Connect with us

ព័ត៌មានជាតិ

សមត្ថកិច្ច​បង្ក្រាបបានបទល្មើសគ្រឿងញៀន​សរុបចំនួន​ ៥៣៩ ​ករណី ក្នុងខែកញ្ញា

បានផុស

នៅ

សម្ដេចក្រឡាហោម ស ខេង ឧបនាយករដ្ឋមន្រ្ដីរដ្ឋមន្រ្ដីក្រសួងមហាផ្ទៃបានបង្ហាញពី​លទ្ធ​ផលនៃកិច្ចប្រតិបត្តិការបង្ក្រាបគ្រឿងញៀនក្នុងខែកញ្ញា ឆ្នាំ២០២១នេះ សមត្ថកិច្ចបង្ក្រាបបានបទល្មើសគ្រឿងញៀន​សរុបចំនួន​ ៥៣៩ ​ករណី ធៀបនឹងខែសីហា ឆ្នាំ២០២១ មាន ៤៤០ ករណី កើនលើស ៩៩ ករណី ស្មើនឹង ២២,៥ ភាគរយ។ សមត្ថកិច្ច​បានចាប់យកគ្រឿងញៀនសរុបចំនួនជាង ២៦ គីឡូក្រាម ធៀបនឹងខែសីហា ឆ្នាំ២០២១ គឺមានជាង ៥៧ គីឡូក្រាម ថយចុះជាង ៣១ គីឡូក្រាម ស្មើនឹងជាង ៥៤ ភាគរយ។ នេះបើយោងតាមសម្តេចក្រឡាហោម ស ខេង ឱ្យដឹងនៅថ្ងៃទី១៩ តុលានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្ដេចក្រឡាហោម ស ខេង បានឱ្យដឹងថា គ្រឿងញៀនបង្ក្រាបបានរួមមាន មេតំហ្វេ​តាមីនក្រាមម្សៅ ជាង ១៣ គីឡូក្រាម មេតំហ្វេតាមីនគ្រាប់ជាង ១៣១ ក្រាម អ៊ិចស្តាស៊ី​ជាង ៨ គីឡូក្រាម កេតាមីនជាង ១ គីឡូក្រាម Nimetazepam ជាង ១ គីឡូក្រាម សាធាតុគីមីផ្សំ​ជាង ៤ គីឡូក្រាម និងកញ្ឆាស្ងួតជាង ៤ គីឡូក្រាម។ សម្ដេចក្រឡាហោមបានបញ្ជាក់ថា ក្នុងចំណោមបទល្មើស​គ្រឿងញៀននោះ មានករណីជួញដូរ រក្សាទុក ៤៦៣ ករណី ករណីប្រើប្រាស់ ៧៥ ករណី ករណីសំយោគ កែច្នៃ ១ ករណី និងបានឃាត់ខ្លួនជនសង្ស័យ​សរុប​ចំនួន ១.០៣៩ នាក់ មានស្រី ៧៣ នាក់ ធៀបនឹងខែសីហា ឆ្នាំ២០២១ មានចំនួន ៨៦១ នាក់ កើនលើស​ ១៧៨ នាក់ ស្មើនឹង ២០,៦ភាគរយ។ ក្នុងនោះជនស្ស័យជួញដូរ រក្សាទុក ៨៣២ ករណី ជនសង្ស័យប្រើប្រាស់គ្រឿងញៀន ២០៥ នាក់ ជនសង្ស័យសំយោគ កែច្នៃ ២ នាក់។ ទន្ទឹមនេះ ក៏មាន​ជនបរទេស ៤១ នាក់ស្ថិតក្នុងចំណោមជនសង្ស័យទាំងនោះដែរ។

សម្ដេចក្រឡាហោមបាន​បន្ដថា ក្នុងចំណោមបទល្មើសគ្រឿងញៀន ៥៣៩ ករណីនោះ ករណីគ្រឿងញៀនធំៗដែលមានប្រភពចរាចរឆ្លងកាត់តាមច្រកព្រំដែនគោកក្នុងភូមិសាស្រ្តរាជធានីភ្នំពេញ ត្រូវបាន​សមត្ថកិច្ច​ជំនាញស្រាវជ្រាវឃើញ និងបង្ក្រាបបានចាប់ពី ១ គីឡូក្រាមឡើងទៅមានចំនួន​ ៤ ករណី ស្មើនឹង ៤ ក្រុម ឃាត់ខ្លួនជនសង្ស័យ ០៦ នាក់ និងរឹបអូសគ្រឿងញៀនសរុប​បាន​ជាង ​​១៦ គីឡូក្រាម និងសាធាតុគីមីផ្សំបានជង ៤ គីឡូក្រាម។ សមត្ថ​កិច្ចក៏បានអនុវត្តន៍វិធានការរដ្ឋបាលបានចំនួន ១៣១ លើកបានអញ្ជើញ ម្ចាស់អាជីវ​កម្ម និងអ្នកពាក់ព័ន្ធមកស្ដាប់ការណែនាំចំនួន ២៨ លើក ស្មើនឹង ៦៥៧ នាក់ ចុះអប់រំម្ចាស់​ទីតាំងអាជីវកម្មចំនួន ១០៣ លើក និង ១ គោលដៅ។ ចុះធ្វើតេស្តរកសាធាតុ​ញៀន ក្មេង​ទំនើង ជនមានតម្រុយប្រើប្រាស់គ្រឿងញៀន និងឆ្មក់ត្រួតពិនិត្យអ្នកបើកបររថយន្ត​ដឹក​ទំនិញ ដឹកកម្មករ ដឹកអ្នកដំណើរ បុគ្គលិកកម្សាន្ត កាស៊ីណូ សណ្ឋាគារ ខារ៉ាអូខេសរុប ៥០ ​លើក ស្មើនឹង ១៣៤ នាក់ រកឃើញអ្នកផ្ទុកសាធាតុញៀន ៤៨ នាក់ ​យកទៅទទួលសេវា​បន្សាប និងព្យាបាល។

