ព័ត៌មានជាតិ
សរុប ៖ ព្រះសង្ឃ និងអ្នកស្នាក់នៅក្នុងវត្ត ១៥០វត្តនៅរាជធានីភ្នំពេញ រកឃើញវិជ្ជមានកូវីដ ១៤១អង្គ /នាក់
ព្រះសង្ឃ និងអ្នកស្នាក់នៅក្នុងវត្តអារាមចំនួន ១៥០វត្តនៅទូទាំងរាជធានីភ្នំពេញ ក្រោយពីសម្រុកធ្វើតេស្តយកសំណាក បានរកឃើញវិជ្ជមានកូវីដ-១៩ ចំនួន ១៤១អង្គ /នាក់។ ក្នុងចំណោមការយកសំណាកចំនួន ៨៩៧៥អង្គ/នាក់។
ប្រធានមន្ទីរធម្មការ និងសាសនារាជធានីភ្នំពេញ លោក ទេព គង្គា បានអ្នកយកព័ត៌មានដឹង នៅថ្ងៃទី២៦ ខែកញ្ញានេះថា ព្រះសង្ឃ គណៈកម្មការអាចារ្យ និងសិស្សនិស្សិត ស្នាក់នៅតាមវត្តក្នុងរាជធានីភ្នំពេញ បានយកសំណាករកមេរោគកូវីដ -១៩ រួចរាល់អស់ហើយ គឺមានចំនួន ៨៩៧៥អង្គ/នាក់ ក្នុងចំណោមវត្តចំនួន ១៥០វត្ត។
ក្រុមការងារសុខាភិបាល បានពិនិត្យរកមេរោគកូវីដ-១៩ ឃើញវិជ្ជមានកូវីដ-១៩ ចំនួន១៤១អង្គ /នាក់។ ក្នុងនោះព្រះសង្ឃ មានចំនួន ៩៧អង្គ អាចារ្យចំនួន ៩នាក់ ដូនជីតាជីចំនួន ១៥នាក់ និងសិស្សនិស្សិតចំនួន ២០នាក់។
លោកប្រធានមន្ទីរបានបន្តថា បើតាមតួលេខពិតប្រាកដ ព្រះសង្ឃនៅរាជធានីភ្នំពេញ មានជិត៨ពាន់អង្គ។ ប៉ុន្ដែមានព្រះសង្ឃប្រមាណ ៥០០អង្គ បាននិមន្តទៅក្រៅប្រទេស ដោយជាប់ការបិទ ឬធ្វើចត្តាឡីស័កនៅទីនោះ និងក៏មានព្រះសង្ឃមួយចំនួន បាននិមន្តទៅតាមខេត្ត រួចចូលព្រះវស្សានៅទីនោះតែម្ដង។ ជាក់ស្ដែងព្រះសង្ឃ នៅពេលនេះមានចំនួន ៧៦១៧អង្គ។
លោក ទេព គង្គា បានបញ្ជាក់ថា វត្តនៅរាជធានីភ្នំពេញមានចំនួន ១៥៤វត្ត តែពេលនេះវត្ត ដែលយកសំណាករកមេរោគកូវីដ-១៩ មានចំនួន១៥០វត្ត។ ចំណែក ៤វត្តទៀត មានវត្តខ្លះបានយកសំណាករួចហើយ និងវត្តខ្លះមានលទ្ធភាព យកសំណាកខ្លួនឯង៕
អត្ថបទ៖ ស្រីរ័ត្ន
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល