ព័ត៌មានជាតិ

ចាប់ខ្លួនអ្នកលួចអំពូលសឡាបំភ្លឺសួន៧នាក់ បញ្ជូនទៅ តុលាការ

បានផុស

៥ years មុន

នៅ

ថ្ងៃអង្គារ ២៦ តុលា ២០២១

ដោយ

កម្លាំងនគរបាល នៃអធិការដ្ឋាននគរបាលក្រុងបានលុង ធ្វើការចុះស្រាវជ្រាវឃាត់ខ្លួនជនសង្ស័យចំនួន៧នាក់កាលពីវេលាម៉ោង១២និង៣០នាទី ថ្ងៃទី២៥ ខែតុលា ឆ្នាំ២០២១ ពាក់ព័ន្ធករណីលួចអំពូលភ្លើងសឡាបំភ្លឺតាមសួនច្បារសាធារណៈ កាលពីថ្ងៃទី២២ ខែតុលា ឆ្នាំ២០២១កន្លងទៅ នៅត្រង់ចំណុចសួនកុមារ តាមមាត់បឹងកន្សែង ស្ថិតនៅក្នុងភូមិទេសអន្លង់ សង្កាត់បឹងកន្សែង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ពីនគរបាលបានឲ្យដឹងថា ជនសង្ស័យចំនួន៧នាក់ដែលសមត្ថកិច្ចឃាត់ខ្លួនរួមមាន៖១- ឈ្មោះ ឌីន សុវណ្ណដារ៉ារ័ត្នមុន្នី (ហៅបៀវ) ភេទប្រុស អាយុ១៨ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្នភូមិភ្នំស្វាយ សង្កាត់បឹងកន្សែង ក្រុងបានលុង ខេត្តរតនគិរី។ ២- ឈ្មោះ ជា ចិត្ត(ហៅចិត្ត) អាយុ១៩ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្នមិនពិតប្រាកដ។ ៣- ឈ្មោះ ជឹម ចិត្រា (ហៅ ចិត្ត) ភេទប្រុស អាយុ២៧ឆ្នាំ ជនជាតិខ្មែរ មុខរបរជាងដែក មានទីលំនៅបច្ចុប្បន្នភូមិភ្នំស្វាយ សង្កាត់បឹងកន្សែង ក្រុងបានលុង ខេត្តរតនគិរី។ ៤- ឈ្មោះ សាន សារុំ (ហៅ គត់) ភេទប្រុស អាយុ១៥ឆ្នាំ ជនជាតិគ្រឹង មុខរបរធ្វើចម្ការ មានទីលំនៅបច្ចុប្បន្នភូមិ ធួយអំពិល ឃុំចាអ៊ុង ស្រុកអូរជុំ ខេត្តរតនគិរី។ ៥- ឈ្មោះ ហិន សំអេន (ហៅអេន) ភេទប្រុស អាយុ៣០ឆ្នាំ ជនជាតិខ្មែរ មុខរបរធ្វើចម្ការ មានទីលំនៅបច្ចុប្បន្នភូមិ៧មករា សង្កាត់ឡាបានសៀក ក្រុងបានលុងខេត្តរតនគិរី។ ៦- ឈ្មោះ ឌុល រដ្ឋា (ហៅម៉ាប់) ភេទប្រុស អាយុ១៤ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្នភូមិ៧មករា សង្កាត់ឡាបានសៀក ក្រុងបានលុង ខេត្តរតនគិរី។ ទាំង៦នាក់ លទ្ធផលធ្វើតេស្តររកមេរោគកូវីដ១៩ អវិជ្ជមាន។និង៧- ឈ្មោះ ពេជ្រ រតនា (ហៅរតនា) ភេទប្រុស អាយុ៣១ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅបច្ចុប្បន្នភូមិ៧មករា សង្កាត់ឡាបានសៀក ក្រុងបានលុង ខេត្តរតនគិរី លទ្ធផលធ្វើតេស្តរកមេរោគកូវីដ១៩ វិជ្ជមាន។

ក្រោយឃាត់ខ្លួនសមត្ថកិច្ចបានដកហូតម៉ូតូម៉ាក វេវឆ្លាម ពណ៌ខ្មៅចំនួន១គ្រឿង ផ្ទាំងសឡាចំនួន៦ផ្ទាំង អំពូលសឡាចំនួន១ និងហ្វាសឡាចំនួន២ទៀតផងដែរ។

បច្ចុប្បន្នជនសង្ស័យរួមទាំងវត្ថុតាងកំពុងឃាត់ខ្លួនបណ្តោះអាសន្ន នៅអធិការនគរបាលក្រុងបានលុង ដើម្បីសួរនាំនិងកសាងសំណុំរឿងបញ្ជូនទៅអយ្យការអមសាលាដំបូងខេត្ត ចាត់ការទៅតាមនីតិវិធី៕

អត្ថបទ៖ វុទ្ធឦសាន