ព័ត៌មានជាតិ

ពន្ធដារបន្តក្រើនរំលឹកជាលើកចុងក្រោយ ដល់ម្ចាស់យានជំនិះគ្រប់ប្រភេទ រួសរាន់ទៅបង់ពន្ធ

បានផុស

៦ years មុន

នៅ

ថ្ងៃសៅរ៍ ២៨ វិច្ឆិកា ២០២០

ដោយ

អគ្គនាយកដ្ឋានពន្ធដារ បានក្រើនរំលឹកជាលើកចុងក្រោយ ដល់ប្រជាពលរដ្ឋ ដែលនៅមិនទាន់បង់ពន្ធ ត្រូវរួសរាន់ទៅបង់ពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទឆ្នាំ២០២០ ដើម្បីចៀសវាងទទួលរងនូវទោសទណ្ឌ តាមច្បាប់ ខណៈការបង់ពន្ធនឹងបិទបញ្ចប់ជាស្ថាពរនៅថ្ងៃទី៣០ខែវិច្ឆិកានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមអគ្គនាយកដ្ឋានពន្ធដារបានឲ្យដឹងថា ក្នុងករណីយានជំនិះគ្រប់ប្រភេទខកខានមិនបានបង់ពន្ធទាន់ពេលវេលាកំណត់ខាងលើ ម្ចាស់យានយន្ដនឹងត្រូវទទួលរងនូវទោសទណ្ឌតាមច្បាប់ ស្ដីពីសារពើពន្ធជាធរមាន។ អគ្គនាយកដ្ឋានពន្ធដារ នឹងសហការជាមួយអាជ្ញាធរ មានសមត្ថកិច្ចជាពិសេសនគរបាលចរាចរណ៍ ដើម្បីចុះពិនិត្យការអនុវត្តប្រមូលពន្ធនេះ នៅតាមដងផ្លូវនានា បន្ទាប់ពីបទបញ្ចប់ការប្រមូលពន្ធ។

ចំណែកលោក គង់ វិបុល ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋានពន្ធដារ បានប្រាប់ព័ត៌មានក្នុងស្រុកថា អគ្គនាយកដ្ឋានពន្ធដារ មិនមានការពន្យារពេល ការប្រមូលពន្ធលើមធ្យោបាយដឹកជញ្ជូន និងយានជំនិះគ្រប់ប្រភេទ ប្រចាំឆ្នាំ២០២០ នោះទេ។ លោកបានបន្តថា ទោះបីការប្រមូលពន្ធនេះ ត្រូវបិទបញ្ចប់ជាស្ថាពរ នៅថ្ងៃទី៣០ ខែវិច្ឆិកា ឆ្នាំ២០២០នេះក្តី ក៏បងប្អូនជាម្ចាស់យានយន្ត នៅតែអាចបង់ពន្ធនេះ នៅក្រោយថ្ងៃទី៣០ ខែវិច្ឆិកា ឆ្នាំ២០២០បាន ប៉ុន្តែ «ត្រូវរងការពិន័យ»៕

អត្ថបទ៖ សំអឿន

សូមចុចអាន៖ ខណ្ឌទួលគោកបានសម្រេចជ្រើសរើសយកព្រះភារុណធ្វើជានិមិត្តសញ្ញារបស់រដ្ឋបាលខណ្ឌ

Related Topics:

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា