ព័ត៌មានជាតិ
រាជធានីខេត្តចំនួន៦ បានបញ្ចប់យុទ្ធនាការ ចាក់វ៉ាក់សាំងដូសទី១
ភ្នំពេញ៖ លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងជំងឺកូវីដ១៩ ក្នុងក្របខណ្ឌទូទាំងប្រទេស មានប្រសាសន៍នៅព្រឹកថ្ងៃទី១២កញ្ញានេះថា រហូតមកដល់ពេលនេះ មានរាជធានីខេត្តចំនួន៦ បានបិទបញ្ចប់យុទ្ធនាការចាក់វ៉ាកសាំងដូសទី១ដោយជោគជ័យ និងបន្តចាក់ដូសទី២និងដូសទី៣ជាបន្តបន្ទាប់ទៀត។
លោកស្រីបានបន្តថា រាជធានីខេត្តទាំង៦រួមមាន រាជធានីភ្នំពេញ ព្រះសីហនុ កែប កណ្តាល ខេត្តប៉ៃលិន និងពោធិសាត់។ នៅថ្ងៃស្អែកនឹងបន្តទៅបិទនៅខេត្តស្វាយរៀងបន្តទៀត។
គិតមកដល់ថ្ងៃទី១១កញ្ញាឆ្នាំ២០២១ កម្ពុជាបានចាក់វ៉ាក់សាំងដល់ប្រជាពលរដ្ឋ ដែលមានអាយុចាប់ពី១២ឆ្នាំឡើងទៅ មានចំនួន១១ ៤២៩ ៨៣៥នាក់ ស្មើនឹង៧១.៤៤ភាគរយ ធៀបនឹងគោលដៅ១៦លាននាក់។ ក្នុងនោះពលរដ្ឋមានអាយុចាប់ពី១៨ឆ្នាំឡើងទៅ មានចំនួន៩ ៧២៣ ២២៤នាក់ ស្មើនឹង៩៧.២៣ភាគរយធៀបគោលដៅ១០លាននាក់។ ពលរដ្ឋដែលមានអាយុចាប់ពី១២ដល់អាយុ១៧ឆ្នាំ មានចំនួន១ ៧០៦ ៦១១នាក់ស្មើនឹង៨៦.៧៧ភាគរយ ធៀបគោលដៅជិត២លាននាក់។
លោកស្រីបានបញ្ជាក់ថា អ្នកដែលគ្រូពេទ្យមិនអនុញ្ញាតឱ្យចាក់ ដោយសារបញ្ហាសុខភាពមានចំនួន ៧២ ៧៩៣នាក់ អ្នកចាក់បានពីរដូសចំនួន៩ ៤៤៣ ៩២៧នាក់ និងអ្នកចាក់ដូសទី៣មានចំនួន៧៥៦ ៨៣៧នាក់។
គួរបញ្ជាក់ថា តាមផែនការរាជរដ្ឋាភិបាលគ្រោងនឹងចាក់វ៉ាក់សាំងជូន ដល់ប្រជាពលរដ្ឋឱ្យរួចរាល់នៅចុងឆ្នាំ២០២១ខាងមុខនេះ ដើម្បីបង្កើតភាពស៊ាំនៅក្នុងសហគមន៍ សំដៅទប់ស្កាត់កាឆ្លងរាលដាលជំងឺកូវីដ១៩បើកដំណើរការសាលារៀននៅតាមតំបន់មានហានិភ័យទាប និងត្រៀមបើកវិស័យទេសចរណ៍ក៏ដូចជាសេដ្ឋកិច្ចឡើងវិញផងដែរ៕
អត្ថបទ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង