ព័ត៌មានជាតិ
ឃាត់រថយន្ត១គ្រឿង ដឹកស្វាក្រេះ ៤៥ ក្បាល បម្រុងបញ្ជូនឆ្លងដែនចូលមកកម្ពុជា
កម្លាំងអភិរក្ស សហការជាមួយតម្រួតសេដ្ឋកិច្ចថៃ នៅរសៀលថ្ងៃទី ១ ខែតុលា បានតាមប្រមាញ់រថយន្តតូយូតា ១ គ្រឿង ឃើញដឹកឡាំងផ្លែឈើ សង្ស័យល្មើសច្បាប់ ពេលឃើញកម្លាំងតម្រួត គេបានបើកគេចដល់ស្រុកអារញ្ញប្រាថេត ទើបរថយន្តរេចង្កូតធ្លាក់ផ្លូវទៅបុកនឹងបង្គោលថ្ម ជាប់នៅទីនោះតែម្តង ខណៈអ្នកបើកបរបានរត់គេចខ្លួនបាត់ស្រមោល។

ក្រោយពីកម្លាំងជំនាញធ្វើការត្រួតពិនិត្យ គឺបានសង្គេតឃើញថា រថយន្តនេះមានដឹកឡាំងជ័រដាក់ផ្លែឈើចំនួន ១៥ ឡាំង នៅពីលើ ដោយឡែកនៅខាងក្រោម មានឡាំងចំនួន ៤ ឡាំង ដែលក្នុងនោះមានសត្វស្វាក្រេះចំនួន ៤៥ ក្បាល នៅរស់ ៤៤ ក្បាល និងងាប់ ១ ក្បាល ដែលគេច្រកក្នុងថង់ស្បៃចងមាត់ រួចទើបច្រកក្នុងឡាំងជ័រនោះ។

ដោយឡែកនៅក្នុងរថយន្តជនសង្ស័យបានបន្សល់នូវ កាបូបស្ពាយ១ កាត ATM របស់ធនាគារ អមសុីន ១ សន្លឹក ជាកម្មសិទ្ធិរបស់ឈ្មោះ វឌ្ឍនៈ សុភាព និងមានស្លាកលេខរថយន្ត ចំនួន២ សន្លឹក បន្ថែមទៀត។
ក្រុមអភិរក្សបានបញ្ជាក់ថា សត្វស្វាទាំងអស់នេះ គឺមានអាយុចាប់ពី ២ ខែ ដល់ ១ ឆ្នាំគត់ ហើយភាគច្រើនគេយកមកពីខេត្ត ភីចិត្រ ដែលក្រុមឈ្មួញអាចនាំយកទៅលក់ក្នុងប្រទេសកម្ពុជា សម្រាប់ធ្វើជាម្ហូបពិសេស ឬក៏អាចបញ្ជូនបន្តទៅកាន់ប្រទេសចិន។

បច្ចុប្បន្នកម្លាំងកំពុងស្រាវជ្រាវរកម្ចាស់រថយន្ត ដើម្បីយកមកសាកសួរតាមនីតិវិធី ចំណែកសត្វស្វាទាំងនេះ ត្រូវបានប្រគល់ទៅអោយក្រុមអភិរក្សនៅភ្នំ ហួកាន់ត្រង ក្នុងខេត្តប្រាជីនបុរី ដើម្បីព្រលែងអោយមានសេរីភាពឡើងវិញ៕



អត្ថបទ: សោ និយមរ័ត្ន

-
ព័ត៌មានអន្ដរជាតិ៦ ថ្ងៃ ago
ពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ១ សប្តាហ៍ ago
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ៤ ថ្ងៃ ago
ថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ៤ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
បច្ចេកវិទ្យា២ ថ្ងៃ ago
OPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានអន្ដរជាតិ២ ថ្ងៃ ago
រដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ ago
ព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៤ ថ្ងៃ ago
«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