ព័ត៌មានជាតិ
រោងចក្រស្រាបៀរ វឌ្ឍនៈ ប្រ៊ូវើរី តម្លៃវិនិយោគ ១៣៩.៥ លានដុល្លារអាមេរិក ចាប់ដំណើរការផលិតកម្មស្រាបៀរជាលើកដំបូង នៅកម្ពុជា
ថ្ងៃទី២១ ខែតុលា ឆ្នាំ២០២១ រោងចក្រស្រាបៀរ វឌ្ឍនៈ ប្រ៊ូវើរី បានចាប់ដំណើរការផលិតកម្មស្រាបៀរ ជាលើកដំបូងនៅក្នុងព្រះរាជាណាចក្រកម្ពុជា តាមរយៈការប្រារព្ធ «ពិធីផលិតស្រាបៀរលើកដំបូង» ក្នុងបរិវេណរោងចក្រផ្ទាល់ដែលមាន ទីតាំងនៅលើផ្លូវលេខ ១១៤ ក្នុងភូមិរបោះអង្កាញ់ សង្កាត់ព្រែកឯង ខណ្ឌច្បារអំពៅ រាជធានីភ្នំពេញ ដោយមានវត្តមានអញ្ជើញចូលរួមជាកិត្តិយសពី ថ្នាក់ដឹកនាំក្នុងជួររាជរដ្ឋាភិបាល សមាជិកព្រឹទ្ធសភា ឯកឧត្តម លោកជំទាវ អ្នកឧកញ៉ា ឧកញ៉ា ព្រមទាំងតំណាងសមាគមចិនផងដែរ។
បន្ទាប់ពីទទួលបានការអនុម័តជាផ្លូវការពីរាជរដ្ឋាភិបាល និងក្រុមប្រឹក្សាអភិវឌ្ឍន៍កម្ពុជា (CDC) កាលពីថ្ងៃទី១០ ខែមិថុនា ឆ្នាំ២០២០ និងបានធ្វើពិធីបញ្ចុះបឋមសិលាបើកការដ្ឋានសាងសង់នៅថ្ងៃទី២៥ ខែមិថុនា ឆ្នាំ២០២០ រោងចក្រស្រាបៀរ វឌ្ឍនៈ ប្រ៊ូវើរី បានសម្រេចការសាងសង់តាមការគ្រោងទុកដោយប្រើពេលត្រឹមតែ ៤៨៣ថ្ងៃប៉ុណ្ណោះ ទោះស្ថិតក្នុងបរិបថនៃជំងឺកូវីដ-១៩ ក្តី ហើយបានរួមចំណែកជួយបន្តផ្តល់ការងារដល់បុគ្គលិក និងកម្មករ ជាង១០០០នាក់ រហូតមកទល់បច្ចុប្បន្ន។
ដោយបានអនុលោមតាមបទប្បញ្ញត្តិពាក់ព័ន្ធជាធរមាន នាពេលនេះ វឌ្ឍនៈ ប្រ៊ូវើរី បានសម្រេចឈានដល់ដំណាក់កាលផលិតស្រាបៀរជាលើកដំបូងរបស់ខ្លួន ជាមួយនិងសមត្ថភាពផលិតរហូតដល់ ៧៦លានកេសក្នុងមួយឆ្នាំនាពេលខាងមុខ ហើយនៅពេលដំណើរការផលិតកម្មបានពេញលេញនិងបង្កើតការងារសម្រាប់ពលរដ្ឋកម្ពុជារហូតដល់ ១,៥០០នាក់ និងផ្តល់ឱកាសការងារដោយប្រយោលជាច្រើនផ្សេងទៀត។
វត្តមាននៃរោងចក្រស្រាបៀរ វឌ្ឍនៈ ប្រ៊ូវើរី នឹងជួយជំរុញវិស័យឧស្សាហកម្មស្រាបៀរ និងភេសជ្ជៈ នៅក្នុងប្រទេសកម្ពុជាឱ្យកាន់តែមានភាពទំនើប សម្បូរបែបជាមួយនឹងបទពិសោធន៍ថ្មីប្លែក ជាពិសេសគឺជួយជំរុញការលើក កម្ពស់ គុណភាព និងស្តង់ដានៃការផលិតឱ្យកាន់តែមានភាពប្រសើរឡើង។ ក្នុងន័យនេះដើម្បីតបស្នងឱ្យសមទៅនឹងការគាំទ្រជឿជាក់ ក៏ដូចជា រាល់ការចំណាយរបស់អតិថិជន វឌ្ឍនៈ ប្រ៊ូវើរី បានប្តេជ្ញាផលិតស្រាបៀរជាតិ ដោយផ្តល់ជូននូវគុណភាព និងសេវាកម្មល្អឯកជាចម្បង តាមរយៈការសម្រិតសម្រាំងជ្រើសយកវត្ថុធាតុដើមយ៉ាងល្អិតល្អន់ពីក្រៅប្រទេស ប្រកបដោយគុណភាពខ្ពស់មានដូចជា ស្រូវសាលី ផ្កាហប់ និងមេស្រាបៀរ មុននឹងនាំចូលមករោងចក្រ ជាមួយនឹងការបំពាក់នូវគ្រឿងចក្រ បច្ចេកវិជ្ជាទំនើបចុងក្រោយបំផុតពីប្រទេសអាឡឺម៉ង់។
សមិទ្ធផលដែលកើតចេញពី ការប្តេជ្ញាចិត្តវិនិយោគយ៉ាងមោះមុត ក្នុងស្ថានភាពដ៏លំបាកនៃការរីករាលដាល ជំងឺកូវីដ-១៩ នាពេលនេះ គឺជាផ្លែផ្កាថ្មីមួយទៀតនៃការអនុវត្តគោលនយោបាយអភិវឌ្ឍន៍វិស័យឧស្សាហកម្មកម្ពុជា ២០១៥ – ២០២៥ របស់រាជរដ្ឋាភិបាល ក្រោមការដឹកនាំប្រកបដោយគតិបណ្ឌិត និងចក្ខុវិស័យវែងឆ្ងាយរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ភាពជោគជ័យនៃការសាងសង់រោងចក្រស្រាបៀរ វឌ្ឍនៈ ប្រ៊ូវើរី ក៏បានបង្ហាញឱ្យឃើញកាន់តែច្បាស់ថែមទៀតនូវភាពជឿជាក់ និងឈរលើគោលជំហររួមចំណែករបស់វិនិយោគិនក្នុងស្រុកជាមួយរាជរដ្ឋាភិបាលកម្ពុជាក្នុងការស្តារ និងជួយជំរុញកំណើនសេដ្ឋកិច្ចជាតិ ទោះស្ថិតក្នុងកាលៈទេសៈដ៏ប្រឈមបែបណាក៏ដោយ។
រោងចក្រ វឌ្ឍនៈ ប្រ៊ូវើរី គឺជាសមិទ្ធផលប្រវត្តិសាស្ត្រថ្មីមួយទៀតរបស់ វឌ្ឍនៈ គ្រុប ដែលជាគ្រុបដ៏លេចធ្លោមួយ ធ្វើការវិនិយោគលើវិស័យធនាគារ វិស័យអចលនទ្រព្យ វិស័យបដិសណ្ឋារកិច្ច វិស័យម្ហូបអាហារ វិស័យទំនិញ និងសេវាកម្មព្រមទាំងវិស័យសំខាន់ៗជាច្រើនទៀតនៅក្នុងទីផ្សារប្រទេសកម្ពុជា។ គេអាចកត់សម្គាល់បានថា គ្រប់ការវិនិយោគរបស់ក្រុមហ៊ុនបុត្រសម្ព័ន្ធទាំងអស់នៃ វឌ្ឍនៈ គ្រុប តាំងពីដើមរៀងមក គឺតែងតែឈរលើគោលការណ៍ដែលផ្តល់នូវគុណភាព និងសេវាកម្មល្អឯកសម្រាប់ជាគុណតម្លៃស្នូលជានិច្ច។
អំពីក្រុមហ៊ុន វឌ្ឍនៈ ប្រ៊ូវើរី
ក្រុមហ៊ុន វឌ្ឍនៈ ប្រ៊ូវើរី គឺជាក្រុមហ៊ុនលំដាប់ថ្នាក់អន្តរជាតិដែលមានមោទនភាពចំពោះ យថាភូតភាព ស្មារតីជាសហគ្រិន ការផ្ចិតផ្ចង់លើគុណភាព វប្បធម៌ និងធនធានមនុស្សរបស់ខ្លួន។ ការគិតគូរចំពោះអតិថិជនជាចម្បង គឺជាកត្តាអាទិភាពដែលជំរុញឱ្យពួកយើងផលិតស្រាបៀរដ៏ល្អឯក តាមរយៈការប្រើគ្រឿងផ្សំដែលមានគុណភាពខ្ពស់ ជាមួយនឹងការបំពាក់នូវសម្ភារបរិក្ខារផលិត និងបច្ចេកវិទ្យាទំនើបចុងក្រោយបំផុត។
វឌ្ឍនៈ ប្រ៊ូវើរី គឺជាក្រុមហ៊ុនបុត្រសម្ព័ន្ធរបស់ វឌ្ឍនៈ គ្រុប ដែលជាគ្រុបដ៏លេចធ្លោមួយធ្វើការវិនិយោគលើវិស័យជាច្រើនរួមមាន វិស័យលក់រាយ វិស័យអចលនទ្រព្យ សួនឧស្សាហកម្ម វិស័យធនាគារ វិស័យបដិសណ្ឋារកិច្ច (សណ្ឋាគារ និងហ្គោលរីសត) វិស័យសំណង់ វិស័យម្ហូបអាហារ និងវិស័យអប់រំ ជាដើម។
