ព័ត៌មានជាតិ

បិទខ្ទប់ផ្លូវ១៤៤ក្នុងបរិវេណផ្សារកណ្តាលក្រោយចុះយកសំណាក១១៤នាក់

បានផុស

៥ years មុន

នៅ

ថ្ងៃសុក្រ ២០ សីហា ២០២១

ដោយ

អនុគណៈកម្មការស្រាវជ្រាវកូវីដ១៩កាលពីថ្ងៃទី១៩ ខែសីហា ឆ្នាំ២០២១ បានប្រកាសថា ទីតាំងផ្លូវលេខ១៤៤ ចន្លោះផ្លូវលេខ១៣ និងផ្លូវលេខ៥ ភូមិ១២ ម្តុំបរិវេណផ្សារកណ្តាល ក្នុងសង្កាត់ផ្សារកណ្ដាលទី១ ខណ្ឌដូនពេញ ត្រូវបានបិទខ្ទប់រយៈពេល៣ថ្ងៃ ចាប់ពីថ្ងៃ១៩ ខែសីហា ឆ្នាំ២០២១ ដល់ថ្ងៃទី២១ ខែសីហា ឆ្នាំ២០២១ ដើម្បីបាញ់ថ្នាំសម្លាប់មេរោគតាមដងផ្លូវ និងកន្លែងប៉ះពាល់។ ទីតាំងខាងលើកំពុងរង់ចាំមើលលទ្ធផលនៃការវិភាគរកមេរោគកូវីដ ប្រភេទ Delta និងមានចំណាត់ការបន្ត។

ដូច្នេះសូមអំពាវនាវដល់ប្រជាពលរដ្ឋដែលរស់នៅទីតាំងខាងលើ និងអ្នកដែលបានប៉ះពាល់សូមមេត្តា តាមដានសុខភាពរបស់ខ្លួនរយៈពេល២១ថ្ងៃ ដើម្បីសុវត្ថិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ផងដែរថា អាជ្ញាធរខណ្ឌដូនពេញដែលដឹកនាំដោយលោក សុខ ពេញវុធ អភិបាល បានដឹកនាំកម្លាំងចម្រុះ ចុះបិទខ្ទប់ជុំវិញបរិវេណផ្សារកណ្តាល ដើម្បីសហការជាមួយក្រុមគ្រូទេព្យចុះយកសំណាកប្រជាពលរដ្ឋក៏ដូចជាអាជីវករដើម្បីរកការរីរាលដាលនៃឆ្លងជំងឺកូវីដ-១៩ ឬវីរុសបំប្លែងថ្មីប្រភេទ Delta ។

ប្រជាពលរដ្ឋក៏ដូចជាអាជីវករ និងអ្នកលក់ដូរតាមចិញ្ចើមផ្លូវក្បែរផ្សារ សរុបចំនួន១១៤នាក់ ក្នុងនោះស្រីចំនួន៥១នាក់ លទ្ធផលនៃការធ្វើតេស្ដជំហានដំបូងនៅល្ងាចថ្ងៃទី១៨ ខែសីហា ឆ្នាំ២០២១ គឺអវិជ្ជមានទាំងអស់គ្នា ។

ជាមួយគ្នានោះដែរ អាជ្ញាធរខណ្ឌដូនពេញ បានបញ្ជាក់ឲ្យដឹងថា មូលហេតុដែលឈានដល់ការបិទខ្ទប់យកសំណាកលើបងប្អូនប្រជាពលរដ្ឋក៏ដូចជាអាជីវករដែលជាអ្នកលក់ដូរនៅលើដងផ្លូវ ជុំវិញផ្សារ ដោយសារតែមានអ្នកវិជ្ជមានកូវីដ-១៩ប្រភេទថ្មី ដែលតា(Delta)បានចូលមកទីនេះ៕

អត្ថបទ ៖ រស្មី