ព័ត៌មានជាតិ

សាលាដំបូង លើកពេលសវនាការសំណុំរឿងក្តីលោក រ៉ុង ឈុន ដោយសាការរីករាលដាលនៃជំងឺកូវីដ១៩

បានផុស

៦ years មុន

នៅ

ថ្ងៃពុធ ២ ធ្នូ ២០២០

ដោយ

សាលាដំបូងរាជធានីភ្នំពេញ គ្រោងលើកយកសំណុំរឿងក្តី ញុះញង់បង្កឲ្យមានភាពវឹកវរធ្ងន់ធ្ងរដល់សង្គម របស់លោក រ៉ុង ឈុន ប្រធានសហភាពសហជីពកម្ពុជា និងជាសមាជិកក្រុមប្រឹក្សាឃ្លាំមើលកម្ពុជា មកបើកសវនាការធ្វើនៅថ្ងៃទី២ ខែធ្នូនេះ តែត្រូវបានលើកពេលសវនាការ ដោយសាការរីករាលដាលនៃជំងឺកូវីដ១៩ នេះបើតាមលោក សំ សុគង់ ។

លោក សំ សុគង់ មេធាវីការពារក្តីឱ្យលោក រ៉ុង ឈុន និយាយប្រាប់អ្នកសារព័ត៌មាននៅថ្ងៃនេះថា សាលាដំបូងរាជធានីភ្នំពេញ បានកំណត់យកថ្ងៃទី២ ខែធ្នូ ដើម្បីបើកសវនាការជំនុំជម្រះលើសំណុំរឿងលោក រ៉ុង ឈុន តែបានលើកពេលហើយ ដោយសារក្ដីបារម្ភពីការឆ្លងកូវីដ១៩ ហើយនៅមិនទាន់ប្រាប់ពេលជាក់លាក់សម្រាប់សវនាការនៅពេលក្រោយនោះទេ។

សូមបញ្ជាក់ថា លោករ៉ុង ឈុន ត្រូវបានចោទប្រកានើពីបទញុះញង់បង្កអោយមានភាពវឹកវរធ្ងន់ធ្ងរដល់សន្តិសុខសង្គម តាមមាត្រា៤៩៥ នៃក្រមព្រហ្មទណ្ឌ កាលពីថ្ងៃទី១ ខែសីហា ឆ្នាំ២០២០ ។ លោករ៉ុង ឈុន ត្រូវបានសមត្ថកិច្ចចាប់ខ្លួនតាមដីការបស់តុលាការ បន្ទាប់ពីចោទប្រកាន់គ្មានមូលដ្ឋានថា ការបោះបង្គោលព្រំដែនពីលេខ១១៤ ដល់លេខ១១៩ មានភាពមិនប្រក្រតីច្រើន ដែលធ្វើឲ្យពលរដ្ឋបាត់បង់ដីទៅខាងភាគីវៀតណាមជាច្រើនរយហិកតា នៅឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ គឺជាការប្រឌិតរឿងក្នុងគោលបំណងបំភ័ន្តសាធារណៈមតិជាតិ និងអន្តរជាតិ។

យោងតាមមាត្រា៤៩៥. បទញុះញង់ឲ្យប្រព្រឹត្តបទឧក្រិដ្ឋ ជាអាទិ៍ៈ អំពើញុះញង់ដោយផ្ទាល់ឲ្យប្រព្រឹត្តបទឧក្រិដ្ឋ ឬប្រព្រឹត្តអំពើបង្កឲ្យមានភាពវឹកវរធ្ងន់ធ្ងរដល់សន្តិសុខសង្គម តាមមធ្យោណាមួយ ក្នុងចំណោមមធ្យោបាយដែលមានចែងក្នុងមាត្រា៤៩៤ (លក្ខខណ្ឌអត្ថិភាពនៃការញុះញង់) នៃក្រមនេះ ត្រូវផ្តន្ទាទោសដាក់ពន្ធនាគារពី៦ (ប្រាំមួយ) ខែទៅ២ (ពីរ) ឆ្នាំ និងពិន័យជាប្រាក់ពី១ ០០០ ០០០ (មួយលាន) រៀលទៅ ៤០០០ ០០០ (បួនលាន) រៀល ប្រសិនបើការញុះញង់នេះគ្មានប្រសិទ្ធភាពទេ។

លោក រ៉ុង ឈុន ត្រូវបានសមត្ថកិច្ចចាប់ខ្លួនកាលពីវេលាម៉ោងជាង៩យប់ថ្ងៃទី៣១ ខែសីហា ឆ្នាំ២០២០ នៅផ្ទះរបស់លោកនៅចាក់អង្រែ។ លោករ៉ុង ឈុន ត្រូវបានបញ្ជូនខ្លួនទៅកាន់ស្នងការដ្ឋាននគរបាលរាជធានីភ្នំពេញទាំងយប់ ហើយនៅព្រឹកថ្ងៃទី១ ខែសីហា ឆ្នាំ២០២០ បានបញ្ជូនខ្លួនលោក រ៉ុង ឈុន ទៅកាន់សាលាដំបូងរាជធានីភ្នំពេញ ដើម្បីឲ្យព្រះរាជអាជ្ញា និងចៅក្រមធ្វើការសាកសួរ។
កាលពីថ្ងៃទី១១ ខែវិច្ឆិកា ឆ្នាំ២០២០ តុលាការកំពូលបានបើកសវនាការលើសំណុំរឿងលោក រ៉ុង ឈុន តំណាងក្រុមប្រឹក្សាឃ្លាំមើលកម្ពុជា និងជាប្រធានសហភាពសហជីពកម្ពុជា ដែលមេធាវី ប្តឹងសុំនៅក្រៅឃុំ ប៉ុន្តែតុលាការកំពូលសម្រេចឲ្យជាប់ឃុំដដែល៕
ដោយ ៖ កោះកែវ

Related Topics:

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា