ព័ត៌មានអន្ដរជាតិ
លោកតាប្រមូលអេតចាយនៅ ថៃ សម្រេចក្ដីស្រមៃទៅលេងសមុទ្រជាលើកដំបូងក្នុងជីវិត
បុរសថៃវ័យ៧០ឆ្នាំ ដែលមានឈ្មោះ Loi Tapila ជាអ្នកនៅខេត្ត Ubon Ratchathani ភាគឥ្ឍសានប្រទេសថៃ បានបំពេញក្តីស្រមៃទៅលេងសមុទ្រជាលើកដំបូងក្នុងឆាកជីវិតរបស់ខ្លួន ។ នេះបើតាមការចុះផ្សាយរបស់សារព័ត៌មាន Khaosod របស់ប្រទេសថៃ ។
![](https://www.kampucheathmey.com/wp-content/uploads/2024/03/trat-1.jpg)
ប្រភពព័ត៌មានដដែលបានឲ្យដឹងបន្ថែមថា លោកតា Loi ដែលមានរបរជាអ្នកប្រមូលអេតចាយបានក្លាយជាបុគ្គលល្បីល្បាញលើបណ្តាញសង្គម ចាប់តាំងពីលោកបានធ្វើដំណើរពីខេត្ត Ubon Ratchathani ទៅកាន់ខេត្តត្រាត ភាគអាគ្នេយ៍ប្រទេសថៃដែលមានព្រំដែនជាប់ខេត្តកោះកុង ប្រទេសកម្ពុជា ។ លោកតាបានធ្វើដំណើរដោយជិះម៉ូតូរម៉ករបស់លោក ចេញដំណើរពីថ្ងៃទី៣ ខែមីនាកន្លងទៅ រហូតដល់មានការជួយគាំទ្រ និងចេញឧបត្ថម្ភពីសាធារណជននាថ្ងៃទី៩ ខែមីនា ដើម្បីសម្រេចក្តីស្រមៃ ។
ដោយសារតែ ការធ្វើដំណើររបស់លោកតា ក៏ដូចជាការផ្សព្វផ្សាយពីទេសចរក្នុងខេត្តផងនោះ អាជ្ញាធរទេសចរណ៍ខេត្តត្រាត ប្រទេសថៃ បានឧបត្ថម្ភដល់លោកតា នូវការស្នាក់នៅសណ្ឋាគារផ្កាយ ៦ រួមជាមួយអាហារ និងការធ្វើដំណើរតាមសាឡាងទៅលេងកោះឆាង នៃខេត្តត្រាតដោយឥតគិតថ្លៃ ។
![](https://www.kampucheathmey.com/wp-content/uploads/2024/03/photo_2024-03-20_14-59-52.jpg)
“ថ្ងៃនេះ ខ្ញុំបានឃើញកោះឆាង បានឃើញសមុទ្រ បានងូតទឹកសមុទ្រលេង ដូចដែលបានប្រាថ្នា ហើយវាលើសពីបំណងប្រាថ្នាខ្ញុំទៅទៀត” ។ នេះបើតាមសម្តីរបស់លោកតា Loi ដែលបានសម្រេចក្តីស្រមៃរបស់លោក នាថ្ងៃទី៩ ខែមីនា ឆ្នាំ ២០២៤ ។
ដោយឡែកបន្ទាប់ពីបំពេញក្តីស្រមៃរបស់ខ្លួនរួចរាល់ លោកតាក៏បានត្រឡប់ទៅខេត្តស្រុកកំណើត និងធ្វើរបរប្រមូលអេតចាយ ជាប្រចាំថ្ងៃតាមធម្មតាវិញ ។ នៅពេលដែលលោកចាកចេញពីខេត្តសមុទ្រ លោកក៏បានថ្លែងអំណរគុណដល់ប្រជាជននៅខេត្តត្រាតដែលបានស្វាគមន៍លោកតាយ៉ាងកក់ក្តៅ ក្នុងការបំពេញក្តីស្រមៃនោះ ៕
![](https://www.kampucheathmey.com/wp-content/uploads/2024/03/photo_2024-03-20_14-59-51.jpg)
ដោយ ៖ មាន រតនា
-
សេដ្ឋកិច្ច៧ ថ្ងៃ ago
ការវិនិយោគរបស់ក្រុមហ៊ុនជប៉ុន កំពុងជួយរុញឱ្យកំណើនសេដ្ឋកិច្ចកម្ពុជាកាន់តែងើបឡើងបន្ថែមទៀត
-
KPT+១ សប្តាហ៍ ago
១០ ប្រទេស កំពូលគ្រោះថ្នាក់ខ្លាំង ចំពោះស្រ្តី
-
ព័ត៌មានជាតិ៥ ថ្ងៃ ago
អ្នកនាំពាក្យទទូចដល់អ្នកប្រើបណ្តាញសង្គមបញ្ឈប់ចែកចាយជាបន្ទាន់ និងលុបចេញរាល់មាតិកាដែលពាក់ព័ន្ធឃាតកម្មឃោរឃៅ
-
ព័ត៌មានជាតិ៧ ថ្ងៃ ago
ក.ប.ប រកឃើញថាឈ្មួញនាំចូលផ្លែទុរេនពីប្រទេសជិតខាង និងមានជ្រលក់ថ្នាំ ហើយលក់បន្លំថាជាទុរេនក្នុងស្រុក
-
ព័ត៌មានជាតិ៣ ថ្ងៃ ago
លោក ជួន ណារិន្ទ បញ្ជាឱ្យហៅគ្រូមន្តអាគមយកកាំភ្លើងពោះខ្លួនឯងមកសួរនាំ ទោះសាមីខ្លួនសុំទោសជាសាធារណៈ
-
ព័ត៌មានជាតិ៦ ថ្ងៃ ago
បុរសម្នាក់ ត្រូវសត្វថ្លែនខាំបណ្តាលឱ្យស្លាប់ ក្រោយបញ្ជូនទៅសង្គ្រោះនៅមណ្ឌលសុខភាព
-
ព័ត៌មានជាតិ៦ ថ្ងៃ ago
ក្នុងឆ្នាំ២០២៤៖ ឧកញ៉ា អ្នកឧកញ៉ា ៤នាក់ ត្រូវដកហូតគោរមងារ ក្រោយរកស៊ីបោកប្រាស់ និងបាញ់ប្រហារពលរដ្ឋ
-
ព័ត៌មានអន្ដរជាតិ២ ថ្ងៃ ago
ព្យុះខ្សាច់សាហារ៉ាដ៏ធំ ហោះឆ្លងមហាសមុទ្រអាត្លង់ទិក ទៅវាយប្រហារអាមេរិក ចុងសប្តាហ៍នេះ