លោកស្រី គុណ ថាណែត ប្រធានគ្រប់គ្រងផ្នែកទំនាក់ទំនង
ទូរស័ព្ទ៖ (៨៥៥)៩៨ ៩២៣ ៨១១
អ៊ីម៉ែល៖ [email protected]
វៀតណាម ត្រូវរងគ្រោះដោយរលកកម្តៅបន្ថែមទៀត ដល់ដាច់ខែ
គម្រោងជីកស្ទឹងស្រែងបង្វែចរន្តទឹកអាចបង្កើនសមត្ថភាពស្រោចស្រពផ្ទៃដីជាង ១ ពាន់ហិកតា
ព្យុះព្រះអាទិត្យ ដ៏កាចសាហាវ វាយប្រហារភពផែនដី
មន្ត្រីជាន់ខ្ពស់ ចង់ប្រែក្លាយ ប.ស.ស ជាស្ថាប័នឈានមុខក្នុងការបម្រើសេវាជូនពលរដ្ឋនៅកម្ពុជា
អ៊ីស្រាអែល នៅតែផ្គើនអាមេរិក ចេញបញ្ជាឲ្យជនស៊ីវិល ឆាប់ជម្លៀសចេញពី Rafah ខណៈខ្លួន វាយសន្ធាប់
រុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
ទីបំផុត បក្សដែលស្នើបង្កើតដោយលោក ឯម សុខសុវណ្ណ ត្រូវបានក្រសួងមហាផ្ទៃ ចុះឈ្មោះជាផ្លូវការ
Huang Xiaoming ជួបមិត្តស្រីភ្លាមៗ ក្រោយចេញក្រៅជាមួយអតីតភរិយា Angelababy និងកូនប្រុស
ផ្ទុះខ្លាំង! មិនដល់២៤ម៉ោងផង វីដេអូ Surprise មង្គលការអតិថិជនរបស់ក្រុមហ៊ុន វឌ្ឍនៈ ប្រ៊ូវើរី ដោយកញ្ញារ៉ាប៊ីមានអ្នកទស្សនាជិត ៣លាននាក់ Videos Inside
អតីតនិស្សិត IT ម្នាក់ ចាប់មុខរបរចិញ្ចឹមកង្កែប រកប្រាក់ចំណូលបានប្រមាណជាង ១ពាន់ដុល្លារ ក្នុងមួយខែ
-
សេដ្ឋកិច្ច៦ ថ្ងៃ agoធនាគារ SinoPac ទិញយកគ្រឹះស្ថានមីក្រូហិរញ្ញវត្ថុអម្រឹតក្នុងទឹកប្រាក់ជាង៥០០លានដុល្លារ
-
ជីវិតកម្សាន្ដ១ សប្តាហ៍ agoក្រោយលែងលះ តារាហុងកុង Roger សល់ទ្រព្យ ១១ លានដុល្លារ ខណៈអតីតភរិយាចុះចេញតែខ្លួន
-
សេដ្ឋកិច្ច៣ ថ្ងៃ agoគម្រោងសាងសង់ស្ពានតភ្ជាប់ពីខេត្តកំពង់ឆ្នាំង-កំពង់ធំ កំពុងរង់ចាំថវិកាពីចិន
-
ជីវិតកម្សាន្ដ១ សប្តាហ៍ agoសារព័ត៌មានកូរ៉េលើកហេតុផល គ្មានអ្នកហ៊ានពហិការ ក្រោយ Lisa បង្ហាញស្នេហាជាមួយកូនសេដ្ឋី LV
-
ព័ត៌មានអន្ដរជាតិ៦ ថ្ងៃ agoវិមានសេដ្ឋីកាស៊ីណូ ហុងកុង ធ្លាប់រស់ជាមួយភរិយាទីមួយ ដាក់លក់តម្លៃ ៣៨៣លានដុល្លារ ក្នុងន័យចែកទ្រព្យ
-
ព័ត៌មានជាតិ១ សប្តាហ៍ agoស្រុកចំនួន ៣ ក្នុងខេត្តបាត់ដំបងមានប្រភពទឹកធម្មជាតិទាក់ទាញទេសចរច្រើនជាងគេ
-
ព័ត៌មានអន្ដរជាតិ១ ថ្ងៃ agoរុស្ស៊ី ផ្ទុះការវាយលុកដំណាក់កាលថ្មីលើ អ៊ុយក្រែន ប្រើទាំងរថពាសដែក ទម្លាក់គ្រាប់បែក និងបាញ់កាំភ្លើងធំ
-
សន្តិសុខសង្គម៦ ថ្ងៃ agoព័ត៌មានបឋម៖ អគ្គិភ័យកំពុងឆេះស្ថានីយប្រេងឥន្ធនៈនៅខេត្តព្រះវិហារ(មានវីដេអូ)