ព័ត៌មានជាតិ
កម្ពុជានឹងទទួលបានវ៉ាក់សាំងស៊ីណូវ៉ាក់៣លានដូសបន្ថែមទៀតនៅថ្ងៃស្អែកនេះ
ថ្ងៃទី២៨ ខែកញ្ញា ឆ្នាំ២០២១ស្អែកនេះ វ៉ាក់សាំងការពារជំងឺកូវីដ១៩ប្រភេទស៊ីណូវ៉ាក់ ចំនួន៣លានដូសបន្ថែមទៀត ដែលរាជរដ្ឋាភិបាលបានបញ្ជាទិញពីប្រទេសចិន ត្រូវបានដឹកមកដល់រាជធានីភ្នំពេញ។ សរុបទាំងវ៉ាក់សាំងដែលដឹកមកដល់កម្ពុជានៅថ្ងៃទី២៨ ខែកញ្ញានេះ កម្ពុជាទទួលបានវ៉ាក់សាំងសរុបចំនួន ៣៥.៥ លានដូសហើយ។ នេះបើយោងតាមលោកស្រី យក់ សម្បត្តិ រដ្ឋលេខាធិការក្រសួងសុខាភិបាល ។
លោកស្រី យក់ សម្បត្តិ បានបន្តឲ្យដឹងថា វ៉ាក់សាំងដែលរាជរដ្ឋាភិបាលបញ្ជាទិញសម្រាប់ចាក់ជូនកុមារដែលមានអាយុចាប់ពី៦ ដល់១២ឆ្នាំ និងសម្រាប់ធ្វើជាដូសជំរុញ ឬដូសទី៣ ដែលរាជរដ្ឋាភិបាលនិងបើកយុទ្ធនាការបើកទូលាយការចាក់វ៉ាក់សាំងដូសទី៣ជូនដល់ប្រជាពលរដ្ឋដោយឥតគិតថ្លៃ និងដោយគោលការណ៍ស្ម័គ្រចិត្តនៅក្នុងខែតុលា ខាងមុខនេះ ។
បើតាមលោកស្រី យក់ សម្បត្តិ ក្រៅពីវ៉ាក់សាំងដែលបានបញ្ជាទិញនេះ យើងនៅមានវ៉ាក់សាំងដែលជាជំនួយរបស់រដ្ឋាភិបាលចិនចំនួន៣លានដូសបន្ថែមទៀត ដែលនឹងដឹកមកដល់កម្ពុជានៅក្នុងរង្វង់ខែតុលា ខាងមុខផងដែរ។ ដូចនេះ យើងមានវ៉ាក់សាំងគ្រប់គ្រាន់សម្រាប់ចាក់ជូនដល់ប្រជាពលរដ្ឋទៅតាមអ្វីដែលរាជរដ្ឋាភិបាលបានកំណត់។
បច្ចុប្បន្នកម្ពុជាមានវ៉ាក់សាំងកូវីដ-១៩ ចំនួន៣៥.៥លានដូសហើយសម្រាប់ចាក់ជូនប្រជាពលរដ្ឋ ហើយបើគិតទាំងវ៉ាក់សាំងកូវីដ-១៩ ដែលនឹងដឹកមកដល់កម្ពុជាជាបន្តបន្ទាប់ កម្ពុជានឹងមានវ៉ាក់សាំងសរុបជិត ៣៥.៥លានដូស ។ ក្នុងចំណោមវ៉ាក់សាំងសរុបនេះមានប្រមាណ២៩.៥លានដូសជាវ៉ាក់សាំងដែលកម្ពុជាទទួលបានពីប្រទេសចិនតាមរយៈ ជំនួយឥតសំណងនិងការបញ្ជាទិញពីក្រុមហ៊ុនចិន៕
អត្ថបទ៖ ណារី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង