្យដឹងទៀតថា មូលហេតុនៃការចាប់ខ្លួន គឺពាក់ព័ន្ធការចូលកាប់ឈើនៅទឹកដីថៃ(ឧទ្យានជាតិព្រះមហាក្សត្រថៃ)នៅជួរភ្នំដងរែក ក្នុងភូមិសាស្ត្រស្រុកឡាក់ហាមសាយខេត្តបូរីរម្យ ទល់មុខស្រុកថ្មពួក ខេត្តបន្ទាយមានជ័យ។
ដោយក្រុមគ្រួសារពលរដ្ឋទាំង២នាក់ បានមករាយការណ៍ជូនសមត្ថកិច្ចនគរបាលប៉ុស្តិ៍រដ្ឋបាលស្តីពីការបាត់ខ្លួនសមាជិកក្រុមគ្រួសារខ្លួននៅថ្ងៃទី១៧ខែសីហា ឆ្នាំ២០២១ នេះ៕
អត្ថបទ៖ វ៉ាន់ ណាង
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