ព័ត៌មានជាតិ
មន្ត្រីជាន់ខ្ពស់សុខាភិបាល ២ រូបត្រូវដកចេញពីតំណែង ក្នុងរយៈពេលមិនដល់ ១ ឆ្នាំ
មន្ត្រីជាន់ខ្ពស់សុខាភិបាលចំនួន២នាក់ម្នាក់ត្រូវដកចេញពីតំណែងប្រធានមន្ទីរពេទ្យ ខេត្តមិត្តភាពកម្ពុជា-ជប៉ុនមង្គលបូរី និងម្នាក់ទៀតអតីតអនុប្រធានមន្ទីរពេទ្យបង្អែកខេត្តប៉ៃលិនត្រូវបានបណ្តេញចេញពីក្របខ័ណ្ឌតែម្តង។
លោក ចន្ទ័ វុឌ្ឍីណាវុធ ជាប្រធានមន្ទីរពេទ្យខេត្តមិត្តភាពកម្ពុជា-ជប៉ុនមង្គលបូរី ត្រូវបានដកចេញពីតំណែងកាលពីថ្ងៃទី៦ខែកញ្ញាឆ្នាំ២០២១បន្ទាប់ពីលោក អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានលើកឡើងពីការមិនពេញចិត្តចំពោះអ្នកគ្រប់គ្រងនៅមន្ទីរពេទ្យខេត្តមង្គលបូរី ថាគ្មានក្រមសីលធម៌ ជាគ្រូពេទ្យ ដោយធ្វើការទារលុយមុននឹងព្យាបាលអ្នកជំងឺ។
លោកអភិបាលខេត្តអះអាងថា មិនមែនលើកទីមួយទេ គឺច្រើនលើកហើយ ដែលប្រជាពលរដ្ឋតែងតែរអ៊ូរទាំលើការផ្តល់សេវារបស់មន្ទីរពេទ្យដែលមានលោក ចន្ទ័ វុឌ្ឍីណាវុធ ជាប្រធានមន្ទីរពេទ្យនេះ។
ចំណែកមន្ត្រីសុខាភិបាលម្នាក់ទៀតដែលត្រូវបានបណ្តេញចេញពីក្របខណ្ឌនោះមានឈ្មោះ ខឹម មុនីកុសល អតីតអនុប្រធានមន្ទីរពេទ្យបង្អែកខេត្តប៉ៃលិន និងជាមន្ត្រីនៅការិយាល័យបង្ការ និងគ្រប់គ្រងជំងឺ មន្ទីរសុខាភិបាល នៃរដ្ឋបាលខេត្តប៉ៃលិនត្រូវបានលោកស្រី បាន ស្រីមុំ អភិបាលខេត្តប៉ៃលិន បណ្តេញចេញពីក្របខ័ណ្ឌកាលពីថ្ងៃទី១៩ ខែមីនា ឆ្នាំ២០២១ ក្រោមមូលហេតុ «ប្រព្រឹត្តកំហុស និងការឆ្គាំឆ្គងក្នុងវិជ្ជាជីវៈ»។
មុននឹងបណ្តេញចេញពីក្របខ័ណ្ឌ លោកត្រូវបានសម្រេចបញ្ចប់តំណែងពីអនុប្រធានមន្ទីរពេទ្យបង្អែកខេត្តមកជាមន្ត្រីតាមដីកាលេខ ០៣៤/១៨ដក ចុះថ្ងៃទី០៦ ខែសីហា ឆ្នាំ២០១៨។បន្ទាប់ពីរដ្ឋបាលខេត្តបានបើកកិច្ចប្រជុំគណៈអភិបាលខេត្ត ពិនិត្យឃើញថាលោកពិតជាមានកំហុសឆ្គងធ្ងន់ធ្ងរពិតប្រាកដមែន។
ការបញ្ចប់ភារកិច្ចពេលនោះ គឺដើម្បីទុកឱកាសឱ្យមន្ត្រីរូបនេះកែខ្លួនឡើងវិញ ប៉ុន្តែផ្ទុយទៅវិញមន្ត្រីរូបនេះ នៅតែបន្តការអុកឡុកញុះញង់ បំបែកបំបាក់សាមគ្គីភាពផ្ទៃក្នុងអង្គភាពដដែល។
មន្ត្រីរូបនេះមានគោលបំណងបង្កភាពវឹកវរកាលពីថ្ងៃទី០៧ ខែមីនា ឆ្នាំ២០០១ គាត់បានសុំចូលរួមជាមួយក្រុមគ្រូពេទ្យជួរមុខចូលមកមណ្ឌលចត្តាឡីស័ក ហើយក៏ឆ្លៀតឱកាសថតបង្ហោះក្នុងបណ្តាញព័ត៌មានសង្គម ដើម្បីបំប៉ោងព័តមានក្លែងក្លាយធ្វើឱ្យចលាចល ក្នុងសន្តិសុខសង្គម ប៉ះពាល់ដល់កិត្តិយរសមន្ត្រីរដ្ឋបាលខេត្ត និងមន្រ្តីសុខាភិបាលជួរមុខពិតប្រាកដ ដែលកំពុងបំពេញភារកិច្ចយ៉ាងសកម្មមិនគិតពីការនឿយហត់៕
អត្ថបទៈ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង