ព័ត៌មានជាតិ
ចុះណែនាំ៥លើកមិនស្ដាប់ អាជ្ញាធរប្រើធម៌ក្ដៅលើករណីរំលោភចិញ្ចើមផ្លូវសាធារណៈ
នៅរសៀលថ្ងៃទី១៨ ខែតុលា ឆ្នាំ២០២១ លោក វណ្ណ សុមុន្នី អភិបាលរងក្រុងបាវិត តំណាងលោកអភិបាលក្រុងបាវិត បានដឹកនាំកម្លាំងក្រុមការងារចម្រុះចុះផ្អាកការសាងសង់សំណង់ និងការចាក់បេតុងខ្ពស់ជាងផ្លូវ នៅលើដីចំណីផ្លូវសាធារណ:របស់រដ្ឋ ត្រង់ចំណុចផ្លូវ៣១៩C ស្ថិតនៅភូមិបាវិតកណ្តាល សង្កាត់បាវិត ក្រុងបាវិត ខេត្តស្វាយរៀង។
លោក វណ្ណ សុមុន្នី អភិបាលរងក្រុងបាវិត បានអោយដឹងថា ម្ចាស់សំណង់ដែលអត់មានច្បាប់អនុញ្ញាត និងរំលោភលើចំណីផ្លូវសាធារណៈនោះឈ្មោះ ហ៊ុន ណង (ហៅកឹង) ដោយរដ្ឋបាលក្រុងបាវិត បានចុះផ្អាកការសាងសង់ចំនួន២លើក និងចុះធ្វើការណែនាំផ្ទាល់មាត់ជាមួយម្ចាស់សំណង់ចំនួន៥លើកមកហើយ។
លោកអភិបាលរងក្រុងបាវិត បានបន្តថា ទោះបីជាអជ្ញាធរចុះមកណែនាំយ៉ាងណាក៏ដោយ ម្ចាស់សំណង់នោះមិនចូលរួមអនុវត្តតាមការណែនាំរបស់រដ្ឋបាលក្រុងបាវិតទេ នៅតែលួចបន្តសាងសង់សំណង់ និងការចាក់បេតុងខ្ពស់ជាងផ្លូវ នៅលើដីចំណីផ្លូវសាធារណ:របស់រដ្ឋដដែល ទើបរដ្ឋបាលក្រុងបាវិត ប្រើវិធានការក្តៅបែបនេះ។
លោក វណ្ណ សុមុន្នី បានអំពាវនាវដល់បងប្អូនប្រជាពលរដ្ឋដែលជាម្ចាស់សំណង់ទាំងអស់មុនសងសំណង់អ្វីមួយត្រូវសុំច្បាប់អនុញ្ញាតពីអាជ្ញាធរដែនដី និងមន្ត្រីជំនាញជាមុនសិនចៀសវាងដូចករណីខាងលើនេះនាំអោយខាតបង់ និងអាចមានទោសទាន់ផងដែរ៕
អត្ថបទ៖ ភក្ដី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង