ព័ត៌មានជាតិ
ខ្ទម២៧ ដែលសង់លើដីព្រៃ ឧទ្យានជាតិបូទុមសាគរ ត្រូវសមត្ថកិច្ចជំនាញរុះរើចេញ
ខ្ទមចំនួន២៧ ដែលពលរដ្ឋខិលខូចលួចសង់ ហើយធ្វើបោះបង្គោលរបងក្នុងដីព្រៃឈើឧទ្យានជាតិ បូទុមសាគរ ខេត្តកោះកុង ត្រូវបានតុលាការ សហការជាមួយមន្ត្រីបរិស្ថាន និងសមត្ថកិច្ចជំនាញចុះរុះរើចេញ។
ប្រតិបត្តិការអនុវត្តច្បាប់មួយថ្ងៃពេញនេះ ដឹកនាំដោយលោក អេង ចាន់ភារ៉ា ព្រះរាជអាជ្ញារងខេត្តកោះកុង លោក វ៉េត សុនីម អនុប្រធានមន្ទីរបរិស្ថានខេត្ត ក៏ដូចជាលោក ក្រូច បូរីសីហា អភិបាលរងស្រុកបូទុមសាគរ កាលពីថ្ងៃទី១ ខែសីហា ឆ្នាំ២០២១។
បើតាមលោក វ៉េត សុនីម អនុប្រធានមន្ទីរបរិស្ថានខេត្តកោះកុង បានឱ្យដឹងថា ខ្ទមចំនួន២៧ ដំណាំចម្ការ និងបង្គោលរបងឈើជាង២,០០០ដើម ស្ថិតនៅចំណុចអូរយ៉ូយ៉ា ភូមិថ្មស ឃុំថ្មស ត្រូវបានពលរដ្ឋខិលខូចមួយចំនួនតូច បន្តលួចសាងសង់គ្មានច្បាប់នោះទេ រីឯអាជ្ញាធរមូលដ្ឋាន រឹតមិនទទួលស្គាល់តាមលិខិតផ្លូវការណាមួយដែរ។ អនុប្រធានមន្ទីរបរិស្ថានដដែលអះអាងថា មុននឹងមានចំណាត់ការច្បាប់នៅពេលនេះ មន្ត្រីអាជ្ញាធរពាក់ព័ន្ធចុះអប់រំណែនាំជាច្រើនលើកច្រើនសារដល់ពលរដ្ឋ តែពលរដ្ឋហាក់មិនចូលរួមទាល់តែសោះដោយជឿតាមការញុះញង់ពីមេខ្លោងនៅក្រោយខ្នងបន្តទន្ទ្រាន។ ក្រុមពលរដ្ឋដែលហ៊ានរំលោភបំពានដីក្នុងតំបន់ឧទ្យានជាតិបូទុមសាគរ គឺពួកគាត់មានផ្ទះសម្បែង ដីស្រែចម្ការត្រឹមត្រូវ រហូតដល់កន្លងទៅ មានការដោះស្រាយជាសំណងទូទាត់ច្បាស់លាស់ផងដែរ។
លោក វ៉េត សុនីម ថ្លែងបញ្ជាក់ពីផែនការក្រោយរុះរើខ្ទមអនាធិបតេយ្យថា លោកសុំគោលការណ៍ពីក្រសួងបរិស្ថាន អយ្យការសាលាដំបូងខេត្ត លោកស្រី មិថុនា ភូថង អភិបាលខេត្ត និងអាជ្ញាធរស្រុក ធ្វើជាទីស្នាក់ការចំនួន២នៅច្រកចេញនៃតំបន់រងផលប៉ះពាល់ ដើម្បីធានាបានប្រសិទ្ធិភាពទប់ស្កាត់បង្ក្រាប រក្សាដីព្រៃការពារឱ្យនៅគង់វង្ស។ ត្បិតដីធ្លីដែលពលរដ្ឋទន្ទ្រាននេះ ត្រូវបានតុលាការចេញលិខិតដកហូតមកជាសម្បត្តិក៏ដោយចុះ។
ការលួចទន្ទ្រានដីព្រៃឈើចំណុចអូរយ៉ូយ៉ា ឬដីគ្រួសក្រហម បានកើតឡើងតាំងពីឆ្នាំ២០១៨មកម្ល៉េះ ដោយមន្ត្រីជំនាញចុះបង្ក្រាបចំនួន២លើកមកហើយ តែពលរដ្ឋនៅតែបន្តល្មើសថែមទៀត គ្រាមានភាពឆក់ល្វែងរបស់អាជ្ញាធរងាកទៅទប់ស្កាត់កូវីដ១៩ ជាមួយក្នុងមូលដ្ឋាននានា។
តាមព័ត៌មានដីព្រៃដែលពលរដ្ឋទន្ទ្រាន គឺពួកគាត់បានលក់ដទៅឈ្មួញអស់ហើយ ដោយពួកគាត់ធ្វើជារូបភាពមកខ្វះដីធ្វើស្រែចម្ការ តាមពិតពួកគាត់ចាំដីឲ្យគេជាថ្នូរនឹងយកថវិកា១លានរៀន និងអង្ករមួយបាវប្រចាំខែពីឈ្នួញដែលទិញដីនោះ។ ទោះយ៉ាងនេះក្តី ក៏អយ្យការអមសាលាដំបូងខេត្ត និងមន្ត្រីសមត្ថកិច្ចជំនាញ កំពុងពិនិត្យស្រាវជ្រាវទីតាំងផ្សេងទៀតដែលមានករណីដូចគ្នាខាងលើនេះបន្ត៕
អត្តបទ៖ សិរីវឌ្ឍនៈ
សប្តាហ៍ទី ២ បន្លែសុវត្ថិភាពផ្សារចុងសប្តាហ៍នៅក្រុងបាត់ដំបង ទទួលការគាំទ្រកាន់តែច្រើន
ឥណ្ឌូណេស៊ីផលិតស៊ុតលើសតម្រូវការ សម្លឹងនាំចេញទៅអាមេរិកដែលខ្វះខាត
ក្រសួងការងារ ត្រៀមទទួលពលករខ្មែរនៅច្រកព្រំដែនអន្តរជាតិប៉ោយប៉ែត ក្នុងឱកាសបុណ្យចូលឆ្នាំខ្មែរ
ក្លិនសាកសពស្អុយរលួយ សាយភាយក្នុងទីក្រុង Mandalay ខណៈតួលេខមនុស្សស្លាប់ នឹងហក់ឡើងខ្ពស់ថែមទៀត
គម្រោងអភិវឌ្ឍន៍ទីក្រុង Bay of Lights បានទទួលពានរង្វាន់ International Property Awards ប្រចាំឆ្នាំ 2025-2026
តួលេខអ្នកស្លាប់នៅមីយ៉ាន់ម៉ា កើនឡើងជិត ៣ ០០០នាក់ហើយ ព្រោះគ្រោះរញ្ជួយដី
ខេត្តវៀតណាម ជាប់កម្ពុជា កើតរញ្ជួយដី ៣លើកផ្ទួនៗ តែកម្រិតស្រាល
Update៖ អគ្គិភ័យឆេះនៅខណ្ឌឬស្សីកែវយប់មិញឆេះផ្ទះពលរដ្ឋសរុប១១ខ្នង
ត្រាំ ឆេះដុំនឹងពូទីន រឿងបទឈប់បាញ់
ត្រាំ ប្រាប់ថា លោកអត់និយាយលេងសើចទេរឿងចង់កាន់អំណាចឲ្យបាន៣អាណត្តិ
-
ព័ត៌មានអន្ដរជាតិ៣ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ agoកើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី