Connect with us

កីឡា

ប៉ះគ្នាថ្ងៃស្អែក កីឡាករវ័យក្មេង Moetez ប្រាប់ថា មិនធ្លាប់ឮឈ្មោះ ព្រំ សំណាង

បានផុស

នៅ

កីឡាករ​គុន​ខ្មែរ ព្រំ សំណាង នឹង​ប្រកួត​ជា​មួយ​កីឡាករ​វ័យ​ក្មេងទុយនេស៊ី Moetez Ben Aicha ក្នុង​ទម្ងន់​៨១​គីឡូក្រាម​នៅ​សង្វៀន​បាយ័ន​ក្នុង​ទី​រួម​ខេត្ត​ស្វាយរៀង យប់​ថ្ងៃ​ព្រហស្បតិ៍ ទី​២៨ ខែ​មីនា ឆ្នាំ​២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Moetez Ben ​អាយុ​២២​ឆ្នាំ ​មាឌ​ធំ​បាន​ប្រាប់​សារព័ត៌មាន​«កម្ពុជា​ថ្មី»​ក្នុង​បទ​សម្ភាស​នៅ​ព្រឹក​​ថ្ងៃ​ទី​២៧ ខែ​មីនា​ ឆ្នាំ​២០២៤​ ​ថា នេះ​ជា​លើក​ទី១​ដែល​រូប​គេ​បាន​មក​ប្រកួត​នៅ​កម្ពុជា។ រូប​គេ​មិន​ធ្លាប់ស្គាល់ ដឹង ឬ​ឮ​ឈ្មោះ​ ព្រំ សំណាង​ ឡើយ។ ការ​មក​ប្រកួត​នេះ​​គឺ​មិន​ខ្វល់​ពី​ដៃ​គូ​ល្បី​ឈ្មោះ ឬ​មិន​ល្បី​ទេ។ អ្វី​ដែល​សំខាន់​រូប​គេ​ត្រៀម​ខ្លួន​ឲ្យ​បាន​ល្អ។

កីឡាករ​បាន​និយាយ​ថា ៖«ខ្ញុំ​មកវ៉ៃ​មិន​មែន​ដោយសារ​តែ​ដៃ​គូ​មាន​កេរ្តិ៍ឈ្មោះ​ល្បី​ទេ។ អ្វី​ដែល​សំខាន់​គឺ​ត្រៀម​ប្រកួត​ឲ្យ​បាន​ល្អ។ និយាយ​រួម ខ្ញុំ​អត់​ស្គាល់​អ្វី​ទាំង​អស់​ពី​ដៃ​គូ​លើក​នេះ សូម្បី​តែ​ឈ្មោះ​ក៏​មិន​ធ្លាប់​ឮ»។

កីឡាករ Moetez Ben បាន​ប្រាប់​ទៀត​ថា រូប​គេ​រំពឹង​​ផ្តួល ព្រំ សំណាង ក្នុង​ទឹក​ទី​២ ឬ​ទី​៣ ​ជា​មួយ​នឹង​អាវុធ​ល្អ​គ្រប់​គ្រឿង។ កន្លង​មក រូប​គេ​​ទទួល​បាន​ជ័យជម្នះ​ដោយ​ផ្តួល​ដៃ​គូ​ឲ្យ​សន្លប់​ច្រើន​ជាង​ឈ្នះ​ពិន្ទុ ហើយ​ការ​ទាត់​ជា​អាវុធ​ដ៏​គ្រោះ​ថ្នាក់​ដែល​តែង​តែ​ទទួល​បាន​លទ្ធផល​ល្អ។

សម្រាប់​ការ​មក​ប្រកួត​លើ​ទឹក​ដី​កម្ពុជា​លើក​ដំបូង កីឡាករ​ដែល​ក្មេង​ជាង​​ ព្រំ សំណាង ស្ទើរ​ពាក់​កណ្តាល​អាយុ​បាន​ប្រាប់​ថា ៖«ខ្ញុំ​មាន​អារម្មណ៍​ដូច​ធ្លាប់​ស្គាល់​កម្ពុជា​ រួសរាយ​ស្វាគមន៍ ផ្តល់​សេចក្តី​ស្រឡាញ់ដល់​អ្នក​រាល់​គ្នា»។

កីឡាករ​​វ័យ​ក្មេងទុយនេស៊ី Moetez Ben Aicha បាន​ចាប់​អាជីព​ប្រដាល់​ប្រហែល​ជា​៧​ឆ្នាំ​មក​ហើយ​ដោយ​ធ្លាប់​ប្រកួត​បាន​២២​ដង ក្នុង​នោះ​ឈ្នះ​​១៦ ចាញ់​៥ដង និង​ស្មើ​១ដង។ ភាគ​ច្រើន​រូប​គេ​ហ្វឹក​ហាត់ និង​ប្រកួត​នៅ​ប្រទេស​ថៃ។

ក្នុង​ពិធី​ថ្លឹង​ទម្ងន់​កាល​ពី​ព្រឹក​ថ្ងៃ​ទី​២៧ ខែ​មីនា​នេះ កីឡាករ​ទុយនេស៊ី Moetez Ben មាន​ទម្ងន់​ធ្ងន់​ជាង​ ព្រំ សំណាង ជិត​២​គីឡូក្រាម​ដែល​ធ្វើ​ឲ្យ​រូប​គេ​ព្យាយាម​សម្រក​ទម្ងន់​ទាំង​ព្រឹក៕

អត្ថបទ៖ វីរបុត្រ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៣ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម