ព័ត៌មានជាតិ
អភិបាលខណ្ឌច្បារអំពៅ ត្រៀមដោះស្រាយ បញ្ហាជំនន់ទឹកភ្លៀង
ក្នុងការងារដោះស្រាយបញ្ហាប្រឈមនៅចំពោះមុខ បញ្ជៀសកុំឱ្យទឹកភ្លៀងជន់លិចតំបន់មួយចំនួនក្នុងភូមិសាស្ត្រខណ្ឌ រដ្ឋបាលខណ្ឌច្បារអំពៅ លោក ចេង មុនីរ៉ា សហការជាមួយមន្ទីរសាធារណៈការ រាជធានីភ្នំពេញ បានប្រើប្រាស់រថយន្តបូមកាកសំណល់ផ្សេងៗចេញពីលូ ដើម្បីឱ្យទឹកហូលឿន បង្ការទុកជាមុន កុំឱ្យទឹកភ្លៀងជន់លិចលំនៅដ្ឋានប្រជាពលរដ្ឋ។
សកម្មភាពចុះពិនិត្យប្រព័ន្ធលូ និងបូមយកកាកសំណល់ចេញពីលូនេះ បានធ្វើឡើងនៅព្រឹកថ្ងៃសៅរ៍ ទី៩ ខែតុលា ឆ្នាំ២០២១ នៅក្នុងសង្កាត់ច្បារអំពៅទី១ និងសង្កាត់ព្រែកប្រា ខណ្ឌច្បារអំពៅ ដោយលោកអភិបាលខណ្ឌ ចុះផ្ទាល់នៅតាមភូមិសាស្ត្រ ដែលប្រឈមនឹងជំនន់ទឹកភ្លៀង។ ដោយឡែកនៅសង្កាត់វាលស្បូវ និងសង្កាត់ព្រែកឯង លោកអភិបាលខណ្ឌបានណែនាំឱ្យក្រុមការងារប្រើប្រាស់ម៉ាស៉ីនបូមទឹកចេញពីភូមិដែលជន់លិចដោយទឹកភ្លៀង។
ជាមួយគ្នានេះដែរ លោកអភិបាលខណ្ឌបានណែនាំឱ្យមន្ត្រីក្រុមការងារជំនាញពាក់ព័ន្ធខណ្ឌ ត្រូវយកចិត្តទុកដាក់លើការងារចុះពិនិត្យប្រព័ន្ធលូ ប្រឡាយរំដោះទឹក ដើម្បីសម្រួលដល់ចរន្តទឹកហូរ ព្រោះរដូវវស្សាចូលមកដល់ ដែលត្រូវបង្ការទុកជាមុន កុំឱ្យជន់លិចលំនៅដ្ឋានរបស់បងប្អូនប្រជាពលរដ្ឋនៅតាមសង្កាត់មួយចំនួនក្នុងមូលដ្ឋានខណ្ឌ។ លើសពីនេះទៀតត្រូវផ្សព្វផ្សាយដល់បងប្អូនប្រជាពលរដ្ឋចូលរួមសហការទុកដាក់ និងវេចខ្ចប់សំរាមឱ្យបានត្រឹមត្រូវ កុំយកមក បោះចោលតាមមាត់លូរ តាមប្រឡាយរំដោះទឹកដែលនាំឱ្យស្ទះដល់ចរន្តទឹកហូរ ប៉ះពាល់បរិស្ថានអនាម័យ និងសណ្តាប់ធ្នាប់សាធារណៈ និងបង្កឱ្យមានបរិស្ថានមិនល្អក្នុងតំបន់។
គួររំលឹកថា កន្លងមកលោកអភិបាលខណ្ឌ បានចុះពិនិត្យសកម្មភាពក្រុមការងារសង្កាត់ព្រែកប្រា ចុះបូមទឹកចេញពីលូ និងកើបកាយយកកាកសំណល់ផ្សេងៗចេញពីលូ ដើម្បីរំដោះទឹកភ្លៀងដែលជនលិចតំបន់ ផ្សារបឹងព្រលិត ក្នុងភូមិអូរអណ្តូង។៕
អត្ថបទ៖ នរា
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?