សម្ដេចក្រឡាហោម ស ខេង បានសម្ដែនូវការកោតសរសើរ និងការលើកទឹក​ចិត្តខ្ពស់ ជូនចំពោះថ្នាក់ដឹកនាំ និងមន្រ្តីពាក់ព័ន្ធទាំងអស់ ទាំងស៊ីវិល នគរបាល និងកង​រាជអាវុធហត្ថ ដែលបានរួមសហការគ្នាយ៉ាល្អក្នុងកិច្ចប្រតិបត្តិការបង្ក្រាប​គ្រឿងញៀន ដើម្បី​រួមចំណែកការពារសន្តិសុខ សណ្ដាប់ធ្នាប់សាធារណៈសុវត្ថិភាពសង្គម ជូនជាតិ និងប្រជាជន។

សម្ដេចក្រឡាហោម បានផ្ញើសារជូនជនរួមជាតិគ្រប់មជ្ឈ​ដ្ឋាន​សង្គម និងកម្លាំងអនុវត្តន៍ច្បាប់ទាំងអស់ សូមចូលរួមគាំទ្រ និងអនុវត្តន៍ពាក្យស្លោក​ជាតិ ៣ការពារ ១រាយការណ៍ គឺ៖ កុំពាក់ព័ន្ធ ៖កុំជួញដូរ កុំចែកចាយ កុំធ្វើខ្នងបង្អែក កុំឃុប​ឃិត និងកុំប្រើប្រាស់គ្រឿងញៀន។ កុំអន្តរាគមន៍៖ កុំរារាំងការរអនុវត្ត​ច្បាប់ចំពោះ​ឧក្រិដ្ឋ​ជនគ្រឿងញៀនទោះបីជាក្រុម គ្រួសារ សាច់ញាតិ ឬមិត្តភក្កិក៏ដោយ។ កុំលើកលែង៖ កុំបន្ធូរ​​បន្ថយការអនុត្តច្បាប់ចំពោះឧក្រិដ្ឋជនគ្រឿងញៀន។ សមត្ថកិច្ចពាក់ព័ន្ធទាំងអស់​ត្រូវអនុវត្តន៍​ច្បាប់ដោយម៉ឺងម៉ាត់ និងស្មោះត្រង់វិជ្ជាជីវៈរបស់ខ្លួន ហើយជនគ្រប់រូបត្រូវ​គោរព និងអនុវត្តន៍ច្បាប់។ ចំពោះមួយរាយការណ៍៖ ត្រូវរាយការណ៍ ផ្តល់ព័ត៌មាន ដល់​សមត្ថកិច្ចអំពីមុខសញ្ញាជួញដូរចែកចាយ ប្រើប្រាស់ ទីតាំងកែច្នៃផលិត និងទីតាំងស្តុកទុក​គ្រឿងញៀនខុសច្បាប់ដល់សមត្ថកិច្ច ដើម្បីអាចបន្តរួមកម្លាំងសាមគ្គីជាតិ ប្រយុទ្ធ​ប្រឆាំង​គ្រឿងញៀនដែលជាសត្រូវ នៃការអភិវឌ្ឍសេដ្ឋកិច្ចសង្គម និងធនធានមនុស្ស ជាពិសេសធនធានយុវជន ដែលជាសសរទ្រូងប្រទេសជាតិ៕

អត្ថបទ៖ ណារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១៤ នាទី មុន

ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ

ព័ត៌មានជាតិ២៧ នាទី មុន

ស្ថានីយប្រព្រឹត្តកម្មទឹកកខ្វក់ទី ៣ នៅ​ខេត្តព្រះសីហនុដាក់សម្ពោធ​ឲ្យដំណើការជា​ផ្លូវការ

ព័ត៌មានអន្ដរជាតិ៣១ នាទី មុន

ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ

ព័ត៌មានជាតិ៣៨ នាទី មុន

ក្រុមហ៊ុន​ អ៊ីអនម៉ល ៖ គ្មានការសាងសង់ផ្សារទំនើបអ៊ីអន៤ នៅខណ្ឌកំបូល ដូចការចុះផ្សាយព័ត៌មានឡើយ  

ជីវិតកម្សាន្ដ៤១ នាទី មុន

ឃុំ ប៉ុណ្ណាដែត ស្នើមន្ត្រីចរាចរណ៍ប្រកាន់ភ្ជាប់សុជីវធម៌-ក្រមសីលធម៌ ដើម្បីជាគំរូចំពោះប្រជាពលរដ្ឋ

ព័ត៌មានជាតិ៦ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

ព័ត៌មានអន្ដរជាតិ២ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៧ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៦ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

ព័ត៌មានជាតិ៥ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម